BREAKING NEWSKERALA

ഓപ്പറേഷന്‍ പി ഹണ്ട്: കുട്ടികളുടെ ലൈംഗികദൃശ്യങ്ങള്‍ പ്രചരിപ്പിച്ച 28 പേര്‍ അറസ്റ്റില്‍

തിരുവനന്തപുരം: കുട്ടികളുടെ അശ്ലീലചിത്രങ്ങള്‍ സമൂഹമാധ്യമങ്ങളിലൂടെ പ്രചരിപ്പിച്ചതിനു 28 പേരെ പോലീസ് അറസ്റ്റ് ചെയ്തു. ഓപ്പറേഷന്‍ പി ഹണ്ടിന്റെ ഭാഗമായി സംസ്ഥാനവ്യാപകമായി നടത്തിയ റെയ്ഡിലാണ് നിരവധി പേര്‍ പിടിയിലായത്. മൊബൈല്‍ ഫോണുകളും ലാപ്‌ടോപ്പുകളും അടക്കമുള്ള ഉപകരണങ്ങളും പോലീസ് പിടിചിച്ചെടുത്തു.
കഴിഞ്ഞ ദിവസം നടന്ന പരിശോധനയിലാണ് പ്രതികള്‍ പിടിയിലായതെന്നാണ് പോലീസ് ഫറയുന്നത്. ഒരേ സമയം, സംസ്ഥാനത്തെ 477 കേന്ദ്രങ്ങളില്‍ പരിശോധന നടത്തുകയായിരുന്നു. കുട്ടികള്‍ ഉള്‍പ്പെടുന്ന ലൈംഗികദൃശ്യങ്ങളുടെ ലിങ്കുകള്‍ പോലീസ് കണ്ടെത്തി. ഇത്തരം സൈറ്റുകളില്‍ പണം നല്‍കിയാണ് അശ്ലീലദൃശ്യങ്ങള്‍ കണ്ടിരുന്നതെന്നാണ് പോലീസ് പറയുന്നത്. തുടര്‍ന്ന് സംസ്ഥാനത്തിന്റെ വിവിധ ഭാഗങ്ങളില്‍ പരിശോധന നടത്തുകയും പ്രതികളെ പിടികൂടുകയുമായിരുന്നു. അതേസമയം, അറസ്റ്റിലായ പ്രതികളുടെ കൂടുതല്‍ വിശദാംശങ്ങള്‍ പുറത്തു വന്നിട്ടില്ല.
17 വയസ്സുള്ള ഒരു വിദ്യാര്‍ഥി അടക്കമുള്ളവരാണ് കേസില്‍ പിടിയിലായതെന്നാണ് പോലീസ് പറയുന്നത്. കൊല്ലം സ്വദേശിയായ ഇയാള്‍ മൂന്നാം തവണയാണ് സമാനമായ കേസില്‍ പിടിയിലാകുന്നത്. ഐടി ജീവനക്കാരും മൊബൈല്‍ കടയുടമകളും അടക്കമുള്ളവരാണ് അറസ്റ്റിലായതെന്ന് റിപ്പോര്‍ട്ടില്‍ പറയുന്നു. ക്യാമറകള്‍ വില്‍ക്കുന്ന കടകളുമായി ബന്ധപ്പെട്ടവരും അറസ്റ്റിലായിട്ടുണ്ട്. സമൂഹമാധ്യമങ്ങളില്‍ ഗ്രൂപ്പുകളുണ്ടാക്കിയാണ് ലിങ്കുകള്‍ പ്രചരിപ്പിച്ചിരുന്നത്. തെളിവുകള്‍ നശിപ്പിക്കാനായി പ്രതികല്‍ മൂന്നു ദിവസം കൂടുമ്പോള്‍ ഫോണുകള്‍ ഫോര്‍മാറ്റ് ചെയ്തിരുന്നതായും പോലീസ് കണ്ടെത്തിയിട്ടുണ്ട്. ഓപ്പറേഷന്‍ പി ഹണ്ട് വഴി ഇതുവരെ സംസ്ഥാനത്ത് 493 പേരെ പിടികൂടിയിട്ടുണ്ട്.

Related Articles

Back to top button

Adblock Detected

Please consider supporting us by disabling your ad blocker