മലപ്പുറം: മഞ്ചേരിയില് നയവിശദീകരണ യോഗത്തിന് മുന്പ് മാധ്യമങ്ങള്ക്ക് തമിഴില് മറുപടി പറഞ്ഞ് പിവി അന്വര്. ഡിഎംകെ ബന്ധത്തിന്റെ പേരില് ആശങ്ക ഒന്നും ഇല്ലേ എന്ന ചോദ്യത്തിനായിരുന്നു അന്വറിന്റെ തമിഴ് മറുപടി. അത് അപ്പുറം പാക്കലാം അയ്യാ, ഒരു പ്രച്ചനയും ഇരിക്കില്ല എന്നായിരുന്നു അന്വര് നല്കിയ മറുപടി. തമിഴ് മട്ടും താന് ഇനി പേസും എന്നും പിവി അന്വര് മാധ്യമങ്ങളോട് പറഞ്ഞു.
തമിഴ് ബന്ധം എപ്പോഴേ ഉറപ്പിച്ചെന്ന് അന്വര് പറഞ്ഞു. യോഗത്തിലേക്ക് ആളുകള് എത്താതിരിക്കാന് പൊലീസ് വാഹനം തടയുന്നുണ്ട് അന്വര് ആരോപിച്ചു. സംസ്ഥാനത്തെ ഡിഎംകെ നേതാക്കളുടെ വീട്ടിലേക്ക് പൊലീസ് എത്തിയെന്നും സ്വര്ണക്കടത്തുമായി ബന്ധമുണ്ടോയെന്നാണ് അന്വേഷിക്കുന്നതെന്നും അന്വര് പറഞ്ഞു.
കേരളത്തിലെ ജനങ്ങള് കാണട്ടെയെന്നും വിശദമായി പറയുമെന്നും അന്വര് പറഞ്ഞു. പൊലീസ് മനപൂര്വം തടസമുണ്ടാക്കുന്നുവെന്ന് അന്വര് ആരോപിച്ചു. ട്രാഫിക് നിയന്ത്രണത്തിന്റെ പേരിലാണ് പൊലീസ് വാഹനങ്ങള് തടയുന്നതെന്ന് അദ്ദേഹം പറഞ്ഞു. രാഷ്ട്രീയ കേരളം ആകാംക്ഷയോടെ കാത്തിരിക്കുന്നതാണ് പി.വി.അന്വറിന്റെ നയവിശദീകരണ സമ്മേളനം.
68 Less than a minute