പുതിയ ഓണര്‍ ഫോണുകള്‍ എത്തി; ആന്‍ഡ്രോയ്‍ഡില്‍ ആശങ്ക

 

ലണ്ടന്‍: അമേരിക്കന്‍ സര്‍ക്കാരും ഗൂഗിളുമായുള്ള ഏറ്റുമുട്ടലിനിടെ ചൈനീസ് ടെലികോം കമ്പനി വാവെയ്‍ തങ്ങളുടെ ഓണര്‍ പരമ്പരയിലുള്ള പുതിയ സ്‍മാര്‍ട്ട്‍ഫോണുകള്‍ വിപണിയില്‍ എത്തിച്ചു. ഓണര്‍ 20 സീരീസിലെ ഫോണുകളാണ് കമ്പനി അവതരിപ്പിച്ചത്. ആന്‍ഡ്രോയ്‍ഡ്‍ ആണോ പ്ലാറ്റ്‍ഫോം എന്ന കാര്യത്തില്‍ ഓണര്‍ ഇതുവരെ വ്യക്തത വരുത്തിയിട്ടില്ല.

ലോകത്തിലെ ഏറ്റവും വലിയ രണ്ടാമത്തെ സ്‍മാര്‍ട്ട്‍ഫോണ്‍ കമ്പനിയാണ് വാവെയ്‍. എന്നാല്‍ യുഎസ്‍ സര്‍ക്കാര്‍ വാവെയ്‍യുമായി സുരക്ഷയുടെ കാര്യത്തില്‍ ഏറ്റുമുട്ടല്‍ തുടരുകയാണ്. കഴിഞ്ഞയാഴ്‍ച്ച അമേരിക്കന്‍ ഉല്‍പ്പന്നങ്ങള്‍ ഉപയോഗിക്കുന്നതില്‍ നിന്ന് വാവെയ്‍ കമ്പനിയുടെ സര്‍ക്കാര്‍ വിലക്കിയിരുന്നു.

ഇതോടെ ഗൂഗിള്‍ ഉല്‍പ്പന്നമായ ആന്‍ഡ്രോയ്‍‍ഡ്‍ ഉപയോഗിക്കാന്‍ കഴിയാതെ വരികയായിരുന്നു. ഇതുവരെ ആന്‍ഡ്രോയ്‍ഡ്‍ പ്ലാറ്റ്‍ഫോമില്‍ ഇറങ്ങിയിരുന്ന വാവെയ്‍ ഡിവൈസുകള്‍ എങ്ങനെ അപ്‍ഡേറ്റ് ചെയ്യും എന്നറിയാതെ കുഴങ്ങുകയാണ് യൂസര്‍മാര്‍.

You must be logged in to post a comment Login