സുരേഷ് ഗോപിക്ക് ചോറുവാരിക്കൊടുത്ത് ഭാര്യ രാധിക; വീഡിയോ വൈറൽ


 

തൃശൂര്‍: തൃശൂര്‍ ലോക്സഭ മണ്ഡലത്തിലെ എൻഡിഎ സ്ഥാനാർഥിയായ സുരേഷ് ഗോപി ഓരോ ദിവസവും വാര്‍ത്തകളിൽ നിറഞ്ഞുനിൽക്കുന്ന താരമാണ്. വോട്ട് അഭ്യർത്ഥിച്ച് ഭാര്യ രാധികയും മകനും നടനുമായ ഗോകുൽ സുരേഷും മറ്റ് താരങ്ങളും കഴിഞ്ഞദിവസം രംഗത്തെത്തിയിരുന്നു. ജനങ്ങളോട് ഇവര്‍ സംവദിക്കുന്ന ചിത്രങ്ങള്‍ സോഷ്യൽമീഡിയയിൽ വൈറലായിരിക്കുകയുമാണ്. ഇക്കഴിഞ്ഞ ദിവസം സുരേഷ്‌ഗോപിയുടെ തൊണ്ടയില്‍ മുള്ളുകുടുങ്ങിയെന്ന വ്യാജപ്രചരണം നടന്നിരുന്നത് ഏറെ വിവാദമായിരുന്നു.

ഇപ്പോഴിതാ ഭാര്യ രാധിക സുരേഷ് ഗോപിക്ക് ചോറുവാരികൊടുക്കുന്ന വീഡിയോ ഇപ്പോള്‍ വൈറലാവുകയാണ്. പ്രചാരണത്തിരക്കിനിടയിലാണ് ഭാര്യ അദ്ദേഹത്തിന് ചോറുവാരികൊടുക്കുന്നത്. സുരേഷ് ഗോപി തന്നെ പങ്കുവെച്ചിരിക്കുന്ന വീഡിയോ ഇപ്പോള്‍ ഫേസ്ബുക്കിൽ വൈറലാവുകയാണ്. പൂമുഖവാതിൽക്കൽ സ്നേഹം വിടര്‍ത്തുന്ന എന്ന പാട്ടിലെ എണ്ണിയാൽ തീരാത്ത ജന്മാന്തരങ്ങളിൽ അന്നദാനേശ്വരി ഭാര്യ എന്ന ഭാഗം പശ്ചാത്തലമായി ഇട്ടുകൊണ്ടാണ് വീഡിയോ എത്തിയിരിക്കുന്നത്.

You must be logged in to post a comment Login