ഡോളറിനെതിരെ രൂപയുടെ മൂല്യത്തില്‍ വന്‍ മുന്നേറ്റം

മുംബൈ: ഡോളറിനെതിരെ രൂപയുടെ മൂല്യത്തില്‍ ഇന്ന് വലിയ വര്‍ദ്ധനവ് രേഖപ്പെടുത്തി. ഇത് വിനിമയ വിപണിയ്ക്ക് ആശ്വാസമായി. രാവിലെ വ്യാപാരം ആരംഭിക്കുമ്പോൾ ഡോളറിനെതിരെ രൂപയുടെ മൂല്യം 17 പൈസയായിരുന്നു ഉയര്‍ന്നിരുന്നത്. അപ്പോൾ 73.30 ആയിരുന്ന വിനിമയ നിരക്ക് ഒടുവിൽ വിവരം ലഭിക്കുമ്പോൾ 73.37 രൂപയായിട്ടുണ്ട്.

വെള്ളിയാഴ്ച്ച വ്യാപാരം അവസാനിക്കുമ്പോള്‍ രൂപയുടെ മൂല്യം 20 പൈസ ഇടിഞ്ഞ് 73.47 ആയിരുന്നു. ഇന്ത്യന്‍ ഓഹരി വിപണിയില്‍ പ്രകടമായ ഉണര്‍വ്വാണ് രൂപയുടെ മൂല്യത്തിലും പ്രതിഫലിച്ചത്. അന്താരാഷ്ട്ര വിപണിയില്‍ ക്രൂഡ് ഓയില്‍ വിലയിലുണ്ടായ ഇടിവും രൂപയെ സ്വാധീനിച്ചു. ഇറക്കുമതി മേഖലയിലുളളവരും ബാങ്കുകളും ഡോളര്‍ വൻ തോതിൽ വിറ്റഴിക്കുന്നതും രൂപയ്ക്ക് കരുത്തു പകരുന്നുണ്ട്.

അടുത്തിടെയായി ഡോളറിനെതിരെ രൂപയുടെ മൂല്യം ചരിത്രം തിരുത്തിക്കൊണ്ട് താഴേയ്ക്ക് പതിക്കുകയായിരുന്നു. എന്നാൽ ഇപ്പോഴത്തെ നേരിയ വ്യതിയാനം പോലും ഇന്ത്യൻ ജനത ആകാംക്ഷയോടെ ഉറ്റുനോക്കുകയാണ്. ഇപ്പോഴുണ്ടായ നേരിയതിൽ നേരിയതായ നേട്ടം രൂപയുടെ മൂല്യത്തിൽ പ്രത്യക്ഷമായ മാറ്റം വരുത്തുന്നില്ലെങ്കിലും രൂപ വീണ്ടും പഴയ പ്രതാപം വീണ്ടെടുക്കുമെന്നാണ് ഏവരും പ്രതീക്ഷിക്കുന്നത്.

You must be logged in to post a comment Login