NRI

ഒമാനിൽ പൊതുസ്ഥലത്ത് മാസ്ക് ധരിച്ചില്ലെങ്കിൽ 20 റിയാൽ പിഴ

മസ്കത്ത് ∙ ഒമാനിൽ പൊതുസ്ഥലങ്ങളിലും വാണിജ്യ-വ്യാപാര കേന്ദ്രങ്ങളിലും മാസ്ക് ധരിച്ചില്ലെങ്കിൽ 20 റിയാൽ (3,900 രൂപയിലേറെ) പിഴ. വിവാഹ വിരുന്നുകളടക്കമുള്ള ഒത്തുചേരലുകൾ സംഘടിപ്പിക്കുന്നവർക്ക്  1,500 റിയാലും പങ്കെടുക്കുന്ന ഓരോരുത്തർക്കും 100 റിയാലും പിഴ ചുമത്തും.

നിരീക്ഷണം കൂടുതൽ ഊർജിതമാക്കാനും നടപടികൾ കർശനമാക്കാനും കോവിഡ് പ്രതിരോധ നടപടികളുടെ ചുമതലയുള്ള പരമോന്നത സമിതി തീരുമാനിച്ചു.

നിയമലംഘകർക്കു പിഴയ്ക്കു പുറമേ  മറ്റു നിയമനടപടികളും ഉണ്ടാകും. പൊലീസിന് സ്വകാര്യ സ്ഥാപനങ്ങളിലടക്കം പരിശോധന നടത്താൻ അനുവാദമുണ്ട്.

പിഴ തുക കോവിഡ് പ്രതിരോധത്തിനുള്ള പ്രത്യേക ഫണ്ടിലേക്കു വകയിരുത്തുമെന്നും വ്യക്തമാക്കി.

കുടുംബാംഗങ്ങളല്ലാത്ത അഞ്ചോ അതിലേറെയോ പേർ ഒത്തുകൂടിയാൽ നിയമലംഘനമായി കണക്കാക്കും. വ്യക്തികൾ തമ്മിൽ അകലം പാലിക്കാത്തതാണ് രോഗവ്യാപനത്തിനു കാരണം. 2 മീറ്റർ അകലം നിർബന്ധമായും പാലിക്കണം.

Tags

Related Articles

Leave a Reply

Your email address will not be published. Required fields are marked *

Back to top button
Close
Close