KERALALATESTUncategorized

ആരാധനാലയങ്ങള്‍ തുറക്കാന്‍ അനുമതിയില്ല; പ്രതിഷേധവുമായി എന്‍എസ്എസും മുസ്ലിം സംഘടനകളും

കൊച്ചി: ലോക്ക് ഡൗണ്‍ ഇളവുകള്‍ പ്രഖ്യാപിച്ചപ്പോള്‍ ആരാധനാലയങ്ങള്‍ തുറക്കാന്‍ അനുമതി നല്‍കാത്തതില്‍ പ്രതിഷേധവുമായി എന്‍എസ്എസും മുസ്ലിം സംഘടനകളും. ആരാധനാലയങ്ങള്‍ തുറക്കാന്‍ ഇനിയും അനുമതി നല്‍കാത്ത സര്‍ക്കാര്‍ നിലപാട് വിശ്വാസികളുടെ അവകാശത്തെ ചോദ്യം ചെയ്യുന്നതാണെന്ന് എന്‍എസ്എസ് പ്രസ്താവനയില്‍ പറഞ്ഞു.
മറ്റു മേഖലകള്‍ക്ക് ഇളവ് അനുവദിച്ചപ്പോള്‍ ആരാധനാലയങ്ങളെ അവഗണിച്ചുവെന്ന് ജമാഅത്തെ ഇസ്ലാമി അമീര്‍ എംകെ അബ്ദുള്‍ അസീസ് കുറ്റപ്പെടുത്തി. നിയന്ത്രണങ്ങളോടെയെങ്കിലും ആരാധനാലയങ്ങള്‍ തുറക്കാനുള്ള അനുമതി നല്‍കാത്തത് ഖേദകരമാണെന്ന് കെഎന്‍എം സംസ്ഥാന പ്രസിഡന്റ് അബ്ദുള്ളക്കോട മദനി പറഞ്ഞു. ഇകെ സുന്നി വിഭാഗവും പ്രതിഷേധവുമായി രംഗത്തുണ്ട്.
വെള്ളിയാഴ്ച ജുമാ നിസ്‌കാരത്തിന് 40 പേരെ പങ്കെടുക്കാന്‍ അനുവദിക്കണമെന്നാവശ്യപ്പെട്ട് കാന്തപുരം എപി അബൂബക്കര്‍ മുസ്ലിയാരും മറ്റ് എപി സുന്നി നേതാക്കളും മുഖ്യമന്ത്രിക്ക് കത്തു നല്‍കിയിരുന്നു.
അതേസമയം രോഗ്യവ്യാപന തോത് അനുസരിച്ച് തദ്ദേശ സ്ഥാപനങ്ങളെ നാല് സോണുകളായി തരംതിരിച്ചാണ് സര്‍ക്കാര്‍ നിയന്ത്രണം ഏര്‍പ്പെടുത്തിയിട്ടുള്ളത്. തുറക്കാവുന്ന സ്ഥാപനങ്ങളുടെ ലിസ്റ്റ് വിശദമായി നല്‍കിയിട്ടുണ്ട്. മദ്യശാലകള്‍ വരെ തുറക്കാനാണ് തീരുമാനം. ആരാധനാലയങ്ങളിലെ ദൈനംദിന പ്രവ!ര്‍ത്തനങ്ങള്‍ മുടങ്ങുന്നതും നിയന്ത്രിത തോതിലെങ്കിലും വിശ്വാസികളെ പ്രവേശിപ്പിക്കുന്ന കാര്യവും സര്‍ക്കാര്‍ പരിഗണിക്കണമെന്ന് എന്‍എസ്എസ് ആവശ്യപ്പെട്ടു.

Related Articles

Back to top button

Adblock Detected

Please consider supporting us by disabling your ad blocker