കാബൂളിൽ വിവാഹച്ചടങ്ങിനിടെ ചാവേറാക്രമണം: 63 മരണം

 

കാബൂൾ: അഫ്ഘാനിസ്ഥാന്റെ തലസ്ഥാനമായ കാബൂളിൽ വിവാഹച്ചടങ്ങിനിടെ ചാവേർ ആക്രമണം. ആക്രമണത്തിൽ 63 പേരോളം മരിച്ചു. ഇന്നലെ രാത്രി നടന്ന ആക്രമണത്തിൽ നൂറിലധികം പേർക്ക് പരിക്കുണ്ട്. ചടങ്ങു നടക്കുന്നതിനിടെ ചാവേർ പൊട്ടിത്തെറിക്കുകയായിരുന്നു.

സ്‌ഫോടനത്തിന്റെ ഉത്തരവാദിത്തം ഇത് വരെ സംഘടനകളൊന്നും ഏറ്റെടുത്തിട്ടില്ല. 1200 ഓളം പേരെ വിവാഹത്തിന് ക്ഷണിച്ചിരുന്നു. പ്രാദേശിക സാമയം രാത്രി 10:40 ഓടെയാണ് സ്ഫോടനം ഉണ്ടായത്. വിവാഹച്ചടങ്ങിൽ ഭാഗമായി കാബൂളിലെ ഷഹർ – ഇ – ദുബായ് എന്ന ഹാളിൽ സംഗീത നിഷ നടക്കുന്നതിനിടെ ചാവേർ പൊട്ടിത്തെറിക്കുകയായിരുന്നു.

നാനൂറിലധികം പേർ ഈ സായം ഹാളിൽ ഉണ്ടായിരുന്നു. ഷിയാ മുസ്ലിം വിഭാഗക്കാർ തിങ്ങി പാർക്കുന്ന മേഖലയിലാണ് സ്ഫോടനം നടന്നത്. സംഗീതനിശ നടക്കുന്ന സ്റ്റേജിന് സമീപമാണ് ചാവേർ പൊട്ടിത്തെറിച്ചത്. മരണനിരക്ക് ഇനിയും ഉയരാൻ സാധ്യതയുണ്ടെന്ന് പോലീസ് മേധാവി അറിയിച്ചു.

You must be logged in to post a comment Login