മിന്നല്‍ ഹര്‍ത്താല്‍: ഡീന്‍ കുര്യാക്കോസിനെതിരെ 193 കേസുകള്‍

കൊച്ചി: സംസ്ഥാന യൂത്ത് കോണ്‍ഗ്രസ് പ്രസിഡന്റ് ഡീന്‍ കുര്യാക്കോസിനെതിരെ 193 കേസുകള്‍ റജിസ്റ്റര്‍ ചെയ്തു. മിന്നല്‍ ഹര്‍ത്താലിന് ആഹ്വാനം ചെയ്തതിനാണ് കേസ് രജിസ്റ്റര്‍ ചെയ്തത്.

മിന്നല്‍ ഹര്‍ത്താല്‍ പ്രഖ്യാപിച്ചതിനെതിരെ ഡീന്‍ കുര്യാക്കോസിനും കാസര്‍ഗോഡ് ജില്ലാ നേതാക്കള്‍ക്കും എതിരെ ഹൈക്കോടതി സ്വമേധയാ കേസെടുത്തിരുന്നു. ശബരിമല യുവതീ പ്രവേശനത്തില്‍ പ്രതിഷേധിച്ച് ഹര്‍ത്താല്‍ നടത്തിയ ശബരിമല കര്‍മസമിതി, ആര്‍എസ്എസ്, ബിജെപി നേതാക്കള്‍ക്കെതിരെ കേസെടുക്കാനുള്ള നടപടികള്‍ പൂര്‍ത്തിയായി വരുന്നെന്ന് സര്‍ക്കാര്‍ ഹൈക്കോടതിയെ അറിയിച്ചു.

മിന്നല്‍ ഹര്‍ത്താല്‍ സംബന്ധിച്ച് രണ്ടു റിപ്പോര്‍ട്ടുകളാണ് സര്‍ക്കാര്‍ കോടതിയില്‍ സമര്‍പ്പിച്ചത്.കാസര്‍ഗോഡ് പെരിയയില്‍ രണ്ട് യൂത്ത് കോണ്‍ഗ്രസ് പ്രവര്‍ത്തകര്‍ കൊല്ലപ്പെട്ടതിനെ തുടര്‍ന്നാണ് ഡീന്‍ കുര്യാക്കോസ് മിന്നല്‍ ഹര്‍ത്താല്‍ പ്രഖ്യാപിച്ചത്. കൃപേഷ്, ശരത് ലാല്‍ എന്നീ യൂത്ത് കോണ്‍ഗ്രസ് പ്രവര്‍ത്തകരാണ് കൊല്ലപ്പെട്ടത്.

You must be logged in to post a comment Login