ലോകത്ത് പലയിടങ്ങളിലും ഫേസ്ബുക്ക് സേവനം നിലച്ചു; പിന്നീട് തിരിച്ചെത്തി

facebook and instagram down all over the world

ന്യൂഡൽഹി: ലോകത്തിൻെറ വിവിധ ഭാഗങ്ങളിൽ ഫേസ്ബുക്കിൻെറയും ഇൻസ്റ്റഗ്രാമിൻെറയും സേവനം അൽപസമയത്തേക്ക് നിലച്ചു. എന്നാൽ നിമിഷങ്ങൾ കഴിഞ്ഞപ്പോൾ തന്നെ വീണ്ടും തിരിച്ചെത്തി. എന്നാൽ തിരിച്ചെത്തിയിട്ടും ഇപ്പോഴും പേജുകൾ ലോഡ് ആകാത്തതും മറ്റുമായ പ്രശ്നങ്ങൾ ഉണ്ടെന്നാണ് റിപ്പോർട്ട്.

യു.എസ്.എ, യുകെ, ഇന്ത്യ, വിയറ്റ്നാം, അർജൻറീന തുടങ്ങിയ രാജ്യങ്ങളിലെല്ലാം ഫേസ്ബുക്ക് പ്രവർത്തനം നിലച്ചിരുന്നുവെന്ന് അന്തർദ്ദേശിയ മാധ്യമങ്ങൾ റിപ്പോർട്ട് ചെയ്യുന്നു. കുറച്ച് ദിവസങ്ങൾക്ക് മുമ്പ് ഫേസ്ബുക്ക് മെസഞ്ചറിനും ഇത്തരത്തിലും പ്രശ്നം ഉണ്ടായിരുന്നു. അൽപസമയത്തേക്ക് ഫേസ്ബുക്ക് ലോഡ് ആവാത്ത് പ്രശ്നവും മുമ്പും റിപ്പോർട്ട് ചെയ്തിട്ടുണ്ട്.

യൂറോപ്പിലെയും ലാറ്റിൻ അമേരിക്കയിലെയും ചില രാജ്യങ്ങളിൽ സർവീസ് ലഭ്യമല്ല എന്ന സന്ദേശമാണ് ഉപഭോക്താക്കൾക്ക് ലഭിച്ചത്. ബ്രസീൽ, ഇറ്റലി എന്നീ രാജ്യങ്ങളിലാണ് ഇത്തരത്തിൽ പ്രശ്നം റിപ്പോർട്ട് ചെയ്തിട്ടുള്ളത്. ആഗോള തലത്തിൽ 50 ശതമാനം പേർക്കും ഇൻസ്റ്റാഗ്രാം ലോഡ് ചെയ്യാനായില്ലെന്നും അന്തർദ്ദേശീയ മാധ്യമങ്ങൾ റിപ്പോർട്ട് ചെയ്യുന്നു

You must be logged in to post a comment Login