മിഠായി പ്രതീക്ഷിച്ചെത്തിയ മൂന്ന് വയസ്സുകാരിയെ പത്ത് വയസ്സുകാരന്‍ പീഡിപ്പിച്ചു

Rape
ന്യൂഡല്‍ഹി: മൂന്ന് വയസ്സുകാരിയെ പീഡിപ്പിച്ച കേസില്‍ പത്ത് വയസ്സുകാരന്‍ പിടിയില്‍. ഡല്‍ഹിയില്‍ മാന്‍ഗോല്‍പുരിക്ക് സമീപമാണ് മൂന്ന് വയസുകാരിയെ സമീപവാസിയായ പത്ത് വയസുകാരന്‍ പീഡിപ്പിച്ചത്. വെള്ളിയാഴ്ചയാണ് സംഭവം നടന്നത്.

വീടിന് പുറത്തു കളിച്ചു കൊണ്ടിരുന്ന പെണ്‍കുട്ടിയെ മിഠായി തരാമെന്ന് പറഞ്ഞ് ആണ്‍കുട്ടി വിളിച്ചു വരുത്തി. മിഠായി പ്രതീക്ഷിച്ച് വന്ന കുട്ടിയെ ആളൊഴിഞ്ഞ സ്ഥലത്തു കൂട്ടികൊണ്ടു പോയി പീഡിപ്പിക്കുകയായിരുന്നു. പെണ്‍കുട്ടി കരഞ്ഞ് ബഹളം വച്ചപ്പോള്‍ ഭയന്നുപോയ ആണ്‍കുട്ടി അവിടെ നിന്ന് സമീപത്തെ പാര്‍ക്കിലേക്ക് ഓടി രക്ഷപ്പെട്ടു.

കരഞ്ഞു കൊണ്ട് വീട്ടിലെത്തിയ കുട്ടി സ്വകാര്യ ഭാഗങ്ങള്‍ വേദനയെടുക്കുന്നതായി അമ്മയോട് പറഞ്ഞു. തുടര്‍ന്ന് അമ്മ പോലീസില്‍ പരാതി നല്‍കി. ആണ്‍കുട്ടിയെ പോലീസ് കസ്റ്റഡിയിലെടുത്തിട്ടുണ്ട്. ദ പ്രൊട്ടക്ഷന്‍ ഓഫ് ചില്‍ഡ്രന്‍ ഫ്രം സെക്ഷ്വല്‍ ഒഫന്‍സസ് (പോസ്‌കോ )ആക്ടിന് കീഴില്‍ പീഡനത്തിന് പോലീസ് കേസ് രജിസ്റ്റര്‍ ചെയ്തു.

You must be logged in to post a comment Login