വിദ്യാര്‍ഥികള്‍ക്ക് ഒരു ലക്ഷം ചോദ്യങ്ങളുമായൊരു ആപ്പ്

കൊച്ചി: മാത്തമാറ്റിക്‌സ് പഠനം ലളിതമാക്കാന്‍ ഒരേയൊരു വഴി കൂടുതുല്‍ ക്രിയകള്‍ ചെയ്തു പഠിക്കുക മാത്രമാണെന്ന തിരിച്ചറിവില്‍ ഒരു ലക്ഷം ചോദ്യങ്ങള്‍ സൗജന്യമായി നല്‍കുന്ന ആപ്പ് ആന്‍ഡ്രോയ്ഡിലെത്തി. ആപ്പ് സൗജന്യമായി ഡൗണ്‍ലോഡ് ചെയ്യാം. കൊച്ചി ആസ്ഥാനമായി പ്രവര്‍ത്തിക്കുന്ന ട്യൂട്ടര്‍മൈന്‍ എന്ന ഓണ്‍ലൈന്‍ ട്യൂഷന്‍ സ്ഥാപനമാണ് തീര്‍ത്തും സൗജന്യമായി ഡൗണ്‍ലോഡ് ചെയ്ത് ഉപയോഗിക്കാവുന്ന ഈ ആപ്പ് വികസിപ്പിച്ചെടുത്തിരിക്കുന്നത്.

ആറു മുതല്‍ പന്ത്രണ്ടു ക്ലാസുവരെയുള്ള സിബിഎസ്ഇ വിദ്യാര്‍ത്ഥികള്‍ക്കുള്ള മള്‍ട്ടിപ്പ്ള്‍ ചോയ്‌സ് ചോദ്യങ്ങളും സെല്‍ഫ് അസെസ്‌മെന്റ് ചോദ്യങ്ങളും ആപ്പില്‍ ലഭിക്കും. എല്ലാ മള്‍ട്ടിപ്പ്ള്‍ ചോയ്‌സ് ചോദ്യങ്ങളുടേയും ഉത്തരങ്ങളും നല്‍കിയിട്ടുണ്ട്. സെല്‍ഫ് അസെസ്‌മെന്റ് ചോദ്യങ്ങളുടെ ഉത്തരങ്ങളിലേയ്ക്കുള്ള നിര്‍ദേശങ്ങളും ആപ്പിലുണ്ട്.

പ്രധാനപ്പെട്ട ഒട്ടേറെ ഉത്തരങ്ങള്‍ വിഡിയോ ഫോര്‍മാറ്റിലും ലഭ്യമാണ്. സൗജന്യമായി കാണാവുന്ന ഇത്തരം 5000 എണ്ണം വിഡിയോകള്‍ ആപ്പിലുണ്ടെന്നും ദിനംപ്രതിയെന്നോണം നൂറു കണക്കിന് വിഡിയോകളാണ് അപ് ലോഡ് ചെയ്യുന്നതെന്നും ട്യൂട്ടര്‍മൈന്‍ സിഇഒ കെ. രാംമോഹന്‍ നായര്‍ പറഞ്ഞു. സിബിഎസ്ഇ സിലബസിലെ ഏത് വിഷയത്തിലും ലോകമെമ്പാടുമുള്ള കുട്ടികള്‍ക്ക് വിദഗ്ധരായ അധ്യാപകര്‍ ട്യൂട്ടര്‍മൈനിലൂടെ ഇ-ട്യൂഷന്‍ നല്‍കിവരുന്നുണ്ട്.

You must be logged in to post a comment Login