LATESTKERALA

എറണാകുളം ജില്ലയില്‍ പോളിംഗ് സാമഗ്രികളുടെ വിതരണം ആരംഭിച്ചു

കൊച്ചി: എറണാകുളം ജില്ലയില്‍ പോളിംഗ് സാമഗ്രികളുടെ വിതരണം ആരംഭിച്ചു. 28 കേന്ദ്രങ്ങളിലാണ് പോളിങ് സാമഗ്രികള്‍ വിതരണം ചെയ്യുന്നത്. 3132 ബൂത്തുകളാണ് എറണാകുളം ജില്ലയില്‍ ആകെ ഉള്ളത്. ഇതില്‍ കൊച്ചി കോര്‍പറേഷനില്‍ 327 ബൂത്തുകളിലും ഉള്ള പോളിംഗ് സാമഗ്രികള്‍ എറണാകുളം മഹാരാജാസ് കോളജിലെ ഓഡിറ്റോറിയത്തില്‍ നിന്നാണ് വിതരണം ചെയ്യുന്നത്. പലയിടങ്ങളിലും ഉദ്യോഗസ്ഥരുടെ വലിയ തിരക്കാണ് അനുഭവപ്പെടുന്നത്.

അതേസമയം ജില്ലയില്‍ നാളെ തദ്ദേശ തെരഞ്ഞെടുപ്പ് നടക്കാനിരിക്കെ തികഞ്ഞ ആത്മവിശ്വാസത്തിലാണ് മൂന്ന് മുന്നണികളും. ജില്ലയിലെ 3132 ബൂത്തുകളിലെയും വോട്ട് എണ്ണി കഴിയുമ്പോള്‍ ജില്ലയില്‍ തങ്ങള്‍ സമ്പൂര്‍ണ ആധിപത്യം ഉറപ്പിക്കും എന്നാണ് എല്‍ഡിഎഫും യുഡിഎഫും ഒരുപോലെ പറയുന്നത്. ഗ്ലാമര്‍ പോരാട്ടം നടക്കുന്ന കൊച്ചി കോര്‍പറേഷനില്‍ നിലമെച്ചപ്പെടുത്താന്‍ കഴിയുമെന്ന പ്രതീക്ഷയിലാണ് ബിജെപിയും.

Related Articles

Back to top button

Adblock Detected

Please consider supporting us by disabling your ad blocker