രോഹിത്തിന്‍റെ  വെടിക്കെട്ട് സെഞ്ച്വറി, പരമ്പര ഇന്ത്യയ്ക്കു സ്വന്തം 

india won in 2nd twenty20 against windies

ലക്നൗ: മുന്‍ പ്രധാനമന്ത്രി അടല്‍ ബിഹാരി വാജ്പേയിയുടെ പേരിലുള്ള ക്രിക്കറ്റ് സ്റ്റേഡിയത്തില്‍ കരുത്ത് തെളിയിച്ചിരിക്കുകയാണ് ഇന്ത്യ. ദീപാവലി ദിനത്തിലെ ഇന്ത്യന്‍ ക്രിക്കറ്റ് ടീമിന്‍റെ വിജയം ഇരട്ടിമധുരമാണ് രാജ്യത്തിന് നല്‍കിയിരിക്കുന്നത്.

ക്യാപ്റ്റന്‍ രോഹിത് ശര്‍മ്മയുടെ സെഞ്ച്വറി ട്വന്‍റി20 മത്സരത്തില്‍ പുതുചരിത്രം രചിച്ചിരിക്കുകയാണ്. രാജ്യാന്തര ട്വന്‍റി20യില്‍ നാലു സെഞ്ച്വറികളെന്ന റെക്കോര്‍ഡും ഇന്ത്യയ്ക്കായി ഏറ്റവും കൂടുതല്‍ റണ്‍സ് നേടുന്ന താരമാകുകയും ചെയ്തു. കോഹ്ലിയുടെ റെക്കോര്‍ഡാണ് രോഹിത് മറികടന്നത്.
കൂടാതെ ശിഖര്‍ ധവാന്‍ (43), ഋഷഭ് പന്ത് (5), ലോകേഷ് രാഹുല്‍ (26) എന്നിവരും മികച്ച പോരാട്ടം കാഴ്ചവെച്ചു.

ധവാന്‍- രോഹിത് സഖ്യം123 റണ്‍സ് പിന്നിട്ടശേഷമാണ് ശിഖര്‍ ധവാനെ ഫാബിയാന്‍ അലന്‍ പുറത്താക്കിയത്. പിന്നീട് അഞ്ചു റണ്‍സുമായി ഋഷഭ് പന്തും പുറത്താകുകയായിരുന്നു. ധവാന്‍ രാജ്യാന്തര ട്വന്‍റി20യില്‍ 1000 റണ്‍സ് പിന്നിട്ട് ഇന്ത്യയിലെ ആറാമത്തെ താരമായി മാറി.

196 റണ്‍സ് എന്ന വിജയലക്ഷ്യമായിരുന്നു ഇന്ത്യ വിന്‍ഡീസിന് മുന്നില്‍ ഉയര്‍ത്തിയത്. ഷായ് ഹോപ്പ് (6), ഷിംറോണ്‍ ഹെറ്റ്‌മെയര്‍ (15), ഡാരന്‍ ബ്രാവോ (23), നിക്കോളാസ് പൂരാന്‍ (4), കെയ്റോണ്‍ പോല്ലാര്‍ഡ് (6), കാര്‍ലോസ് ബ്രാത്ത്‌വെയ്റ്റ് ( 15), ഫാബിയാന്‍ അലന്‍ (0 ), കീമോ പോള്‍ ( 20) എന്നിങ്ങനെയാണ് വിന്‍ഡീസിന്‍റെ റണ്‍സ് നില. 9 വിക്കറ്റും വിന്‍ഡീസിനു നഷ്ടമായി 124 റണ്സിലെത്തുകയായിരുന്നു വിന്‍ഡീസ്.

വിന്‍ഡീസ് ടോസ് നേടി ബൗളിങ് തിരഞ്ഞെടുക്കുകയായിരുന്നു. ആദ്യ ബാറ്റിങിനായി രോഹിത് ശര്‍മ്മയും ശിഖര്‍ ധവാനുമാണ് ക്രീസിലെത്തിയത്.

രോഹിത് ശര്‍മ (ക്യാപ്റ്റന്‍), ശിഖര്‍ ധവാന്‍, ലോകേഷ് രാഹുല്‍, ഋഷഭ് പന്ത്, മനീഷ് പാണ്ഡെ, ദിനേഷ് കാര്‍ത്തിക്ക്, ക്രൂനാല്‍ പാണ്ഡ്യ, ഭുവനേശ്വര്‍ കുമാര്‍, കുല്‍ദീപ് യാദവ്, ജസ്പ്രീത് ബുംറ, ഖലീല്‍ അഹമ്മദ് എന്നിവര്‍ ഇന്ത്യന്‍ ടീമിലും ഷായ് ഹോപ്പ്, ദിനേഷ് രാംദിന്‍, ഷിംറോണ്‍ ഹെറ്റ്‌മെയര്‍, പൊളളാര്‍ഡ്, ഡാരന്‍ ബ്രാവോ, നിക്കോളാസ് പൂരാന്‍, കാര്‍ലോസ് ബ്രാത്ത്‌വെയ്റ്റ് (ക്യാപ്റ്റന്‍), ഫാബിയാന്‍ അലന്‍, കീമോ പോള്‍, ഹാരി പിയറേ, ഓഷാനേ തോമസ് എന്നിവര്‍ വിന്‍ഡീസ് ടീമിലും ഇടുപിടിച്ചിരുന്നു.

ഇന്ത്യന്‍ നിരയില്‍ ഭുവനേശ്വര്‍ കുമാറും വിന്‍ഡീസിന്‍റെ നിക്കോളാസ് പുരാനും മടങ്ങിയെത്തിയിരുന്നു.

You must be logged in to post a comment Login