തേഡ് പാർട്ടി ഇൻഷ്വറസ് പ്രീമിയം കൂടുന്നു

 

 

ന്യൂഡൽഹി: ലോക്സഭാ തെരഞ്ഞെടുപ്പ് കഴിഞ്ഞതിനു പിന്നാലെ വാഹനങ്ങളുടെ തേഡ് പാര്‍ട്ടി ഇൻഷ്വറൻസ് തുകയും വര്‍ദ്ധിക്കുന്നു. സാധാരണഗതിയിൽ ഏപ്രില്‍ ഒന്നിനു പുറത്തു വരുന്ന പുതിയ നിരക്ക് ഇത്തവണ മെയ് മാസത്തിലാണ് പുറത്തിറങ്ങിയത്. ഇൻഷ്വറൻസ് റഗുലേറ്ററി ആന്‍റ് ഡവലപ്മെന്‍റ് അതോരിറ്റിയുടെ വിജ്ഞാപനം ഇന്നലെയാണ് പുറത്തിറങ്ങിയത്.

ഈ മാസം 29 വരെ പൊതുജനങ്ങള്‍ക്ക് ഇതേപ്പറ്റി അഭിപ്രായങ്ങളും പരാതികളും അറിയിക്കാം. സാധാരണ ഗതിയിൽ ഏപ്രിൽ ഒന്നിനാണ് പുതിയ നിരക്കുകള്‍ നിലവിൽ വരുന്നതെങ്കിലു തെരഞ്ഞെടുപ്പ് മൂലം കരട് വിജ്ഞാപനം വൈകുകയായിരുന്നു. കാര്‍, ബസ്, ബൈക്ക്, ട്രക്ക്, ട്രാക്ടര്‍ തുടങ്ങി വിവിധയിനം വാഹനങ്ങളടെ ഇൻഷ്വറൻസ് നിരക്കുകള്‍ വര്‍ദ്ധിക്കും.

അതേസമയം, പുതിയ കാറുകള്‍ക്ക് 3 വര്‍ഷത്തേയ്ക്കും ബൈക്കുള്‍ക്ക് അഞ്ച് വര്‍ഷത്തേയ്ക്കുമുള്ള ഒറ്റത്തവണ പ്രീമിയം നിരക്ക് വര്‍ദ്ധിപ്പിച്ചിട്ടില്ല. ഇതിനു പുറമെ 1500 സിസിയിൽ കൂടുതല്‍ ശേഷിയുള്ള കാറുകള്‍, 350സിസിയ്ക്ക് മുകളിലുള്ള മോട്ടോര്‍ ബൈക്കുകള്‍, ഇ ഓട്ടോറിക്ഷകള്‍ എന്നിവയുടെ ഇൻഷ്വറൻസ് നിരക്കുകള്‍ പഴയപടി തുടരും. സ്വകാര്യ ഇലക്ട്രിക് കാറുകള്‍ക്കും വൈദ്യുതിയിലോടുന്ന ഇരുചക്രവാഹനങ്ങള്‍ക്കും 15 ശതമാനം ഇളവുണ്ട്. കൂടുതല്‍ വിവരങ്ങള്‍ www.irdai.gov.in എന്ന വെബ്സൈറ്റില്‍ ലഭിക്കും.

വിവിധയിനം വാഹനങ്ങളുടെ പുതിയ വാര്‍ഷിക ഇന്‍ഷ്വറൻസ് പ്രീമിയം നിരക്കുകള്‍ ഇങ്ങനെയാണ്. പഴയ നിരക്ക് ബ്രാക്കറ്റിൽ.

സ്വകാര്യ കാര്‍ 1000 സിസിയ്ക്ക് താഴെ 2120 രൂപ (1850 രൂപ), 1000 – 1500 സിസി കാര്‍ 3300 രൂപ ( 2863 രൂപ), ബൈക്കുകള്‍ക്ക് 482 രൂപ ( 427 രൂപ), 75 – 150 സിസി ബൈക്കുകള്‍ 752 രൂപ (720 രൂപ), 150 സിസി – 350 സിസി 1193 രൂപ (985 രൂപ) എന്നിങ്ങനെയാണ് നിരക്ക് വര്‍ദ്ധന.

You must be logged in to post a comment Login