LATESTKERALA

കവിതയും ഉദ്ധരണികളും ഇല്ലാതെ ഒരു മണിക്കൂറില്‍ കന്നി ബജറ്റ് അവതരിപ്പിച്ച് കെ.എന്‍ ബാലഗോപാല്‍

തിരുവനന്തപുരം: കവിതാശകലങ്ങളുടെ മേമ്പൊടിയോ മഹാരഥന്മാരുടെ ഉദ്ധരണികളോ ഇല്ലാതെ ഒരു മണിക്കൂറില്‍ കന്നി ബജറ്റ് അവതരിപ്പിച്ച് ധനമന്ത്രി കെ.എന്‍.ബാലഗോപാല്‍. രാവിലെ ഒമ്പതിന് തുടങ്ങി കൃത്യം പത്ത് മണിക്ക് ബജറ്റ് അവതരണം പൂര്‍ത്തിയാക്കി പിരിഞ്ഞു. ഏറ്റവും ദൈര്‍ഘ്യം കുറഞ്ഞ ബജറ്റ് അവതരണങ്ങളില്‍ ഒന്നായി ബാലഗോപാലിന്റെ കന്നി ബജറ്റ്.

നാടകീയ പ്രഖ്യാപനങ്ങളൊന്നും മുമ്പോട്ടുവയ്ക്കാത്ത ബജറ്റില്‍ പുതിയ നികുതി നിര്‍ദേശങ്ങളൊന്നും ഉള്‍പ്പെട്ടിട്ടില്ല. കൊവിഡ് പ്രതിരോധത്തിലൂന്നിയാണ് ബാലഗോപാല്‍ 16,910.12 കോടി ധനകമ്മിയുള്ള ബജറ്റ് അവതരിപ്പിച്ചത്. കൊവിഡ് പ്രതിസന്ധി നേരിടാന്‍ ഇരുപതിനായിരം കോടി രൂപയുടെ പാക്കേജാണ് ശ്രദ്ധേമായ പ്രഖ്യാപനം.

മുന്‍ഗാമിയായ തോമസ് ഐസക്കിന്റെ ബജറ്റ് അവതരണം അതിലെ കവിതാശകലങ്ങളും ഉദ്ധരണികളാലും സമ്പന്നമായിരുന്നു. എന്നാല്‍ തികഞ്ഞ യാഥാര്‍ഥ്യബോധത്തോടെയും കൊവിഡിന്റെ വെല്ലുവിളി അതിജീവിക്കാന്‍ ഉതകുന്ന പ്രഖ്യാപനങ്ങള്‍ക്കുമാണ് ബാലഗോപാല്‍ അവതരിപ്പിച്ച ബജറ്റ് ഊന്നല്‍ നല്‍കിയത്.

Related Articles

Back to top button