ജോര്‍ദാന്‍ പാര്‍ലമെന്റില്‍ വെടി: എകെ 47 ഉപയോഗിച്ച് എംപി സഹപ്രവര്‍ത്തകനെ വെടിവച്ചു

ജോര്‍ദാന്‍ പാര്‍ലമെന്റില്‍ വെടി:   എകെ 47 ഉപയോഗിച്ച് എംപി സഹപ്രവര്‍ത്തകനെ വെടിവച്ചു

ജോര്‍ദാന്‍: ജോര്‍ദാന്‍ പാര്‍ലമെന്റില്‍ എംപി സഹപ്രവര്‍ത്തകനു നേരെ വെടിവച്ചത് കടുത്ത പരിഭ്രാന്തിക്കിടയാക്കി. ജോര്‍ദാന്‍ പാര്‍ലമെന്റില്‍ സര്‍ക്കാരിന്റെ ഭരണപരിഷ്‌കാരങ്ങളെച്ചൊല്ലി അംഗങ്ങള്‍ തമ്മിലുണ്ടായ വാഗ്വാദത്തിനിടെ തലാല്‍ അല്‍ ഷരീഫ് എന്ന എംപിയാണ് മറ്റൊരു അംഗമായ ക്യൂസെ ഡിമീസിക്കു നേരെ വെടിയുതിര്‍ത്തത്. ഡിമീസി പരിക്കേല്‍ക്കാതെ രക്ഷപെട്ടു.   പാര്‍ലമെന്റിന്റെ അധോസഭയില്‍ ഞായറാഴ്ചയായിരുന്നു സംഭവം. സര്‍ക്കാര്‍ അടുത്തിടെ നടത്തിയ പരിഷ്‌കാരങ്ങളെച്ചൊല്ലി ക്യൂസെ ഡിമീസിയും മറ്റൊരംഗമായ യാഹ്യ സൗദും തമ്മില്‍ വാക്കുതര്‍ക്കമുണ്ടായതാണു പ്രശ്‌നത്തിനു കാരണമായത്.  വാക്കുതര്‍ക്കം പരിധി വിട്ടതോടെ സ്പീക്കര്‍ യോഗം പിരിച്ചുവിട്ടതായി അറിയിച്ചു. […]

രാസായുധ ശേഖരം കൈമാറിയാല്‍ യുദ്ധം ഒഴിവാക്കും: അമേരിക്ക

രാസായുധ ശേഖരം കൈമാറിയാല്‍ യുദ്ധം ഒഴിവാക്കും: അമേരിക്ക

വാഷിംഗ്ടണ്‍: സിറിയയുടെ പക്കലുള്ള രാസായുധ ശേഖരം രാജ്യാന്തര അധികൃതര്‍ക്ക് കൈമാറാന്‍ പ്രസിഡന്റ് ബാഷര്‍ അല്‍ അസദ് തയാറാകുകയാണെങ്കില്‍ സിറിയയെ ആക്രമിക്കുന്നത് തല്‍ക്കാലം വേണ്ടെന്നുവയ്ക്കാമെന്ന് യുഎസ് പ്രസിഡന്റ് ബരാക് ഒബാമ. ദേശീയ സുരക്ഷയെ ബാധിക്കുന്ന വിഷയമാണിത്. എത്രയും പെട്ടെന്ന് തങ്ങളുടെ കൈവശമിരിക്കുന്ന രാസായുധം രാജ്യാന്തര സമൂഹത്തിന്റെ നിയന്ത്രണത്തിലാക്കാന്‍ അസദ് ഭരണകൂടം തയാറാണെങ്കില്‍ വിഷയത്തില്‍ യുഎസ് സൈനികമായി ഇടപെടില്ല. രാസായുധ പ്രയോഗത്തിനെതിരെ രാജ്യാന്തര തലത്തില്‍ നടപടിയുണ്ടാകണമെന്ന കാര്യത്തില്‍ ഉറച്ചു നില്‍ക്കുന്നതായും വിവിധ ചാനലുകള്‍ക്കു നല്‍കിയ അഭിമുഖത്തില്‍ ഒബാമ വ്യക്തമാക്കി.   […]

നോര്‍വെയില്‍ കണ്‍സര്‍വേറ്റീവ് പാര്‍ട്ടി അധികാരത്തിലേക്ക്

നോര്‍വെയില്‍ കണ്‍സര്‍വേറ്റീവ് പാര്‍ട്ടി അധികാരത്തിലേക്ക്

ഒസ്‌ലോ: നോര്‍വെയിലെ പൊതുതിരഞ്ഞെടുപ്പില്‍ എര്‍ണ സോള്‍ബര്‍ഗിന്റെ കണ്‍സര്‍വേറ്റീവ് പാര്‍ട്ടി വന്‍ ഭൂരിപക്ഷത്തോടെ ഭരണത്തിലേക്ക്. പരാജയം സമ്മതിക്കുന്നതായും ഒക്ടോബര്‍ 14 ലെ ബജറ്റ് അവതരണത്തിനുശേഷം സ്ഥാനമൊഴിയുമെന്നും പ്രധാനമന്ത്രി ജെന്‍സ് സ്‌റ്റോള്‍റ്റന്‍ബര്‍ഗ് പറഞ്ഞു.   2005 മുതല്‍ സ്‌റ്റോള്‍റ്റന്‍ബര്‍ഗിന്റെ നേതൃത്വത്തിലുള്ള ലേബര്‍പാര്‍ട്ടിയാണ് നോര്‍വെ ഭരിക്കുന്നത്. 52 വയസ്സുള്ള സോള്‍ബര്‍ഗ് നോര്‍വെയിലെ രണ്ടാമത്തെ വനിതാ പ്രധാനമന്ത്രിയാകും. 1990 ന് ശേഷം കണ്‍സര്‍വേറ്റീവ് പാര്‍ട്ടിക്ക് ആദ്യമായാണ് ഭരണം ലഭിക്കുന്നത്.

ബംഗ്ലദേശ് യുദ്ധത്തില്‍ അമേരിക്ക പാക്കിസ്ഥാനെ സഹായിച്ചെന്ന് വെളിപ്പെടുത്തല്‍

ബംഗ്ലദേശ് യുദ്ധത്തില്‍ അമേരിക്ക പാക്കിസ്ഥാനെ സഹായിച്ചെന്ന് വെളിപ്പെടുത്തല്‍

വാഷിംഗ്ടണ്‍: സ്വാതന്ത്രരാജ്യം ആവശ്യപ്പെട്ട ബംഗ്ലദേശിനെതിരേ പാക്കിസ്ഥാന്‍ നടത്തിയ യുദ്ധത്തില്‍ അമേരിക്ക പാക്ക് സൈന്യത്തെ സഹായിച്ചെന്നും ഇന്ത്യന്‍ അതിര്‍ത്തി ആക്രമിക്കാന്‍ ചൈനീസ് സൈന്യത്തെ പ്രോത്സാഹിപ്പിച്ചെന്നും വെളിപ്പെടുത്തല്‍. ചരിത്രകാരനായ ഗാറി ബേസിന്റെ ദ് ബ്ലഡ് ടെലിഗ്രാം: നിക്‌സണ്‍, കിസിന്‍ജര്‍ ആന്‍ഡ് എ ഫൊര്‍ഗൊട്ടന്‍ ജീനോസൈഡ് എന്ന പുസ്തകത്തിലാണ് വിവാദ വെളിപ്പെടുത്തല്‍ നടത്തിയിരിക്കുന്നത്. ഈ മാസം 24നാണ് പുസ്തകം പ്രകാശനം ചെയ്യും. ഇന്ത്യന്‍ പ്രധാനമന്ത്രി ഇന്ദിരാഗാന്ധി ബംഗ്ലാദേശിന് അനുകൂലമായി രംഗത്തെത്തിയപ്പോള്‍ അമേരിക്കന്‍ പ്രസിഡന്റ് റിച്ചാര്‍ഡ് നിക്‌സണും അന്നത്തെ വിദേശകാര്യ സെക്രട്ടറി ഹെന്റി […]

സുഷ്മിത ബാനര്‍ജി വധം: രണ്ടുപേര്‍ അറസ്റ്റില്‍

സുഷ്മിത ബാനര്‍ജി വധം: രണ്ടുപേര്‍ അറസ്റ്റില്‍

കാബൂള്‍: ഇന്ത്യന്‍ വംശജയും എഴുത്തുകാരിയുമായ സുഷ്മിത ബാനര്‍ജി അഫ്ഗാനില്‍ കൊല്ലപ്പെട്ട സംഭവത്തില്‍ രണ്ടു പേര്‍ അറസ്റ്റിലായി. താലിബാനുമായി ബന്ധമുള്ള ഹഖാനി തീവ്രവാദ ശൃംഖലയില്‍പെട്ട രണ്ട് പേരാണ് പിടിയിലായത്.   അഫ്ഗാന്‍കാരനായ ഭര്‍ത്താവുമൊത്ത് താമസിച്ചുവന്നിരുന്ന കിഴക്കന്‍ പക്തിക പ്രവിശ്യയിലെ വീട്ടില്‍ നിന്ന് തട്ടിക്കൊണ്ടുപോയ സുഷ്മിതയെ വ്യാഴാഴ്ച താലിബാന്‍ തീവ്രവാദികള്‍ വെടിവെച്ചുകൊല്ലുകയായിരുന്നു. താലിബാനെ വിമര്‍ശിച്ച് സുഷ്മിത എഴുതിയിരുന്നു. തങ്ങള്‍ക്കെതിരെ തൂലിക ചലിപ്പിക്കുന്നുവെന്നും വീട്ടില്‍ ഇന്റര്‍നെറ്റ് സൗകര്യം ഉണ്ടെന്നതുമാണ് ഇവരെ കൊലപ്പെടുത്താനുള്ള കാരണമായി പറയുന്നത്‌

ഇന്‍ഡൊനീഷ്യയില്‍ ഭൂചലനം

ഇന്‍ഡൊനീഷ്യയില്‍ ഭൂചലനം

ഇന്‍ഡൊനീഷ്യയിലെ സുലവെസി ദ്വീപില്‍ ഭൂചലനം അനുഭവപ്പെട്ടു.5.7 തീവ്രത രേഖപ്പെടുത്തിയ ഭൂചലനത്തില്‍ ആളപായമോ നാശനഷ്ടങ്ങളോ ഉണ്ടായതായി റിപ്പോര്‍ട്ടില്ല. പ്രാദേശികസമയം പുലര്‍ച്ചെ 5.41 നായിരുന്നു ഭൂചലനം. ഭൂനിരപ്പില്‍ നിന്നും 46 കിലോമീറ്റര്‍താഴ്ചയിലായിരുന്നു പ്രഭവകേന്ദ്രമെന്ന് യു.എസ് ജിയോളജിക്കല്‍ സര്‍വേ അറിയിച്ചു.ജൂലായില്‍ ഉണ്ടായ ഭൂചലനത്തില്‍ 35 പേര്‍ മരിക്കുകയും ആയിരത്തിലധികം പേര്‍ ഭവനരഹിതരാവുകയും ചെയ്തിരുന്നു.

കമ്പോഡിയ തെരഞ്ഞെടുപ്പില്‍ വിജയം ഭരണപക്ഷത്തിന്

കമ്പോഡിയ തെരഞ്ഞെടുപ്പില്‍ വിജയം ഭരണപക്ഷത്തിന്

കമ്പോഡിയയില്‍ നടന്ന തെരഞ്ഞെടുപ്പില്‍ പ്രധാനമന്ത്രി ഹൂ സെന്നിന്റെ പാര്‍ട്ടി് കേവല ഭൂരിപക്ഷത്തോടെ വീണ്ടും അധികാരത്തിലേറി.28 വര്‍ഷമായി രാജ്യംഭരിക്കുന്ന ഹൂ സെന്നിന് ഇനി അഞ്ചുവര്‍ഷംകൂടി അധികാരത്തില്‍ തുടരാം. ഇന്ന്് രാവിലെയാണ് ഔദ്യോഗികമായി ഫലപഖ്യാപനം നടത്തിയത്. ഭരണകക്ഷിയായ കമ്പോഡിയന്‍ പീപ്പിള്‍സ് പാര്‍ട്ടി (സിപിപി) ക്ക് 68 സീറ്റുകളും പ്രതിപക്ഷമായ കമ്പോഡിയന്‍ നാഷണല്‍ റസ്ക്യൂ പാര്‍ട്ടിക്ക് 55 സീറ്റുകളും ലഭിച്ചു. എന്നാല്‍ തെരഞ്ഞെടുപ്പില്‍ വ്യാപക ക്രമക്കേട് നടന്നുവെന്നാണ് പ്രതിപക്ഷത്തിന്റെ ആരോപണം.അതുകൊണ്ടു തന്നെ തെരഞ്ഞെടുപ്പ് ഫലം അംഗീകരിക്കില്ലെന്നും പ്രതിപക്ഷം വ്യക്തമാക്കിയിട്ടുണ്ട്. ഏഷ്യയില്‍ ഏറ്റവും […]

സിറിയയ്ക്കു നേരേ കണ്ണുംപൂട്ടി നില്‍ക്കാനാകില്ല: ഒബാമ

സിറിയയ്ക്കു നേരേ കണ്ണുംപൂട്ടി നില്‍ക്കാനാകില്ല: ഒബാമ

സിറിയില്‍ നടക്കുന്ന മാനുഷികഹത്യയ്‌ക്കെതിരെ കണ്ണുംപൂട്ടി നില്‍ക്കാനാകില്ലെന്നും അമേരിക്കന്‍ പ്രസിഡന്റ് ബരാക് ഒബാമ. സിറിയയില്‍ നടന്ന രാസായുധപ്രയോഗത്തെ നിസാരവത്കരിക്കാനാവില്ല. നമ്മളേപ്പോലെ തന്നെ നമ്മുടെ കുട്ടികള്‍ക്കും ഭാവിജനതയ്ക്കും ഈ ലോകത്ത് ജീവിക്കേണ്ടതുണ്ട്. അതിനു പറ്റിയ സാഹചര്യം ഉണ്ടാകണം.അതുകൊണ്ടാണ് സിറിയയ്‌ക്കെതിരെ സൈനിക നടപടിയ്‌ക്കൊരുങ്ങുന്നതെന്നും  ഒബാമ പറഞ്ഞു. സിറിയന്‍ മണ്ണില്‍ കാലുകുത്താതെയുള്ള പരിമിതമായ സൈനിക നടപടി ഉണ്ടാകും. സര്‍ക്കാരിനെ താഴെയിറക്കാനും അവരുടെ സൈനികശേഷി കുറയ്ക്കാനും വേണ്ടിയാണു സൈനിക നടപടി. അതൊരിക്കലും ഇറാഖിലോ, അഫ്ഗാനിലോ നടത്തിയതു പോലെയാകില്ലെന്ന് അദ്ദേഹം പറഞ്ഞു.

2020ലെ ഒളിമ്പിക്‌സ് വേദി ഉറപ്പിച്ചു;ജപ്പാനിലെ ടോക്കിയോ

2020ലെ ഒളിമ്പിക്‌സ് വേദി ഉറപ്പിച്ചു;ജപ്പാനിലെ ടോക്കിയോ

2020ലെ ഒളിമ്പിക്‌സ് വേദിയായി ജപ്പാനിലെ ടോക്കിയോയെ തെരഞ്ഞെടുത്തു.രാജ്യാന്തര ഒളിംപിക്‌സ് സമിതി യോഗത്തിന്റേതാണ് തീരുമാനം. ഇസ്താംബൂളിനെയും മാഡ്രിഡിനെയും പിന്തള്ളിയാണ് ടോക്കിയോയെ ഒളിംമ്പിക്  വേദിയായി മാറുന്നത്.മുപ്പത്തിയാറിനെതിരെ 60 വോട്ടുകള്‍ നേടിയാണ് ടോക്കിയോ വേദി പിടിച്ചെടുത്തത്.മാഡ്രിഡ് ആദ്യ റൗണ്ടില്‍ തന്നെ പുറത്തായിരുന്നു. അന്താരാഷ്ട്ര ഒളിംപിക്‌സ് അസോസിയേഷന്‍ പ്രസിഡന്റ് ജാക് റോഗാണ് പ്രഖ്യാപനം നടത്തിയത്. 1964ലെ ഒളിംപിക്‌സും ടോക്കിയോയില്‍ വെച്ചാണ് നടന്നത്. ഇതോടെ രണ്ട് തവണ ഒളിംപിക്‌സിന് ആതിഥ്യം വഹിക്കുന്ന ആദ്യ ഏഷ്യന്‍ നഗരമെന്ന ബഹുമതി ടോക്കിയോയ്ക്ക് ലഭിക്കും.പ്രഖ്യാപനം നടന്നയുടന്‍ പതിനായിരക്കണക്കിന് ആളുകളാണ് […]

സിറിയയില്‍ 20 ലക്ഷം വിദ്യാര്‍ത്ഥികളുടെ പഠിപ്പ് മുടങ്ങിയതായി യു.എന്‍

സിറിയയില്‍ 20 ലക്ഷം വിദ്യാര്‍ത്ഥികളുടെ പഠിപ്പ് മുടങ്ങിയതായി യു.എന്‍

ജനീവ: യുദ്ധഭീതിയില്‍ കഴിയുന്ന സിറിയയില്‍ ഇരുപതു ലക്ഷത്തോളം വിദ്യാര്‍ത്ഥികളുടെ പഠിപ്പ് മുടങ്ങിയതായി ഐക്യരാഷ്ട്ര സഭ. ഇവരുടെ പഠിപ്പ് തുടരുന്നതിനായി പുതിയ പദ്ധതി ആവിഷ്‌ക്കരിക്കുമെന്നും യു.എന്‍ നിയന്ത്രണത്തിലുള്ള യുണിസെഫ് വ്യക്തമാക്കി. വീടുകള്‍ കേന്ദ്രീകരിച്ചുള്ള സ്വയംപഠന പദ്ധതിയാണ് സിറിയിയിലെ വിദ്യാര്‍ത്ഥികള്‍ക്കായി യു.എന്‍ നടപ്പിലാക്കാന്‍ ഉദ്ദേശിക്കുന്നത്.  കഴിഞ്ഞ അദ്ധ്യയന വര്‍ഷത്തില്‍ മാത്രം സിറിയയില്‍ 39 ശതമാനം വിദ്യാര്‍ത്ഥികള്‍ക്ക് പഠിപ്പ് നിര്‍ത്തേണ്ടതായി വന്നു.   യുദ്ധത്തില്‍ സ്‌ക്കൂളുകള്‍ തകര്‍ന്നതും പല സ്‌ക്കൂളുകളും പുനരധിവാസ കേന്ദ്രങ്ങളായതുമാണ് വിദ്യാര്‍ത്ഥികളുടെ പഠിപ്പ് മുടക്കിയത്. സൈന്യവും വിമതരും തമ്മില്ലുള്ള […]