BREAKING NEWSKERALA

കഥയുടെ സുല്‍ത്താന് പ്രണാമം അര്‍പ്പിച്ച് മുകേഷ്; പോസ്റ്റിനടിയില്‍ ‘പൊങ്കാല’

കൊല്ലം: മലയാളത്തിന്റെ പ്രിയ എഴുത്തുകാരന്‍ വൈക്കം മുഹമ്മദ്ദ് ബഷീറിന്റെ ഓര്‍മ്മ ദിവസമായ ഇന്ന് അദ്ദേഹത്തിന്റെ കഥ വായിച്ച് നടനും, കൊല്ലം എം എല്‍ എയുമായ മുകേഷ് ഫേസ്ബുക്കില്‍ പോസ്റ്റ് ചെയ്തിരുന്നു. ആനവാരിയും പൊന്‍കുരിശും എന്ന പ്രസിദ്ധമായ കഥയാണ് മുകേഷ് വീഡിയോയിലൂടെ വായിച്ച് അവതരിപ്പിക്കുന്നത്.
എന്നാല്‍ വിദ്യാര്‍ത്ഥിയോട് കഴിഞ്ഞ ദിവസം മോശമായി പെരുമാറിയെന്ന വിവാദത്തില്‍ അകപ്പെട്ടിരിക്കുന്ന മുകേഷിന്റെ പോസ്റ്റിന്റെ താഴെ അസഭ്യ വര്‍ഷമാണ് കമന്റുകളായി വന്നുകൊണ്ടിരിക്കുന്നത്.
മുകേഷിനെ എല്ലാ വിധത്തിലും അധിക്ഷേപിച്ചുകൊണ്ടുള്ള കമന്റുകളാണ് വന്നുകൊണ്ടിരിക്കുന്നത്. മഹാ സാഹിത്യ പ്രതിഭയുടെ ഓര്‍മ്മ ദിവസം ഇങ്ങനെ ഒരു വീഡിയോ ഇടാനും വിവാദ വിഷയങ്ങള്‍ ചര്‍ച്ച ആയതും തിരിച്ചടി ആയിരിക്കുകയാണ് മുകേഷിന്. എംഎല്‍എയെ അനുകൂലിച്ചും കമന്റുകള്‍ രേഖപ്പെടുത്തുന്നുണ്ട്.
ഫോണ്‍ വിളി പണ്ടേ മുകേഷ് എംഎല്‍ എയ്ക്ക് കുരുക്കാണ്. അദ്ദേഹത്തിന്റെ സമയവും സൗകര്യവും നോക്കി വിളക്കാത്തവര്‍ ആരായാലും ആ നാക്കില്‍ നിന്നു നല്ലതു കേള്‍ക്കേണ്ടിവരും. പാതിരാത്രിയില്‍ ഫോണ്‍ വിളിച്ച ആരാധകനെ എംഎല്‍എ അന്തസ്സ് പഠിപ്പിച്ച സംഭവം ആരും മറന്നിട്ടുണ്ടാവില്ല. മൂഡ് അറിഞ്ഞു വേണം കൊല്ലം എം എല്‍ എയെ വിളിക്കാന്‍.
സഹായമഭ്യര്‍ത്ഥിച്ച് വിളിച്ച പത്താം ക്ലാസ് വിദ്യാര്‍ത്ഥിയോട് അപമര്യാദയായി പെരുമാറിയ എം മുകേഷ് എംഎല്‍എക്കെതിരെ ദേശീയ ബാലാവകാശ കമ്മീഷനിലും സംസ്ഥാന ബാലാവകാശ കമ്മീഷനിലും പരാതി നല്‍കുകയാണ് യൂത്ത് കോണ്‍ഗ്രസ്. സംഘടനയുടെ അഖിലേന്ത്യാ കോര്‍ഡിനേറ്റര്‍ ജെ.എസ് അഖിലാണ് പരാതി നല്‍കുന്നത്.
ഭരണഘടനയുടെ അനുഛേദം 188ാം വകുപ്പനുസരിച്ച് ഗുരുതരമായ സത്യപ്രതിജ്ഞാ ലംഘനമാണ് എംഎല്‍എയുടെ ഭാഗത്തുനിന്ന് ഉണ്ടായതെന്ന് പരാതിയില്‍ ചൂണ്ടിക്കാട്ടുന്നു. അത്യാവശ്യ കാര്യത്തിനാണ് വിളിക്കുന്നതെന്ന് നിരവധി തവണ പറഞ്ഞിട്ടും അത് എന്താണെന്ന് കേള്‍ക്കാനോ ചോദിക്കാനോ തയ്യാറാകാതെ വിദ്യാര്‍ത്ഥിയെ പലതവണ എംഎല്‍എ അപമാനിച്ചു. ഇതോടെ വിദ്യാര്‍ഥി എത്രമാത്രം മാനസിക സംഘര്‍ഷത്തിലായെന്ന് ഫോണ്‍ സംഭാഷണത്തിലൂടെ വ്യക്തമാണെന്നും പരാതിയില്‍ പറയുന്നു.

https://www.facebook.com/mukeshcineactor/videos/841213560135127/

Related Articles

Back to top button

Adblock Detected

Please consider supporting us by disabling your ad blocker