പലതരത്തിലുള്ള വീഡിയോകളും ഇന്ന് സോഷ്യല്‍ മീഡിയയില്‍ വൈറലായി മാറാറുണ്ട്. ആളുകളെ ചിരിപ്പിക്കാനും റീല്‍സിന് വേണ്ടിയും റോഡുകളിലും മറ്റ് പൊതുസ്ഥലങ്ങളിലും തമാശകളും വെറൈറ്റി ലുക്കുക്കളും ഒക്കെയായി എത്തുന്നവരുണ്ട്. അതുപോലെ, രണ്ട് യുവാക്കളുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.
രണ്ട് യുവാക്കള്‍ റോഡിലൂടെ നടന്നു വരുന്നതാണ് വീഡിയോയില്‍ കാണുന്നത്. അവരെ കാണുന്നവരൊക്കെ ചിരിക്കുന്നതും കാണാം. ആളുകളെ ചിരിപ്പിക്കുന്നത് മറ്റൊന്നുമല്ല, ആ യുവാക്കളുടെ വേഷം തന്നെയാണ്. അവരെന്താണ് ധരിച്ചിരിക്കുന്നത് എന്നല്ലേ പുരുഷന്മാരുടെ അടിവസ്ത്രങ്ങളാണ് അവര്‍ ടി ഷര്‍ട്ട് അല്ലെങ്കില്‍ ക്രോപ്പ് ടോപ്പ് പോലെ ധരിച്ചിരിക്കുന്നത്.
ഇങ്ങനെ ഒരു വേഷം കണ്ടാല്‍ എങ്ങനെ ചിരിക്കാതിരിക്കും. അതിനൊപ്പം ബോട്ടമായി ധരിച്ചിരിക്കുന്നതും കണ്ടാല്‍ വിചിത്രമെന്ന് തോന്നുന്ന വേഷം തന്നെയാണ്. വെറൈറ്റിയായിട്ടുള്ള വസ്ത്രങ്ങളുടെയും, വിവിധ വസ്തുക്കള്‍ ഫാഷന്‍ പോലെ അണിയുന്നതും ഒക്കെ ഇന്ന് സോഷ്യല്‍ മീഡിയയില്‍ ഒരുപാടുപേര്‍ ചെയ്യുന്നതാണ്.
ഈ വീഡിയോയെ വ്യത്യസ്തമാക്കുന്നത് അതില്‍ യുവാക്കളെ കാണുന്ന ആളുകളുടെ ചിരിയാണ്. യുവാക്കളെ കാണുമ്പോള്‍ കുറേ പെണ്‍കുട്ടികള്‍ ചിരിക്കുന്നത് കാണാം. സണ്‍ഗ്ലാസൊക്കെ വച്ച് നല്ല സ്‌റ്റൈലായിട്ടാണ് യുവാക്കളുടെ നടപ്പും ഭാവവും എല്ലാം.
എന്തായാലും, വീഡിയോ സോഷ്യല്‍ മീഡിയയിലും ആളുകളെ ചിരിപ്പിച്ചിട്ടുണ്ട്. നിരവധിപ്പേരാണ് വീഡിയോ കണ്ടിരിക്കുന്നത്. ഒരുപാട് പേര്‍ വീഡിയോയ്ക്ക് കമന്റുകളും നല്കിയിട്ടുണ്ട്. ഇങ്ങനെയുള്ള ഔട്ട്ഫിറ്റില്‍ ആളുകളുടെ ഇടയിലേക്കിറങ്ങാന്‍ ധൈര്യം വേണം എന്നാണ് ഒരാള്‍ കമന്റ് നല്കിയിരിക്കുന്നത്.
mr_rahu_087 എന്ന യൂസറാണ് വീഡിയോ ഇന്‍സ്റ്റഗ്രാമില്‍ ഷെയര്‍ ചെയ്തിരിക്കുന്നത്. സമാനമായ നിരവധി വീഡിയോകള്‍ നേരത്തെയും ഈ യൂസര്‍ ഷെയര്‍ ചെയ്തിരിക്കുന്നത് കാണാം. എന്നാല്‍, ഇതുപോലെ ചിരിപ്പിച്ച വീഡിയോ വേറെയുണ്ടോ എന്ന് സംശയമാണ്.
