ഗോതമ്പ് മുളപ്പിച്ചടിച്ച ജ്യൂസ് കാൻസറിനെ പോലും അടുപ്പിക്കില്ല

wheatgrass-benefits

ഗോതമ്പ് മുളപ്പിച്ചടിച്ച ജ്യൂസ് കാൻസ‍റിനെ പോലും അടുപ്പിക്കില്ലെന്ന് അറിയാമോ. വിറ്റമിനുകളുടെയും മിനറലുകളുടെയും ഒരു കലവറയാണ് വീറ്റ് ഗ്രാസ്. കൂടാതെ ദഹനത്തെ സഹായിക്കുന്ന എൻസൈമുകളും ഇതിൽ അടങ്ങിയിരിക്കുന്നു. രക്തത്തിലെ ഹീമോഗ്ലോബിൻ കൂട്ടാനും കാൻസർ വരെ തടയാനും വീറ്റ് ഗ്രാസ് വരെ നല്ലതാണ്.

കുട്ടികള്‍ക്കും മുതിര്‍ന്നവര്‍ക്കും എല്ലാം ഒരുപോലെ ഇത് കഴിക്കാനാകും എന്നതും ഇതിന്‍റെ മറ്റൊരു സവിശേഷതയാണ്. വീറ്റ് ഗ്രാസ് ഏത് നാട്ടിലും ഏതു കാലാവസ്ഥയിലും വീട്ടിനുള്ലഇൽ വളരെ എളുപ്പം വള‍ത്തി എടുക്കാവുന്ന ഒന്നാണ്. വീറ്റ് ഗ്രാസ് ജൂസ് ആരോഗ്യത്തിന് വളരെയേറെ മികച്ചതാണ്. ഇതിനായി ആദ്യം ചെയ്യേണ്ടത് ഇത്രമാത്രം. ഗോതമ്പ് മുളപ്പിക്കാൻ ആവശ്യമായ അത്ര മണ്ണും ഒരു പരന്ന പാത്രവും കുറച്ചു ഗോതമ്പും തയ്യാറാക്കി വെക്കുക.

12 മണിക്കൂർ കുതി‍‍ര്‍ത്ത് വെച്ചിരിക്കുന്ന ഗോതമ്പ് വെള്ളം വാര്‍ത്ത് വെക്കുക. ശേഷം ഒരു ട്രെയിലോ പരന്ന പാത്രത്തിലോ 1 ഇഞ്ച് കനത്തിൽ നനവുള്ള മണ്ണ് നിരത്തുക. അതിനു മുകളില ഈ ഗോതമ്പ് നിരത്തുക. കൈകൊണ്ടു പതുക്കെ ഒന്ന് അമര്‍ത്തി എല്ലാ ഗോതമ്പ് മണികളും മണ്ണിൽ പതിച്ചു വക്കുക. ഈ‍ര്‍പ്പം നില നിർത്താൻ ഒരു നനഞ്ഞ തോർത്തോ ഒരു പ്ലാസ്റ്റിക് ഷീറ്റോ കൊണ്ട് ട്രേ മൂടി വക്കുക.

എന്നും രാവിലെയും വൈകുന്നേരവും കുറച്ചു വെള്ളം സ്പ്രേ ചെയ്യണം. മൂന്നു നാല് ദിവസം കൊണ്ട് മുളകൾ വന്നു തുടങ്ങും. നാമ്പുകൾക്ക് 1 ഇഞ്ച് നീളം ആയാൽ മൂടി മാറ്റാം. പിന്നീടുള്ള ദിവസങ്ങളിൽ വെളിച്ചം കിട്ടുന്ന സ്ഥലത്ത് വെക്കണം. വീടിനുള്ളിലെ ഒരു ജനാലയുടെ അടുത്ത് വെച്ചാൽ മതിയാകും. ആദ്യത്തെ ദിവസം നേരിട്ട് വലിയ വെയിൽ കൊള്ളിക്കരുത്. അന്ന് ചെറിയ തണലു മതി. പിറ്റേന്ന് മുതൽ നന്നായി വെളിച്ചം കൊടുക്കാം.

8-9 ദിവസം ആകുമ്പോൾ ഇവ അഞ്ചു ആറു ഇഞ്ച് വളർന്നിട്ടുണ്ടാകും. അപ്പോൾ ചുവട്ടിൽ നിന്നും 1-2 ഇഞ്ച് മുകളിൽ ആയി മുറിച്ചു എടുക്കാം. അത് വെള്ളം കൂട്ടി ഒരു മിക്സിയിൽ അടിച്ചു, അരിച്ചു എടുത്തു കുടിക്കാം. ചു ഇഷ്ടമല്ലാതെ വരികയാണെങ്കിൽ കൂടെ ബീറ്റ്റൂട്ടോ ക്യാരറ്റോ നാരങ്ങയോ പൈനാപ്പിളോ ഒക്കെ ചേ‍ര്‍ത്തടിക്കാം.

മുറിച്ചവ വീണ്ടും വളർന്നു വരും. വീണ്ടും രണ്ടു പ്രാവശ്യം കൂടി ഇങ്ങനെ മുറിച്ചു എടുത്തു ഉപയോഗിക്കാം. അതിനു ശേഷം അത് കമ്പോസ്റ്റു ഉണ്ടാക്കാൻ ഉപയോഗിക്കാം.രണ്ടു മൂന്നു ദിവസം ഇടവിട്ട് രണ്ടോ മൂന്നോ ട്രേ കളിൽ ഇങ്ങനെ തുടങ്ങിയാൽ എന്നും ഉപയോഗിക്കാനാകും.

You must be logged in to post a comment Login