പഴത്തൊലി ഇനിമുതൽ വലിച്ചെറിയേണ്ട; ആരോഗ്യഗുണങ്ങൾ പലതാണ്

കേട്ടിട്ട് ആശ്ചര്യം തോന്നുന്നുണ്ടല്ലേ? വാഴപ്പഴം കഴിക്കാം, എത്ര വേണമെങ്കിലും. ഒറ്റ ഇരുപ്പിന് ഒരു കുല വാഴപ്പഴം വരെ കഴിച്ച് തീർക്കുന്നവർ ഇല്ലേ? എന്നാൽ പഴത്തൊലിയോ? പഴത്തൊലി ഒക്കെ കഴിക്കാൻ നമ്മളെന്താ വല്ല പശുവോ മറ്റോ ആണോ എന്നാണോ നിങ്ങൾ ഇപ്പോൾ ചിന്തിക്കുന്നത്? പഴത്തൊലി നമുക്ക് ഭക്ഷ്യയോഗ്യമായ ഒന്നാണെന്ന് മാത്രമല്ല, അവ നിങ്ങളുടെ ആരോഗ്യത്തിനും മികച്ചതാണ്.

നമ്മളിൽ പലരും എല്ലാവരെയും പോലെ ഒരു വാഴപ്പഴം കഴിച്ചു കഴിഞ്ഞാൽ അതിന്റെ തൊലി ചവറ്റുകുട്ടയിൽ വലിച്ചെറിയാറാണ് പതിവ്. എന്നാൽ ഇന്ത്യയുൾപ്പെടെയുള്ള പല രാജ്യങ്ങളിലേയും ആളുകൾ അവരുടെ ശരീരത്തിൽ പോഷകഗുണങ്ങൾ വർദ്ധിപ്പിക്കാനായി ഇവ പതിറ്റാണ്ടുകളായി പ്രയോജനപ്പെടുത്തുന്നു എന്ന കാര്യം അറിയാമോ?

ഒരു വാഴപ്പഴത്തിന്റെ ഉൾഭാഗം മൃദുലവും മധുരമുള്ളതും ആണെങ്കിൽ അതിന്റെ തൊലി കട്ടിയുള്ളതും നാരുകളുടങ്ങിയതും ചെറുതായി കയ്പേറിയതുമാണ്. പഴതൊലി കഴിക്കാനായി നിങ്ങൾക്ക് ഇത് പലതരം സ്മൂത്തികളിൽ കലർത്താം. അല്ലെങ്കിൽ ഫ്രൈ ചെയ്തെടുക്കാം, ചുട്ടെടുക്കാം, അല്ലെങ്കിൽ കുറഞ്ഞത് 10 മിനിറ്റ് വേവിക്കാം. എന്നിങ്ങനെ വാഴപ്പഴത്തിന്റെ തൊലി കഴിക്കാൻ വിദ്യകൾ പലതുണ്ട്. ചൂടാക്കുമ്പോൾ പഴത്തൊലിയുടെ കട്ടിയുള്ള ചർമ്മ സ്ഥിതിയിൽ അയവ് വന്ന് മൃദുവാക്കാൻ സഹായിക്കുന്നു. ഇങ്ങനെ ചെയ്യുന്നത് വഴി ഇതിലെ നാരുകൾ പോഷക സമ്പന്നമാക്കാനും തൊലി ചവയ്ക്കാനും ദഹനം കൂടുതൽ എളുപ്പമാക്കാൻ സഹായിക്കുകയും ചെയ്യുന്നു.

Also read: തടി കൂടുമെന്ന പേടി വേണ്ട; ഈ ചീസുകൾ ധൈര്യമായി കഴിക്കാം

കൂടാതെ, വാഴപ്പഴം കൂടുതൽ പഴുക്കാൻ അനുവദിക്കുന്നത് വഴി ഇതിന്റെ തൊലിയുടെ കനംകുറയാനും കൂടുതൽ മധുരമുള്ളതുമാകാൻ സഹായിക്കുന്നു. പഴങ്ങൾ പഴുക്കുമ്പോൾ അവ പുറത്തുവിടുന്ന എഥിലീൻ എന്ന പ്രകൃതിദത്തമായ സസ്യ ഹോർമോൺ കാരണമാണിത്.

മിക്ക ആളുകളും വാഴപ്പഴത്തിന്റെ മധുരമുള്ളതും ഫലപ്രദവുമായ ഉൾഭാഗം മാത്രം ഭക്ഷിക്കുന്നവരാണ്. കയ്പുള്ള രുചിയും കടുപ്പമുള്ളതുമായ രൂപഘടന ഉള്ളതുകൊണ്ട് തന്നെ പലർക്കും പഴത്തൊലി ഇഷ്ടമായെന്നു വരില്ല. ആരോഗ ഗുണങ്ങൾ ആവശ്യത്തിന് അടങ്ങിയ ഇതിന്റെ തൊലി പരീക്ഷിക്കാൻ കുറച്ചുപേർ മാത്രമേ ശ്രമിക്കാറുള്ളു

ഒരു പഴത്തിന്റെ തൊലി കഴിക്കുന്നതിനെക്കുറിച്ചുള്ള ചിന്ത നമ്മളിൽ പലരുടേയും വയറ്റിൽ ഇപ്പോൾ തന്നെ ബുദ്ധിമുട്ട് ഉണ്ടാക്കിയിരിക്കാൻ സാധ്യതയുണ്ട്. എന്നാൽ തിരിച്ചറിയേണ്ട ഒരു കാര്യം എന്തെന്നാൽ ലോകമെമ്പാടുമുള്ള പല പാചക രീതികളിലും ആരോഗ്യ ഗുണങ്ങൾ പകർന്നു നൽകുന്ന ഒരു സാധാരണ ഘടകമായി ഇത് ഉപയോഗിച്ചു വരുന്നു എന്നതാണ്.

പഴത്തൊലി ഭക്ഷ്യയോഗ്യമാണോ?

വാഴപ്പഴത്തിന്റെ തൊലി കഴിക്കാൻ സാധിക്കുമോ എന്നും ഇവ കഴിക്കുന്നത് നിങ്ങളുടെ ആരോഗ്യത്തെ എങ്ങനെ ബാധിക്കുമെന്നും ഇന്നിവിടെ സൂക്ഷ്മമായി പരിശോധിക്കാം.

ആദ്യമേ നമുക്ക് ഒരു കാര്യം തുറന്നു സമ്മതിക്കാം. പഴത്തൊലി കഴിക്കുന്നു എന്നതിനെക്കുറിച്ചുള്ള ചിന്ത നമ്മെ അസ്വസ്ഥരാക്കുമെന്ന് തീർച്ചയാണ്. കാരണം, നമ്മൾ എല്ലായ്പ്പോഴും തൊലിയെ പഴത്തിന്റെ ഉപ-ഉൽപ്പന്നമായി മാത്രം കണ്ടു ശീലിച്ചവരാണ്. പഴം കഴിച്ചതിനുശേഷം, അതിന്റെ തൊലിയിൽ അടങ്ങിയിരിക്കുന്ന പല അത്ഭുത ഗുണങ്ങളൊന്നും അറിയാതെ നമ്മൾ തൊലി ഡസ്റ്റ്ബിനിൽ വലിച്ചെറിയാറാണ് പതിവ്. അപ്പോൾ പിന്നെ അവശേഷിക്കുന്ന വലിയ ചോദ്യം ഇതാണ്. നമ്മൾ പഴതൊലി കഴിക്കണമോ വേണ്ടയോ?

പഴത്തൊലിയുടെ പോഷക ഗുണങ്ങൾ

പഴത്തൊലിയിൽ എന്തെല്ലാം പോഷകങ്ങൾ അടങ്ങിയിരിക്കുന്നു എന്നു നോക്കാം.

ഇടത്തരം വലിപ്പമുള്ള വാഴപ്പഴത്തിന്റെ മധുരമാർന്ന തൊലി നിങ്ങളുടെ ശരീരത്തിന്‌ ദിവസവും ആവശ്യമായ വിവിധ പോഷക ഗുണങ്ങളും റെക്കമെൻഡഡ്‌ ഡെയിലി ഇൻടേക്ക് (RDA) ഉം ഉയർന്ന അളവിൽ വാഗ്ദാനം ചെയ്യുന്നു. പഴത്തൊലിയിൽ അടങ്ങിയിരിക്കുന്ന ഈ പോഷക ഗുണങ്ങൾ ശ്രദ്ധിക്കൂ…

☛ ഇതിൽ അടങ്ങിയിരിക്കുന്ന 12%, ഫൈബർ ശരീരത്തിൽ ദഹനപ്രക്രിയയെ സഹായിക്കുകയും പ്രമേഹ സാധ്യത കുറയ്ക്കുകയും ചെയ്യും.

☛ ഇതിലടങ്ങിയിരിക്കുന്ന വിറ്റാമിൻ സി യുടെ 17%, നിങ്ങളുടെ രോഗപ്രതിരോധനശേഷി വർദ്ധിപ്പിക്കുന്നതിന് ഏറ്റവും സഹായകരമാണ്. ശരീര വളർച്ചയ്ക്കും വികാസത്തിനും ഇത് ഏറെ പ്രധാനമാണ്.

☛ 20% സാന്നിധ്യമുള്ള വിറ്റാമിൻ ബി – 6 നിങ്ങൾ കഴിച്ച ഭക്ഷണത്തെ ഈർജ്ജമാക്കി മാറ്റാനുള്ള ശരീരത്തിന്റെ പ്രവർത്തികളെ സഹായിക്കുന്നു.

☛ ഇതിലെ 12% പൊട്ടാസ്യത്തിന്റെ സാന്നിധ്യം ശരീരത്തിൽ ഉടനീളം കോശങ്ങളുടേയും, ടിഷ്യുകളുടേയും, മറ്റ് അവയവങ്ങളുടെയും വികസനത്തിന് സഹായിക്കുന്നു.

☛ ഇതിലെ 8% മഗ്നീഷ്യം ശരീരത്തിന്റെ ഊർജ്ജ ഉൽപാദനത്തിനും ഗ്ലൂക്കോസിന്റെ അളവ് നിയന്ത്രണത്തിലാക്കുന്നതിനും മികച്ച രീതിയിൽ സഹായിക്കുന്നു. രക്തസമ്മർദ്ദം കുറയ്ക്കാനും ഇത് വളരെയധികം സഹായിക്കും.

വാഴപ്പഴത്തിലെ 35 ശതമാനത്തോളം ആരോഗ്യ ഗുണങ്ങളും അതിന്റെ തൊലിയിലാണ് അടങ്ങിയിട്ടുള്ളത് എന്ന് പലർക്കും അറിയില്ല. പഴത്തൊലി ഭക്ഷിക്കുന്നതിലൂടെ, നിങ്ങൾ ശരീരത്തിൽ പലതരം വിറ്റാമിനുകളും ധാതുക്കളും വർദ്ധിപ്പിക്കാൻ സാധിക്കുന്നു. പൊട്ടാസ്യം, ഫൈബർ, അവശ്യ അമിനോ ആസിഡുകൾ തുടങ്ങിയ എല്ലാ പ്രധാന പോഷകങ്ങളും ഈ തൊലിയിൽ അടങ്ങിയിട്ടുണ്ട്. ഇവയെല്ലാം ഹൃദയാരോഗ്യം വർദ്ധിപ്പിക്കുന്നതിനും രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കുന്നതിനും അസ്ഥികളെ ബലപ്പെടുത്തുന്നതിനും വൃക്കയിലെ കല്ലുകളുടെ സാധ്യത കുറയ്ക്കുന്നതിനും ഒക്കെ മികച്ച രീതിയിൽ സഹായിക്കും.

മുഖക്കുരുവിനെ ചികിത്സിക്കാനും തൊലിപ്പുറത്തുണ്ടാകുന്ന മറ്റ് ചർമ്മ പ്രശ്നങ്ങളിൽ നിന്നും രക്ഷ നേടാനും പഴത്തൊലി മികച്ച രീതിയിൽ സഹായിക്കുമെന്ന് വിദഗ്ദ്ധർ നിർദ്ദേശിക്കുന്നു.

പഴത്തൊലി എങ്ങനെ കഴിക്കാം?

ഇത് പരീക്ഷിച്ചുനോക്കാൻ നിങ്ങൾ തീരുമാനിക്കുകയാണെങ്കിൽ, ഇതിനായി പഴുത്ത വാഴപ്പഴം തന്നെ തിരഞ്ഞെടുക്കുക. കാരണം പഴുത്ത വാഴപ്പഴത്തിന്റെ തൊലി കനം കുറഞ്ഞതും മധുരമുള്ളതുമായിരിക്കും. തൊലി ഉരിഞ്ഞെടുത്ത ശേഷം നന്നായി കഴുകി എടുക്കാം. എന്നിട്ട് ജ്യൂസറിൽ ഇട്ട് നന്നായി അരച്ചെടുത്ത് സ്മൂത്തി ആയി കുടിക്കാം. അതുപോലെതന്നെ നിങ്ങൾക്ക് പഴതൊലി ബേക്ക് ചെയ്തെടുക്കുകയോ വറുത്തെടുക്കുകയോ ചെയ്യാവുന്നതാണ്. ഇതുവഴി പഴത്തൊലിയുടെ രൂപഘടന മൃദുവാക്കാനും കഴിക്കാൻ എളുപ്പമുള്ളതാക്കി തീർക്കാനും സഹായിക്കും.

വേവിച്ച പഴത്തൊലി നിങ്ങളുടെ പ്രിയപ്പെട്ട മാംസാഹാര വിഭവമായ പന്നിയിറച്ചി കഴിക്കുമ്പോൾ ശരീരത്തിന് ലഭ്യമാകുന്ന സമാനമായ ആരോഗ്യ ഗുണങ്ങൾ പകർന്നുതരാൻ ശേഷിയുള്ളവയാണ്.

മറ്റു വിഭവങ്ങളുടെ കൂടെയും ഇവ ചേർത്ത് ഉപയോഗിക്കാവുന്നതാണ്. ഇത് പോഷകമൂല്യം ഇരട്ടിയാക്കുന്നതിന് സഹായിക്കുകയും ചെയ്യും. പലതരം ഫ്രൈകൾ, കറികൾ, സാൻഡ്‌വിച്ചുകൾ എന്നിവയിൽ ഇവ ചേർത്ത് ഭക്ഷിക്കാം.

ദോഷങ്ങൾ എന്തൊക്കെ?

പഴത്തൊലിയുടെ നല്ല ഗുണങ്ങൾ മാത്രം പറഞ്ഞു കൊണ്ടിരുന്നാൽ പോരല്ലോ. പഴത്തൊലി കഴിക്കുന്നത് ചിലപ്പോഴെല്ലാം നമ്മുടെ ശരീരത്തിന് ദോഷകരമായി ബാധിക്കാനും സാധ്യതയുണ്ട്. അവ എങ്ങനെയാണ് എന്ന് കൂടി നോക്കാം.

ഇപ്പോൾ ലഭ്യമാകുന്ന വാഴപ്പഴങ്ങൾ പലപ്പോഴും കീടനാശിനികൾ ഉപയോഗിച്ചാണ് ഉത്പാദിപ്പിക്കുന്നത്, ഇത് ആരോഗ്യത്തെ പ്രതികൂലമായി ബാധിക്കാൻ കാരണമായേക്കാം. കീടനാശിനികളുടെ ഉപയോഗം പഴത്തിന്റെ ഉൾഭാഗങ്ങളിൽ അത്രയധികം ബാധിക്കില്ലെങ്കിലും, തീർച്ചയായും ഇത് തൊലി ഭാഗങ്ങളെ അശുദ്ധമാക്കിയേക്കാം. കീടനാശിനികൾ അധികമായി ശരീരത്തിൽ എത്തുന്നത് വഴി കാൻസർ, പ്രമേഹം, ഓർമ്മക്കുറവ്, ഉയർന്ന രക്തസമ്മർദ്ദം, ഓട്ടിസം തുടങ്ങിയ അപകട സാധ്യതകൾക്ക് കാരണമാകാം. അതുകൊണ്ട് പഴത്തൊലി കഴിക്കാൻ നിങ്ങൾ തീരുമാനിക്കുകയാണെങ്കിൽ പ്രകൃതിദത്തമായതും ജൈവികമായതുമായ വാഴപ്പഴങ്ങളുടെ തൊലികൾ മാത്രം തിരഞ്ഞെടുക്കാൻ ശ്രദ്ധിക്കുക.

You must be logged in to post a comment Login