കേരളത്തില്‍ റെക്കോർഡ് പോളിങ് 77.68%;  പ്രതീക്ഷയോടെ മുന്നണികൾ

 

കൊച്ചി: കേരളത്തില്‍ 20 ലോക് സഭ മണ്ഡലങ്ങിലേക്ക് നടന്ന തെരഞ്ഞെടുപ്പില്‍ 77.68% പോളിങ് രേഖപ്പെടുത്തിയതായി തെരഞ്ഞെടുപ്പ് കമ്മീഷന്‍. മൂന്ന് പതിറ്റാണ്ടിനിടയിലെ ഏറ്റവും ഉയർന്ന പോളിങാണിത്.

കണ്ണൂര്‍ ആണ് ഏറ്റവുമധികം പോളിങ് രേഖപ്പെടുത്തിയത്, 83.05% ആണ് പോളിങ്. കാസർഗോഡാണ് രണ്ടാം സ്ഥാനത്ത്. 80.57 ശതമാനം പോളിങാണ് ഇവിടെ രേഖപ്പെടുത്തിയിരിക്കുന്നത്. മൂന്നാം സ്ഥാനം ആലത്തൂരിനും (80.33) തൊട്ടുപിന്നില്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി മത്സരിച്ച വയനാട് ലോക് സഭ മണ്ഡലാണ് 80.31% ആണ് ഇവിടുത്തെ പോളിങ്. ഏറ്റവും കുറവ് പോളിങ് തിരുവനന്തപുരം ലോക് സഭ മണ്ഡലത്തിലാണ്. ഇവിടെ 73.45% ആണ് പോളിങ് നിരക്ക്.

എല്ലാ ലോക് സഭ മണ്ഡലങ്ങളിലും പോളിങ് ശതമാനം 70 കടന്നു. വയനാട് റെക്കോഡ് പോളിങ് ആണ് രേഖപ്പെടുത്തിയത്. ശക്തമായ ത്രികോണ മത്സരങ്ങള്‍ നടക്കുന്ന പത്തനംതിട്ട, തിരുവനന്തപുരം, തൃശൂര്‍ എന്നിവിടങ്ങളില്‍ കഴിഞ്ഞ തവണത്തെക്കാള്‍ അധികം വോട്ടുകള്‍ പോള്‍ ചെയ്‍തു.

മണ്ഡലം തിരിച്ചുള്ള പോളിങ് ശതമാനം ഇങ്ങനെ (ശതമാനത്തിൽ):

തിരുവനന്തപുരം 73.45
ആറ്റിങ്ങൽ 74.23
കൊല്ലം 74.36
പത്തനംതിട്ട 74.19
മാവേലിക്കര 74.09
ആലപ്പുഴ 80.09
കോട്ടയം 75.29
ഇടുക്കി 76.26
എറണാകുളം 77.54
ചാലക്കുടി 80.44
തൃശ്ശൂർ 77.86
ആലത്തൂർ 80.33
പാലക്കാട്
പൊന്നാനി 74.96
മലപ്പുറം 75.43
കോഴിക്കോട് 81.47
വയനാട് 80.31
വടകര 82.48
കണ്ണൂർ 83.05
കാസർകോട് 80.57

തിരുവനന്തപുരത്ത് ചെയ‍്‍ത വോട്ട് മറ്റൊരു പാര്‍ട്ടിക്ക് ലഭിച്ചതായി ആരോപിച്ച വോട്ടര്‍ക്ക് എതിരെ തെരഞ്ഞെടുപ്പ് കമ്മീഷന്‍ അന്വേഷണത്തിന് ശേഷം പരാതി നല്‍കി. ഇയാളെ പോലീസ് അറസ്റ്റ് ചെയ്‍തു. പ്രതിപക്ഷ പാര്‍ട്ടികള്‍ പ്രതിഷേധിച്ചു. നിയമനടപടി സ്വീകരിക്കുക മാത്രമാണ് ചെയ്‍തതെന്നാണ് കമ്മീഷന്‍ വിശദീകരണം.

വോട്ടിങ് യന്ത്രം പണിമുടക്കിയതിനെ തുടര്‍ന്ന് ചിലയിടങ്ങളില്‍ തെരഞ്ഞെടുപ്പ് നീണ്ടു. തെരഞ്ഞെടുപ്പ് തികച്ചും സമാധാനപരമായിരുന്നു. മേയ് 23ന് ആണ് ഫലപ്രഖ്യാപനം.

You must be logged in to post a comment Login