ലോക ചാമ്പ്യന്മാര്‍ക്കെതിരെ അട്ടിമറി ജയവുമായി ഇന്ത്യന്‍ ഹോക്കി ടീം

ലോക ചാമ്പ്യന്മാരും യൂറോപ്യന്‍ ചാമ്പ്യന്മാരുമായ ബെല്‍ജിയത്തിനെതിരെ അട്ടിമറി ജയം നേടി ഇന്ത്യന്‍ ഹോക്കി ടീം. ഒന്നിനെതിരെ രണ്ട് ഗോളുകള്‍ക്കാണ് ഇന്ത്യയുടെ ജയം. അമിത് റോഹിദാസ്, സിമ്രാന്‍ജീത് സിങ് എന്നിവര്‍ ഇന്ത്യയ്ക്കായി ഗോള്‍ നേടി. ഇന്ത്യയുടെ ബെല്‍ജിയം പര്യടനത്തിന്‍റെ ഭാഗമായി നടന്ന മത്സരത്തിലാണ് ഇന്ത്യന്‍ ടീം മിന്നും ജയം സ്വന്തമാക്കിയത്.

മത്സരം തുടങ്ങി പത്താം മിനുട്ടില്‍ തന്നെ ഇന്ത്യ ലീഡ് നേടി. അമിത് റോഹിദാസ് ആണ് ഇന്ത്യയ്ക്കായി ആദ്യ ഗോള്‍ സ്വന്തമാക്കിയത്. മത്സരത്തില്‍ ശക്തമായ ആധിപത്യം ഇന്ത്യയക്ക് തന്നെയായിരുന്നു. മികച്ച നിലയില്‍ ഇന്ത്യ ആക്രമണം അഴിച്ചുവിട്ടു. എന്നാല്‍ 33ാം മിനുട്ടില്‍ ബെല്‍ജിയത്തിന്‍റെ ക്യാപ്റ്റന്‍ ഫെലിക്സ് ഡിനെയര്‍ സമനില ഗോള്‍ സ്വന്തമാക്കി.

ആദ്യ പകുതി അവസാനിക്കുമ്പോള്‍ ഓരോ ഗോള്‍ വീതം നേടി ഇരുടീമുകളും സമനിലയില്‍ പിരിഞ്ഞു. എന്നാല്‍ രണ്ടാം പകുതിയില്‍ കൂടുതല്‍ മികച്ച മുന്നേറ്റങ്ങള്‍ക്ക് ഇന്ത്യ നേതൃത്വം നല്‍കി. 52ാം മിനുട്ടില്‍ അതിന് ഫലമുണ്ടായി. മികച്ച ഒരു മുന്നേറ്റത്തിലൂടെ സിമ്രാന്‍ജീത് സിങ് ഇന്ത്യയുടെ വിജയഗോള്‍ കണ്ടെത്തി. നിലവിലെ ലോക ചാമ്പ്യന്മാരും യൂറോപ്യന്‍ ചാമ്പ്യന്മാരുമായ ബെല്‍ജിയത്തെ തകര്‍ക്കാന്‍ സാധിച്ചത് ഇന്ത്യയ്ക്ക് ആഭിമാന നേട്ടമാണ്.

പര്യടനത്തിലെ മൂന്നാമത്തെ മത്സരത്തില്‍ സ്പെയിനിനെ ഒന്നിനെതിരെ അഞ്ച് ഗോളുകള്‍ക്കാണ് ഇന്ത്യ തറപറ്റിച്ചത്. ഈ ആത്മവിശ്വാസവുമായാണ് ഇന്ത്യ ബെല്‍ജിയത്തിനെതിരെ കളിക്കാനിറങ്ങിയത്. പര്യടനത്തിലെ അഞ്ചാമത്തെ മത്സരത്തില്‍ ഇന്ത്യ ബെല്‍ജിയത്തെ തന്നെയാണ് നേരിടുക

You must be logged in to post a comment Login