രൂപയുടെ മൂല്യത്തില്‍ വന്‍ ഇടിവ്

rupee

മുംബൈ: ഇന്ത്യന്‍ രൂപയുടെ മൂല്യം ഡോളറിനെതിരെ 27 പൈസ കുറഞ്ഞ് 68.83 രൂപയായി. ആഗോള വിപണികളിലെല്ലാം ഡോളര്‍ വന്‍ മുന്നേറ്റമാണ് നടത്തുന്നത്. ഇതിനൊടപ്പം ഇന്ത്യന്‍ ഓഹരി വിപണിയിലെ സംഭവ വികാസങ്ങളും രൂപയുടെ മുല്യമിടിയുന്നതിലേക്ക് നയിച്ചു എന്നാണ് സൂചന.

ബുധനാഴ്ച ഡോളറിനെതിരെ 68.56 എന്ന നിലവാരത്തിലാണ് ക്ലോസ് ചെയ്തത്. ഇന്ത്യന്‍ ഓഹരി വിപണികളും ഇന്ന് നഷ്ടത്തില്‍ തന്നെയാണ് വ്യാപാരം ആരംഭിച്ചത്. സെന്‍സെക്‌സ് 150 പോയിന്റ് നഷ്ടം രേഖപ്പെടുത്തി. രൂപയുടെ മൂല്യം ഡോളറിനെതിരെ ഏറ്റവും താഴ്ന്ന നിലയില്‍ എത്തിയത് 2013 ആഗ്‌സറ്റിലായിരുന്നു. അന്ന് 68.85 രൂപയായിരുന്നു രൂപയുടെ വിനിമയ മൂല്യം.

You must be logged in to post a comment Login