സിയാച്ചിനിൽ മഞ്ഞുമല ഇടിഞ്ഞ് വീണു; സൈനികർ ഉൾപ്പെടെ ആറ് പേർ മരിച്ചു, തെരച്ചിൽ തുടരുന്നു  

 

ന്യൂഡൽഹി: സിയാച്ചിനിൽ മഞ്ഞുമല ഇടിഞ്ഞ് വീണ് സൈനികർ ഉൾപ്പെടെ ആറ് പേർ മരിച്ചു. കാണാതായ നാല് പേർക്കായി തെരച്ചിൽ തുടരുകയാണ്. മരിച്ചവരിൽ രണ്ടു പേർ സൈനിക ക്യാബിലേക്ക് സാധനങ്ങൾ എത്തിക്കുന്നവരാണെന്നാണ് റിപ്പോർട്ട്. വൈകിട്ട് മൂന്നരയോടെയാണ് അപകടമുണ്ടായത്.

കുടുങ്ങി കിടക്കുന്നവരെ രക്ഷിക്കാനുള്ള ശ്രമം തുടരുകയാണ്. കൂടുതൽ പേർ അപകടത്തിൽ പെട്ടതായും റിപ്പോർട്ടുണ്ട്. തെരച്ചിൽ ദുഷ്‌കരമാണെങ്കിലും വലിയ തോതിലുള്ള രക്ഷാപ്രവർത്തനമാണ് അപകട മേഖലയിൽ നടക്കുന്നത്.

കരസേനയുടെ നേതൃത്വത്തിലാണ് രക്ഷാപ്രവർത്തനം നടക്കുന്നത്. സമുദ്രനിരപ്പിൽ നിന്ന് 18,000 അടി ഉയരത്തിൽ വെച്ചാണ് അപകടമുണ്ടായത്. പെട്രോളിങ് നടത്തുന്നതിനിടെ മഞ്ഞുമല ഇടിഞ്ഞ് വീഴുകയായിരുന്നു.

രക്ഷാപ്രവർത്തനം വേഗത്തിലാക്കാൻ പോലീസ് സംഘവും സ്ഥലത്ത് എത്തിച്ചേർന്നു. ജമ്മു കശ്‌മീരിലെ ബാരമുള്ള ജില്ലയിൽ മഞ്ഞുമല ഇടിഞ്ഞുവീണ് രണ്ടു പേരെ കാണാതായിരുന്നു. ഇതിന് പിന്നാലെയാണ് സൈനികരും അപകടത്തിൽ പെട്ടത്. ലോകത്തെ ഏറ്റവും ഉയരമുള്ള യുദ്ധഭൂമിയാണ് സിയാച്ചിൻ.

You must be logged in to post a comment Login