ദിലീപ് – അനു സിതാര ചിത്രം ‘ശുഭരാത്രി’യുടെ ട്രെയിലര്‍ കാണൂ-Malayalam

 

.

ദിലീപ് നായകനാകുന്ന ‘ശുഭരാത്രി’യുടെ ട്രെയിലര്‍ പുറത്തു വിട്ടു. വളരെ ഗൗരവകരമായ ഒരു കഥയാണ് ചിത്രം പറയുന്നത്. ‘അയാള്‍ ജീവിച്ചിരിപ്പുണ്ട്’ എന്ന ചിത്രത്തിനുശേഷം വ്യാസന്‍ കെ.പി രചനയും സംവിധാനവും നിര്‍വഹിക്കുന്ന ചിത്രത്തിൽ ദിലീപും അനു സിതാരയും എത്തുന്നത് ദമ്പതികളായാണ്. യഥാര്‍ഥ സംഭവത്തെ ആസ്പദമാക്കിയാണ് ചിത്രം ഒരുക്കുന്നത്. വളരെ ഗൗരവകരമായ കഥ പറയുന്ന ചിത്രമാണ് ശുഭരാത്രിയെന്നാണ് വിവരം. ചിത്രത്തിൽ കൃഷ്ണൻ എന്ന കഥാപാത്രമായാണ് ദിലീപ് എത്തുന്നത്.

ഒരു കുടുംബ ചിത്രമാണ് ശുഭരാത്രി എന്നും മകളെ കാണാതാകുന്ന കുടുംബത്തിൻ്റെ തീരാവേദനയും സംഭവത്തിലെ പോലീസ് അന്വേഷണവുമാണ് ചിത്രം പറയുന്നതെന്നുമാണ് ട്രെയിലറിൽ നിന്ന് ലഭിക്കുന്ന സൂചന. ചിത്രത്തിൽ കുറച്ച് പോലീസുകാരും രണ്ട് കള്ളന്മാരുമുണ്ടെന്നും ഒരു നാടിൻ്റെ പശ്ചാത്തലത്തിൽ പറയുന്ന കഥയാണെന്നുമാണ് വിവരം. ദിലീപും അനു സിത്താരയും വിവാഹിതരായി നിൽക്കുന്ന ശുഭരാത്രിയുടെ ഫസ്റ്റ് ലുക്ക് പോസ്റ്റര്‍ ഏറെ വൈറലായിരുന്നു. ശുഭരാത്രിയുടെ ലൊക്കേഷനില്‍ നിന്നുള്ള ചിത്രങ്ങൾ സോഷ്യൽ മീഡിയയിൽ ഏറെ വൈറലായിരുന്നു.

shubarathri official trailer dileep anu sithara vyasan k p

വ്യാസന്‍ കെ.പി (വ്യാസൻ എടവനക്കാട്) സംവിധാനം ചെയ്യുന്ന ചിത്രം നിര്‍മ്മിക്കുന്നത് അരോമ മോഹന്‍, എബ്രാഹം മാത്യു എന്നിവര്‍ ചേര്‍ന്നാണ്. ചിത്രം ഉടൻ തീയേറ്ററുകളിൽ എത്താനായൊരുങ്ങുകയാണ്. സിദ്ധിഖ്, ശാന്തികൃഷ്ണ, സ്വാസിക, നെടുമുടി വേണു, അനു സിത്താര, സായികുമാര്‍, സുരാജ് വെഞ്ഞാറമൂട്, ഇന്ദ്രന്‍സ്, നാദിര്‍ഷ, ഹരീഷ് പേരടി, വിജയ് ബാബു, മണികണ്ഠന്‍, സൈജു കുറിപ്പ്, സുധി കോപ്പ, അശോകൻ, സന്തോഷ് കീഴാറ്റൂര്‍, പ്രശാന്ത്, കലാഭവന്‍ ഹനീഫ്, ജയന്‍ ചേര്‍ത്തല, ജോബി പാല, ശാന്തി കൃഷ്ണ, ഷീലു ഏബ്രഹാം, കെ.പി.എ.സി ലളിത, തെസ്നി ഖാന്‍, അജു വര്‍ഗീസ്, നാദിര്‍ഷ, ഇന്ദ്രന്‍സ്, ആശാ ശരത്, സ്വാസിക, രേഖാ രതീഷ്, ശോഭ മോഹന്‍, സരസാ ബാലുശ്ശേരി എന്നിവരാണ് ചിത്രത്തിലെ മറ്റ് താരങ്ങളായുള്ളത്.

ഒരു അസാധാരണ കഥ എന്ന ടാഗ് ലൈനോടു കൂടിയാണ് ചിത്രം എത്തുന്നത്. ചിത്രത്തിൻ്റെ പോസ്റ്റ് പ്രൊഡക്ഷൻ പ്രവ‍ര്‍ത്തനങ്ങൾ അണിയറയിൽ പുരോഗമിക്കുകയാണ്. സംവിധായകൻ, ഗാനരചയിതാവ്, ഗായകൻ, തിരക്കഥാകൃത്ത്, അഭിനേതാവ് എന്നീ നിലകളിൽ തിളങ്ങിയ നാദിര്‍ഷ ഒരു നടനായി തിരിച്ചെത്തുന്ന ചിത്രമെന്ന പ്രത്യേകതയും ശുഭരാത്രിക്കുണ്ട്. നീണ്ട പതിനാലു വർഷത്തിനു ശേഷമാണ് നാദിര്‍ഷ അഭിനയരംഗത്തേക്കെത്തുന്നത്. വ്യാസൻ കെ.പി. സംവിധാനം ചെയ്യുന്ന ചിത്രത്തിൽ സിദ്ദിഖിൻ്റെ മകൻ്റെ വേഷത്തിലാണ് നാദിർഷ എത്തുന്നത്. വ്യാസന്‍ കെ പി തന്നെയാണ് ചിത്രത്തിന് കഥയും തിരക്കഥയും സംഭാഷണവും എഴുതിയിരിക്കുന്നത്.

shubharathri movie character posters go viral

ദിലീപ് – അനു സിതാര ചിത്രം ‘ശുഭരാത്രി’യിലെ ക്യാരക്ട‍ർ പോസ്റ്ററുകൾ

Loading

സംഗീത സംവിധായകൻ ബിജിബാലും,ഗാനരചയിതാവ്‌ ഹരിനാരായണനും ശുഭരാത്രിയിൽ അഭിനേതാക്കളായ്‌ എത്തുന്നുണ്ട്. ഇരുവരും പാടി അഭിനയിച്ച പാട്ട് മുൻപ് പുറത്ത് വിട്ടിരുന്നു. കോടതി സമക്ഷം ബാലന്‍ വക്കീല്‍ എന്ന ഹിറ്റ് ചിത്രത്തിനു ശേഷം ദിലീപ്-സിദ്ദിഖ് ടീം വീണ്ടും ഒന്നിക്കുന്ന ചിത്രം കൂടിയാണ് ഇത്. ലൈലത്തുല്‍ ഖദര്‍ എന്ന അടിക്കുറിപ്പോടെയാണ് ചിത്രം പ്രേക്ഷകരിലേക്കെത്തുന്നത്.

കോടതി സമക്ഷം ബാലൻ വക്കീലിൽ ദിലീപിൻ്റെ അച്ഛനായി സിദ്ദിഖ് എത്തിയത് ഏറെ ചിരിപടര്‍ത്തിയിരുന്നു. കഞ്ചാവ് വലിക്കുന്ന അച്ഛനായി സിദ്ദിഖ് തകര്‍ത്തുവെന്നാണ് ഏവരുടേയും അഭിപ്രായം. കോമഡി രംഗങ്ങളിൽ ഇരുവരും ഒന്നിനൊന്ന് മെച്ചമെന്നനിലയിലായിരുന്നു അഭിനയിച്ചത്. ശുഭരാത്രിയിലും ഇരുവരും പ്രേക്ഷകരെ രസിപ്പിക്കും വിധമുള്ള കൂട്ടുകെട്ടായിരിക്കുമെന്നുറപ്പിക്കാം.

You must be logged in to post a comment Login