പുതിയ മെഴ്സിഡസ് എഎംജി G63 ഇന്ത്യയിൽ

 

benz g63 amg launched in india at rs 2.19 crore

പുതിയ മെഴ്സിഡസ് എഎംജി G63 ഇന്ത്യയിൽ അവതരിച്ചു. അടിമുടി മാറിയാണ് ഈ എസ്‍യുവി ഇന്ത്യയിൽ അവതരിച്ചിരിക്കുന്നത്. ഡൽഹി എക്സ്ഷോറൂം 2.19 കോടി രൂപയാണ് ഇന്ത്യൻ വിപണിയിലെ വില. പരമ്പരാഗത ശൈലിയിലുള്ള ബോക്സി ഡിസൈൻ ആണ് ഈ എസ്‍യുവിക്ക് ലഭിച്ചിരിക്കുന്നത്. കുത്തനെയുള്ള സ്ലാറ്റുകളോടു കൂടിയ ട്രാപസോഡിയൽ ഗ്രിൽ, എൽഇഡി ഹെഡ് ലാമ്പ്, പിന്നിൽ ഘടിപ്പിച്ചിരിക്കുന്ന സ്പെയർ വീൽ, വീൽ ആർച്ചുകൾ എന്നിവ ഈ വാഹനത്തിന് പരുക്ക് രൂപഭാവം നൽകുന്നു.

Benz G63 AMG

ഓഫ് റോഡ് പരിവേഷം നൽകാൻ 21 ഇഞ്ച് 7 സ്പോക്ക് അലോയ് വീലുകളും എക്സോഹ്സ്റ്റ് പൈപ്പുകളും 241 mm ഗ്രൗണ്ട് ക്ലീയറൻസും വാഹനത്തിൽ ഇടംതേടിയിട്ടുണ്ട്. 12.3 ഇഞ്ച് ടച്ച്സ്ക്രീൻ സിസ്റ്റം, പുതിയ ഇൻസ്ട്രമെന്‍റ് കൺസോൾ എന്നിവയാണ് അകത്തളത്തിലെ പ്രധാന സവിശേഷതകളായി പറയാവുന്നത്. സ്പോർട്, കംഫർട്ട്, സ്പോർട് പ്ലസ് എന്നിങ്ങനെ മൂന്ന് ഡ്രൈവിങ് മോഡുകളും ലഭ്യമാക്കിയിട്ടുണ്ട്.

Mercedes-Benz G63 AMG

585 ബിഎച്ച്പിയും 850 എൻഎം കരുത്തും സൃഷ്ടിക്കുന്ന 4.0 ലിറ്റർ ടർബോചാർജ്ഡ് വി8 എൻജിനാണ് ഈ വാഹനത്തിന് കരുത്തേകുന്നത്. മണിക്കൂറിൽ 220 കിലോമീറ്ററാണ് ഈ വാഹനത്തിന്‍റെ പരമാവധി വേഗത. നിശ്ചലാവസ്ഥയിൽ നിന്നും 100 കിലോമീറ്റർ വേഗത കൈവരിക്കാൻ കേവലം 4.5 സെക്കൻഡുകൾ മതിയാകും. ബിഎംഡബ്ല്യു X5M,പോര്‍ഷ കയെന്‍ ടര്‍ബ്ബോ, റേഞ്ച് റോവര്‍ സ്‌പോര്‍ട് SVR എന്നിവരായിരിക്കും പ്രധാന എതിരാളികളാവുക.

G63 AMG

You must be logged in to post a comment Login