BREAKING NEWSLATESTNATIONAL

ആണ്‍കുട്ടിയെ പ്രസവിച്ചില്ല; യുവാവ് ഭാര്യയെയും മക്കളെയും കിണറ്റിലെറിഞ്ഞു, ഒരു കുട്ടി മരിച്ചു

ഭോപ്പാല്‍: ആണ്‍കുട്ടിയെ പ്രസവിക്കാന്‍ കഴിയുന്നില്ലെന്ന് ആരോപിച്ച് യുവാവ് ഭാര്യയെയും രണ്ട് മക്കളെയും കിണറ്റിലെറിഞ്ഞു. എട്ട് വയസുള്ള കുട്ടി മരിച്ചു. ആറ് മാസം പ്രായുള്ള കുട്ടിയും യുവതിയും പരിക്കുകളോടെ രക്ഷപ്പെട്ടു. മധ്യപ്രദേശിലെ ഛത്തര്‍പുരില്‍ ഞായറാഴ്ച വൈകുന്നേരമാണ് സംഭവം.
സംഭവത്തില്‍ ഛന്ദാല പോലീസ് കേസെടുത്ത് അന്വേഷണം ആരംഭിച്ചു. യുവതിയെയും മക്കളെയും തിരികെ വീട്ടിലേക്ക് കൊണ്ട് പോകുന്നതിനിടെ റോഡിനോട് ചേര്‍ന്നുള്ള ആളൊഴിഞ്ഞ പ്രദേശത്ത് ബൈക്ക് നിര്‍ത്തുകയും യുവതിയെയും മക്കളെയും ഭീഷണിപ്പെടുത്തി ചുറ്റുമതില്‍ ഇല്ലാത്ത കിണറ്റിലേക്ക് തള്ളിയിടുകയായിരുന്നു.
സംഭവശേഷം യുവാവ് സ്ഥലത്ത് നിന്ന് രക്ഷപ്പെട്ടു. രക്ഷിക്കണമെന്ന് ആവശ്യപ്പെട്ട് യുവതി ബഹളം വെച്ചെങ്കിലും ആളൊഴിഞ്ഞ പ്രദേശമായിരുന്നതിനാല്‍ ആരും ശബ്ദം കേട്ടില്ല. യുവതി കിണറിന് മുകളില്‍ എത്തി സമീപവാസികളെ വിവരമറിയിച്ചതോടെയാണ് സംഭവം പുറത്തായത്. ഇളയ കുട്ടിയെ രക്ഷിക്കാന്‍ സാധിച്ചെങ്കിലും മൂത്ത കുട്ടി മരിച്ചിരുന്നു.
ആണ്‍കുട്ടി ഉണ്ടാകാത്തതിന്റെ പേരില്‍ ഭര്‍ത്താവ് പതിവായി ഉപദ്രവിക്കാറുണ്ടായിരുന്നുവെന്ന് യുവതി പോലീസിനോട് പറഞ്ഞു. മൂന്നാമതും പെണ്‍കുഞ്ഞ് ഉണ്ടായതോടെ ഉപദ്രവം വര്‍ധിച്ചു. സ്വന്തം വീട്ടിലേക്ക് പറഞ്ഞയക്കുകയും ചെയ്തു. ഇവിടെ നിന്ന് കൂട്ടിക്കൊണ്ട് പോകുന്നതിനിടെയാണ് കൊല്ലാന്‍ ശ്രമം നടന്നതെന്നും യുവതി പറഞ്ഞു. സംഭവം നടക്കുമ്പോള്‍ ദമ്പതികളുടെ മറ്റൊരു കുട്ടി വീട്ടിലായിരുന്നു.

Related Articles

Back to top button

Adblock Detected

Please consider supporting us by disabling your ad blocker