വംശീയ അധിക്ഷേപം; മലേഷ്യന്‍ ക്ലബ്ബായ സെലങ്കോര്‍ വിട്ടതായി അന്‍റോണിയോ ജെര്‍മ്മന്‍

കേരള ബ്ലാസ്റ്റേഴ്സിന്‍റെ മുന്‍ സ്ട്രൈക്കര്‍ അന്‍റോണിയോ ജെര്‍മ്മനെതിരെയും വംശീയ അധിക്ഷേപം നടന്നതായി വെളിപ്പെടുത്തല്‍. തനിക്ക് നേരെ അതിരൂക്ഷമായി വംശീയ അധിക്ഷേപം ഉണ്ടായതോടെ താന്‍ മലേഷ്യന്‍ ക്ലബ്ബായ സെലങ്കോര്‍ വിട്ടതായി അന്‍റോണിയോ ജെര്‍മ്മന്‍ തന്നെ വ്യക്തമാക്കി. കറുത്തവനെന്ന് വിളിച്ചാണ് താരത്തെ സെലങ്കോര്‍ ആരാധകര്‍ അധിക്ഷേപിച്ചത്.

ജനുവരിയിലാണ് ജെര്‍മ്മന്‍ സെലങ്കോറിനൊപ്പം ചേരുന്നത്. എന്നാല്‍ ഒരു മാസത്തിനകം ക്ലബ്ബ് വിടുകയും ചെയ്തു. ക്ലബ്ബിനൊപ്പം ചേര്‍ന്ന ആദ്യത്തെ മൂന്ന് മാസത്തിനുള്ളില്‍ ഒരു ഗോള്‍ മാത്രമേ താരത്തിന് സ്കോര്‍ ചെയ്യാന്‍ കഴിഞ്ഞുള്ളൂ. എന്നാല്‍ ആരാധകര്‍ പ്രയാസം അതൊന്നുമായിരുന്നില്ല. സെലങ്കോറിനായി കളിക്കുന്ന താരത്തിന് ഇത്രയധികം കറുപ്പ് പാടില്ല എന്നതായിരുന്നു ആരാധകരുടെ പ്രശ്നം. ഗ്യാലറിയിരുന്ന് അവര്‍ ജര്‍മ്മന് നേരെ കൂവി വിളിക്കുകയും വംശീയമായി അധിക്ഷേപിച്ചുകൊണ്ട് മേസേജുകള്‍ അയക്കുകയും ചെയ്തു.

ക്ലബ്ബും ഇക്കാര്യം സമ്മതിച്ച് രംഗത്തെത്തി. ജര്‍മ്മനെ വംശീയമായി അധിക്ഷേപിക്കുന്ന തരത്തിലുള്ള ഇടപെടല്‍ ചില ഫാന്‍സിന്‍റെ ഭാഗത്ത് നിന്നും ഉണ്ടായിട്ടുണ്ട്. ഇവരെ തങ്ങളുടെ എല്ലാ പ്ലാറ്റ്ഫോമുകളില്‍ നിന്നും ബ്ലോക്ക് ചെയ്തതായും സെലങ്കോര്‍ വ്യക്തമാക്കി. ക്ലബ്ബിന്‍റെ പരിശീലകന്‍ ബി സത്യനാഥനും താരത്തിന് നേരിട്ട അധിക്ഷേപം സംബന്ധിച്ച് സ്ഥിരീകരണം നടത്തിയിട്ടുണ്ട്.

You must be logged in to post a comment Login