സഖ്യ ചർച്ചകളുമായി ബിജെപി; മോദി നാളെ ആർഎസ്എസ് അധ്യക്ഷനെ കാണും

ലോക്‌സഭാ തെരഞ്ഞെടുപ്പ് ഫലം പുറത്തുവരാൻ ദിവസങ്ങൾ മാത്രം ബാക്കി നിൽക്കെ സഖ്യ ചർച്ചകൾക്ക് തുടക്കം കുറിച്ച് പ്രധാനമന്ത്രി നരേന്ദ്ര മോദി. അനൗപചാരിക ചർച്ചകൾക്കാണ് ഇന്ന് തുടക്കം കുറിച്ചിരിക്കുന്നത്. ബിജെപി ജനറൽ സെക്രട്ടറി റാം മാധവിനാണ് ഏകോപന ചുമതല. മോദി നാളെ ആർഎസ്എസ് അധ്യക്ഷനെ കാണും. നാഗ്പൂരിലെ കൂടിക്കാഴ്ച്ചയിൽ നിതിൻ ഗഡ്ഗരിയും പങ്കെടുക്കുമെന്ന് സൂചനയുണ്ട്.

വ്യത്യസ്ത പാർട്ടികളുമായി അനൗപചാരിക ചർച്ചകൾ ആരംഭിച്ചു. ബിജു ജനതാദൾ, ബി.എസ്.പി, വൈ.എസ്.ആർ കോൺഗ്രസ്, ടി.ആർ.എസ് എന്നിവരെ മുന്നണിയിലെത്തിക്കാനാണ് നീക്കം.

You must be logged in to post a comment Login