പ്രിയങ്കയുടെ ആ ഗൗണിന്‍റെ വിലയ്ക്ക് ഒരു ഓഡി വാങ്ങാം

 

കഴിഞ്ഞ ദിവസം നടന്ന മെറ്റ് ഗാലയില്‍ ബോളിവുഡ് നടി പ്രിയങ്ക ചോപ്രയുടെ വസ്ത്രധാരണം ഏറെ വിമര്‍ശനങ്ങള്‍ ഏറ്റുവാങ്ങിയതാണ്. ലോകത്തിലെ തന്നെ ഏറ്റവും വലിയ ഫാഷന്‍ മേളയായ മെറ്റ്ഗാലയില്‍ സെലിബ്രിറ്റികള്‍ ഏറെ വിചിത്രമായ വസ്ത്രങ്ങള്‍ ധരിച്ചെത്തി പ്രശംസ പിടിച്ചുപറ്റാറുണ്ട്. ആ നിലയ്ക്ക് പ്രിയങ്ക വിജയിച്ചു എന്നാണ് ഫാഷൻ ലോകം വാഴ്ത്തുന്നത്. വേറൊന്നുമല്ല പ്രിയങ്കയാണ് മെറ്റ് ഗാലയ്ക്ക് ശേഷം ലേഡി ഗാഗയെപ്പോലെ ചര്‍ച്ചചെയ്യപ്പെട്ട സെലിബ്രിറ്റി എന്നതാണ് അതിന് കാരണം.

ഭര്‍ത്താവ് നിക് ജോനാസിനൊപ്പമാണ് പ്രിയങ്ക മെറ്റ് ഗാലയിലെത്തിയത്. ചാര നിറവും അതിനൊപ്പം മഞ്ഞയും വെളുപ്പും ചുവപ്പും നിറത്തിലുള്ള ലെയറുകള്‍ ചേര്‍ത്തുവച്ചതുമായ സുതാര്യമായ വസ്ത്രം ധരിച്ചാണ് പ്രിയങ്ക എത്തിയത്. ആലീസ് ഇന്‍ വണ്ടര്‍ലാന്റിന്‍റിൽ നിന്ന് പ്രചോദനം ഉള്‍ക്കൊണ്ട് സ്വീകരിച്ച വേഷമായിരുന്നു ഇതെന്നാണ് പ്രിയങ്ക മാധ്യമങ്ങളോട് പറഞ്ഞത്. മാത്രമല്ല ഷോക്കടിച്ചതുപോലെയുള്ള പ്രിയങ്കയുടെ ഹെയര്‍സ്റ്റൈലും അതോടൊപ്പം വലിയ ചര്‍ച്ചയായി.

എന്നാൽ ഫോര്‍ബ്സ്, വോഗ് മാസികകള്‍ ഇന്ന് പുറത്തുവിട്ടിരിക്കുന്ന റിപ്പോര്‍ട്ട് ലോകത്തെ ഞെട്ടിച്ചിരിക്കുയാണ്. 1500 മണിക്കൂറുകള്‍ അതായത് 62 ദിവസം കൊണ്ടാണ് പ്രിയങ്കയുടെ വസ്ത്രം രൂപ കല്‍പ്പന ചെയ്തതെന്ന് വോഗ് മാസിക റിപ്പോര്‍ട്ട് ചെയ്തിരിക്കുകയാണ്. 45 ലക്ഷം രൂപയാണ് ഗൗണിന്‍റെ വിലയായി ഇവര്‍ കാണിച്ചിരിക്കുന്നത്.

പ്രിയങ്ക ധരിച്ചിരുന്ന വെള്ളിനിറത്തിലുള്ള ചെരിപ്പിന്‍റെ വില 25000 രൂപയാണ്. ഡയമണ്ടുകള്‍ പതിച്ച കമ്മലിന്‍റെ വിലയാകട്ടെ 4.51 ലക്ഷം രൂപയാണെന്ന് ഫോര്‍ബ്സ് റിപ്പോര്‍ട്ട് ചെയ്തിരിക്കുകയാണ്.

You must be logged in to post a comment Login