ചുഴലിക്കാറ്റ് തമിഴ്‌നാട് തീരത്തേക്ക്, ജാഗ്രതാ നിര്‍ദേശം; കേരളത്തില്‍ ഇന്നും നാളെയും ശക്തമായ മഴയ്ക്കു സാധ്യത

ചുഴലിക്കാറ്റ് തമിഴ്‌നാട് തീരത്തേക്ക്, ജാഗ്രതാ നിര്‍ദേശം; കേരളത്തില്‍ ഇന്നും നാളെയും ശക്തമായ മഴയ്ക്കു സാധ്യത

തിരുവനന്തപുരം/ചെന്നൈ: ബംഗാള്‍ ഉള്‍ക്കടലില്‍ രൂപംകൊണ്ട ഗജ ചുഴലിക്കാറ്റ് ഇന്ന് രാത്രിയോടെ തമിഴ്‌നാട് തീരത്തെത്തുമെന്ന് കാലാവസ്ഥാ നിരീക്ഷണ കേന്ദ്രം. കടലൂര്‍, നാഗപട്ടണം, തിരുവാരൂര്‍ തുടങ്ങിയ തമിഴ്‌നാടിന്റെ വടക്കന്‍ തീരപ്രദേശങ്ങളെയാണ് ചുഴലിക്കാറ്റ് ബാധിക്കുക. ചുഴലിക്കാറ്റിന്റെ സ്വാധീനത്തില്‍ കേരളത്തില്‍ ഇന്നും നാളെയും ശക്തമായ മഴയ്ക്കു സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. തമിഴ്‌നാട്ടില്‍ ആറ് ജില്ലകളിലും പുതുച്ചേരിയിലും കനത്ത ജാഗ്രതാനിര്‍ദേശം നല്‍കിയിട്ടുണ്ട്. നാഗപട്ടണം, തിരുവാരൂര്‍, പുതുക്കോട്ട, തഞ്ചാവൂര്‍, ശിവഗംഗ, രാമനാഥപുരം തുടങ്ങിയ ഭാഗങ്ങളിലൂടെയാണ് ഗജ കടന്നുപോവുക. ഈ പ്രദേശങ്ങളില്‍ കനത്ത മഴയുമുണ്ടാകും. […]

ശബരിമല യുവതി പ്രവേശനം; സര്‍വ്വകക്ഷിയോഗം ഇന്ന്

ശബരിമല യുവതി പ്രവേശനം; സര്‍വ്വകക്ഷിയോഗം ഇന്ന്

ശബരിമല പ്രശ്ന പരിഹാരത്തിനായി സർക്കാർ വിളിച്ച സർവ്വകക്ഷിയോഗവും പന്തളം- തന്ത്രി കുടുംബങ്ങളുമായുള്ള ചർച്ചയും ഇന്ന്. നാളെയാണ്  മണ്ഡല- മകര വിളക്ക് തീർത്ഥാടനകാലം തുടങ്ങുന്നത്. ഈ പശ്ചാത്തലത്തില്‍  വിധി നടപ്പാക്കാൻ ഭരണഘടനാ ബാധ്യതയുണ്ടെന്ന് സർക്കാർ വ്യക്തമാക്കും. യുവതീപ്രവേശന വിധി സ്റ്റേ ചെയ്യാൻ സുപ്രീം കോടതി വീണ്ടും വിസമ്മതിച്ചിരുന്നു. വിധി നടപ്പാക്കുക മാത്രമാണ് സര്‍ക്കാറിന് മുന്നിലുള്ളത്. ഈ പശ്ചാത്തലത്തില്‍ പ്രതിഷേധങ്ങളെ എങ്ങനെ നേരിടണമെന്ന കാര്യത്തിലും സര്‍ക്കാറിന് തീരുമാനം എടുക്കേണ്ടി വരും. നിലവില്‍ വന്‍ സുരക്ഷയാണ് ഒരുക്കിയിരിക്കുന്നത്.

ഡിവൈഎഫ്‌ഐയില്‍ പുതിയ ഭാരവാഹികള്‍; ഔദ്യോഗിക പ്രഖ്യാപനം ഉടന്‍

ഡിവൈഎഫ്‌ഐയില്‍ പുതിയ ഭാരവാഹികള്‍; ഔദ്യോഗിക പ്രഖ്യാപനം ഉടന്‍

തിരുവനന്തപുരം: ഡിവൈഎഫ്‌ഐ യില്‍ ഇനി മുതല്‍ പുതിയ ഭാരവാഹികള്‍ ചുമതലയേക്കും. സംസ്ഥാന സെക്രട്ടറിയായി എ.എ. റഹിം, പ്രസിഡന്റ് എസ്.സതീഷ്, എസ്.കെ.സജീഷ് ട്രഷറര്‍. നിലവിലെ ഭാരവാഹികളായ എം.സ്വരാജും എ.എന്‍.ഷംസീറും പി.ബിജുവും ഒഴിഞ്ഞതോടെയാണ് പുതിയ ഭാരവാഹികളെ തിരഞ്ഞെടുത്തത്. ഡിവൈഎഫ്‌ഐയുടെ ചുമതലയുള്ള എം.വി.ഗോവിന്ദന്റെ നേതൃത്വത്തിലുള്ള ഫ്രാക്ഷനാണ് തീരുമാനമെടുത്തത്. പ്രായപരിധി കര്‍ശനമാക്കേണ്ടെന്ന് സിപിഎം സെക്രട്ടേറിയേറ്റ് നിര്‍ദ്ദേശം നല്‍കിയതോടെയാണ് റഹീമടക്കമുള്ളവര്‍ നേതൃത്വത്തിലേയ്ക്ക് എത്തിയത്. ഔദ്യോഗിക പ്രഖ്യാപനം ഉടനുണ്ടാകും. വൈകിട്ട് നടക്കുന്ന പൊതുസമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.

ഒളിവില്‍ കഴിയവെ ഹരികുമാര്‍ ആത്മഹത്യ ചെയ്ത കേസ് ആറ്റിങ്ങല്‍ ഡിവൈഎസ്പി അന്വേഷിക്കും

ഒളിവില്‍ കഴിയവെ ഹരികുമാര്‍ ആത്മഹത്യ ചെയ്ത കേസ് ആറ്റിങ്ങല്‍ ഡിവൈഎസ്പി അന്വേഷിക്കും

തിരുവനന്തപുരം: സനല്‍ കുമാര്‍ കൊലപാതക കേസില്‍ പ്രതിയായി ഒളിവില്‍ കഴിയവെ ഡിവൈഎസ്പി ഹരികുമാര്‍ ആത്മഹത്യ ചെയ്ത കേസ് ആറ്റിങ്ങല്‍ ഡിവൈഎസ്പി അനില്‍കുമാര്‍ അന്വേഷിക്കും. കേസിലെ രണ്ടാംപ്രതി ബിനുവും ഡ്രൈവര്‍ രമേശും ക്രൈംബ്രാഞ്ചില്‍ കീഴടങ്ങിയിരുന്നു. കേസ് അന്വേഷണം അസാനിപ്പിക്കേണ്ടതില്ലെന്നാണു പൊലീസ് തീരുമാനം. ഹരികുമാറും ബിനുവുമായുള്ള സൗഹൃദവും സാമ്പത്തിക ബന്ധങ്ങളും അന്വേഷിക്കും. ചൊവ്വാഴ്ച രാവിലെ 9 മണിയോടെയാണു ഹരികുമാറിനെ തൂങ്ങിമരിച്ച നിലയില്‍ കല്ലമ്പലത്തെ വീടിനു പുറകിലെ ഷെഡില്‍ കണ്ടെത്തിയത്. വളര്‍ത്തുനായയ്ക്കു ഭക്ഷണം നല്‍കാനെത്തിയ ഭാര്യയുടെ അമ്മയാണു ഹരികുമാര്‍ തൂങ്ങിനില്‍ക്കുന്നതു കണ്ടത്. […]

ബന്ധു നിയമന വിവാദം: അദീപിനെ നിയമിക്കാന്‍ കെ.ടി ജലീല്‍ നേരിട്ട് ഇപെട്ടു; വിദ്യാഭ്യാസ യോഗ്യതയില്‍ ഇളവ് വരുത്താന്‍ മന്ത്രി ഉത്തരവിറക്കിയതിന്റെ തെളിവ് യൂത്ത് ലീഗ് പുറത്തു വിട്ടു

ബന്ധു നിയമന വിവാദം: അദീപിനെ നിയമിക്കാന്‍ കെ.ടി ജലീല്‍ നേരിട്ട് ഇപെട്ടു; വിദ്യാഭ്യാസ യോഗ്യതയില്‍ ഇളവ് വരുത്താന്‍ മന്ത്രി ഉത്തരവിറക്കിയതിന്റെ തെളിവ് യൂത്ത് ലീഗ് പുറത്തു വിട്ടു

കോഴിക്കോട്: മന്ത്രി കെ.ടി.ജലീലിനെതിരെ ആരോപണവുമായി വീണ്ടും യൂത്ത് ലീഗ്. നിയമനത്തിനായി വിദ്യാഭ്യാസയോഗ്യത മാറ്റണമെന്ന് മന്ത്രി തന്നെ ആവശ്യപ്പെട്ടത്തിന് തെളിവുകള്‍ ഉയര്‍ത്തിക്കാട്ടി പി.കെ.ഫിറോസ് രംഗത്തെത്തി. മന്ത്രിസഭ തീരുമാനിച്ച യോഗ്യതയെന്ന് സാമൂഹിക നീതി വകുപ്പ് സെക്രട്ടറി കുറിപ്പ് നല്‍കുകയും ചെയ്തു. അടിസ്ഥാന യോഗ്യതയല്ല അധികയോഗ്യതയെന്ന് കാട്ടി മുഖ്യമന്ത്രിക്ക് മന്ത്രി കത്തുനല്‍കി. മുഖ്യമന്ത്രി അറിഞ്ഞുകൊണ്ടാണോ ക്രമക്കേടെന്ന് അറിയണമെന്നും കോഴിക്കോട്ട് ഫിറോസ് പറഞ്ഞു. കേട്ടുകേള്‍വിയില്ലാത്ത കാര്യമാണ് ഇത്. മന്ത്രിസഭയെത്തന്നെ മറികടന്ന അനുഭവമാണിത്. ജയരാജനെ പേടിക്കാത്ത മുഖ്യമന്ത്രി എന്തുകൊണ്ട് ജലീലിനെ ഭയക്കുന്നു. ഇക്കാര്യത്തില്‍ ജലീല്‍ […]

മൂന്നാറില്‍ ഉദ്യോഗസ്ഥരുടെ സ്ഥലമാറ്റം : പിന്നില്‍ കൈയേറ്റ മാഫിയ

മൂന്നാറില്‍ ഉദ്യോഗസ്ഥരുടെ സ്ഥലമാറ്റം : പിന്നില്‍ കൈയേറ്റ മാഫിയ

  മൂന്നാര്‍: മൂന്നാറിലെ ഉദ്യോഗസ്ഥരുടെ സ്ഥലം മാറ്റത്തിന് പിന്നില്‍ കൈയേറ്റ മാഫിയെന്ന് റിപ്പോര്‍ട്ടുകള്‍. സബ്കളക്ടര്‍ വി.ആര്‍ പ്രേംകുമാറിനെ മാറ്റിയത് റിസോര്‍ട്ടുകള്‍ക്ക് എതിരായ റിപ്പോര്‍ട്ട് നല്‍കിയതിനെതുടര്‍ന്നാണ്. പള്ളിവാസലിലെ റിസോര്‍ട്ടുകള്‍ക്ക് എതിരായി പ്രേംകുമാര്‍ റിപ്പോര്‍ട്ട് നല്‍കിയിരുന്നു. റിപ്പോര്‍ട്ട് സമര്‍പ്പിച്ച് മൂന്ന് മാസത്തിനിടെയാണ് സ്ഥലം മാറ്റം. വ്യാജ പട്ടയം റദ്ദാക്കാന്‍ തഹസില്‍ദാരോട് നിര്‍ദ്ദേശിച്ചെന്നും റിപ്പോര്‍ട്ട് നല്‍കി.

ദൈവത്തിന്റെ വിധി നടപ്പായെന്ന് സനല്‍ കുമാറിന്റെ ഭാര്യ വിജി

ദൈവത്തിന്റെ വിധി നടപ്പായെന്ന് സനല്‍ കുമാറിന്റെ ഭാര്യ വിജി

  തിരുവനന്തപുരം: ദൈവത്തിന്റെ വിധി നടപ്പായെന്ന് നെയ്യാറ്റിന്‍കരയില്‍ മരിച്ച സനല്‍ കുമാറിന്റെ ഭാര്യ വിജി. കേസിലെ പ്രതിയായ ഡിവൈഎസ്പി ഹരികുമാര്‍ ആത്മഹത്യ ചെയ്ത സാഹചര്യത്തില്‍ വിജിയും കുടുംബവും ഉപവാസ സമരം അവസാനിപ്പിച്ചു. ഇന്ന് രാവിലെ 9 മണിയോടെയാണ് ഡിവൈഎസ്പി ഹരികുമാറിനെ കല്ലമ്പലത്തെ വീട്ടില്‍ ആത്മഹത്യ ചെയ്ത നിലയില്‍ കണ്ടെത്തിയത്. തൂങ്ങിമരിച്ച നിലയിലാണ് കണ്ടെത്തിയത്.ഇന്ന് കീഴടങ്ങാനായി ഇന്നലെ ഡിവൈഎസ്പി വീട്ടിലെത്തിയിരുന്നതായാണ് വിവരം. അയല്‍ക്കാരാണ് മൃതദേഹം കണ്ടെത്തിയത്. നെയ്യാറ്റിന്‍കര കൊലപാതകത്തില്‍ ഹരികുമാറിനെതിരെ ക്രൈംബ്രാഞ്ച് റിപ്പോര്‍ട്ട് പുറത്തുവന്നിരുന്നു.സനലിനെ ഡിവൈഎസ്പി ഹരികുമാര്‍ മനപ്പൂര്‍വം […]

ശബരിമല സ്ത്രീപ്രവേശനത്തിലെ റിട്ട് ഹര്‍ജികള്‍ പരിഗണിക്കുന്നത് സുപ്രീംകോടതി മാറ്റി

ശബരിമല സ്ത്രീപ്രവേശനത്തിലെ റിട്ട് ഹര്‍ജികള്‍ പരിഗണിക്കുന്നത് സുപ്രീംകോടതി മാറ്റി

  ന്യൂഡല്‍ഹി: ശബരിമല സ്ത്രീപ്രവേശനത്തിലെ 4 റിട്ട് ഹര്‍ജികള്‍ പരിഗണിക്കുന്നത് സുപ്രീംകോടതി മാറ്റിവെച്ചു. ചീഫ് ജസ്റ്റിസ് ര‍ഞ്ജൻ ഗൊഗോയ് അധ്യക്ഷനായ മൂന്നംഗ ബഞ്ചാണ് ഹർജികൾ പരിഗണിക്കുന്നത് മാറ്റിയത്. വൈകിട്ട് മൂന്ന് മണിയ്ക്ക് ഭരണഘടനാ ബഞ്ച് ചേംബറിൽ റിവ്യൂ ഹർജികൾ പരിഗണിച്ച ശേഷം മാത്രമേ മൂന്നംഗബഞ്ച് റിട്ട് ഹർജികൾ പരിഗണിക്കൂ. ഇതിനിടെ, പുനഃപരിശോധനാ ഹർജികൾ തുറന്ന കോടതിയിൽ കേൾക്കണമെന്ന ആവശ്യം സുപ്രീംകോടതി തള്ളി. രാവിലെ പത്തരയ്ക്ക് ചീഫ് ജസ്റ്റിസ് അധ്യക്ഷനായ ബഞ്ചിലാണ് ഹർജികൾ തുറന്ന കോടതിയിൽ പരിഗണിക്കണമെന്ന് ഹർജിക്കാരുടെ അഭിഭാഷകൻ […]

ഇന്നും പെട്രോള്‍, ഡീസല്‍ വിലയില്‍ കുറവ്

ഇന്നും പെട്രോള്‍, ഡീസല്‍ വിലയില്‍ കുറവ്

  ന്യൂഡല്‍ഹി: ഇന്നും പെട്രോള്‍, ഡീസല്‍ വിലയില്‍ കുറവ്. പെട്രോള്‍ ലിറ്ററിന് 13 പൈസയും ഡീസലിന് 12 പൈസയുമാണ് കുറഞ്ഞത്. ഡല്‍ഹിയില്‍ പെട്രോളിന് 77.43 രൂപയും ഡീസലിന് 72.19 രൂപയിലുമാണ് വ്യാപാരം. തിങ്കളാഴ്ച ഇന്ധനവിലയില്‍ കുറവ് രേഖപ്പെടുത്തിയിരുന്നു. മുംബൈയില്‍ പെട്രോളിന് ലിറ്ററിന് 82.94 രൂപയും ഡീസലിന് ലിറ്ററിന് 75.64 രൂപയുമാണ് വില്‍പന വില. നികുതി ഘടനയുടെ മാറ്റം അനുസരിച്ച് സംസ്ഥാനങ്ങളിലെ ഇന്ധനവിലയില്‍ മാറ്റമുണ്ടാകും. പെട്രോള്‍ ലിറ്ററിന് 17 പൈസയും ഡീസലിന് 15 പൈസയുമാണ് എണ്ണ കമ്പനികള്‍ ഇന്നലെ […]

മധുവിന്റെ കൊലപാതകം: സ്‌പെഷല്‍ പ്രോസിക്യൂട്ടറെ നിയമിക്കാനുള്ള മന്ത്രിസഭാ തീരുമാനം റദ്ദാക്കിയ നടപടി പുനഃപരിശോധിക്കുമെന്ന് മന്ത്രി എകെ ബാലന്‍

മധുവിന്റെ കൊലപാതകം: സ്‌പെഷല്‍ പ്രോസിക്യൂട്ടറെ നിയമിക്കാനുള്ള മന്ത്രിസഭാ തീരുമാനം റദ്ദാക്കിയ നടപടി പുനഃപരിശോധിക്കുമെന്ന് മന്ത്രി എകെ ബാലന്‍

അഗളി: അട്ടപ്പാടിയില്‍ ആദിവാസി യുവാവ് മധുവിനെ കൊലപ്പെടുത്തിയ കേസില്‍ സ്‌പെഷല്‍ പബ്ലിക് പ്രോസിക്യൂട്ടറെ നിയമിക്കാനുള്ള മന്ത്രിസഭാ തീരുമാനം റദ്ദാക്കിയ നടപടി ആവശ്യമെങ്കില്‍ പുനഃപരിശോധിക്കുമെന്ന് മന്ത്രി എകെ ബാലന്‍. പട്ടികജാതി, പട്ടിക വര്‍ഗ കേസുകള്‍ കൈകാര്യം ചെയ്യാന്‍ പ്രത്യേക കോടതിയും പ്രോസിക്യൂട്ടറും ഉള്ളതുകൊണ്ടാണ് സ്‌പെഷല്‍ പബ്ലിക് പ്രോസിക്യൂട്ടര്‍ വേണ്ട എന്ന തീരുമാനമെടുത്തത്. എന്നാല്‍ കുടുംബത്തിന് പരാതിയുണ്ടെങ്കില്‍ മുഖ്യമന്ത്രിയുമായി ഇക്കാര്യം ചര്‍ച്ച ചെയ്യുമെന്നും എ.കെ.ബാലന്‍ പറഞ്ഞു. അഭിഭാഷകന് കൂടുതല്‍ ഫീസ് നല്‍കാനാവില്ലെന്ന കാരണത്താലാണ് സ്‌പെഷല്‍ പബ്ലിക് പ്രോസിക്യൂട്ടറെ നിയമിക്കാനുള്ള തീരുമാനം […]