BREAKING NEWSGULFLATESTNRIWORLD

കഷണ്ടി മറച്ചുവച്ചു വിവാഹം; രണ്ടാം നാള്‍ വിവാഹ മോചനം തേടി സൗദി യുവതി

റിയാദ്: കഷണ്ടിയുള്ള വിവരം വിവാഹത്തിനു മുമ്പ് മറച്ചുവച്ച ഭര്‍ത്താവിനെ തനിക്ക് വേണ്ടെന്ന് സൗദി യുവതി. കഷണ്ടിക്കാരനായ യുവാവില്‍ നിന്ന് വിവാഹ മോചനം തേടി കോടതിയില്‍ നല്‍കിയ അപേക്ഷയിലാണ് യുവതി ഇക്കാര്യം വ്യക്തമാക്കിയിരിക്കുന്നത്. വിവാഹം കഴിഞ്ഞതിന്റെ രണ്ടാം ദിവസമാണ് കഷണ്ടിക്കാരനായ ഭര്‍ത്താവിന്റെ കൂടെ ജീവിക്കാന്‍ താല്‍പര്യമില്ലെന്നും കാണിച്ച് യുവതി കോടതിയെ സമീപിച്ചിരിക്കുന്നത്.
കഷണ്ടിയുണ്ടെന്ന വിവരം വിവാഹത്തിന് മുമ്പ് ഭര്‍ത്താവ് തന്നില്‍ നിന്ന് മറച്ചുവെച്ചെന്ന് യുവതി പരിതായില്‍ പറയുന്നു. വിവാഹ നിശ്ചയ വേളയിലും വിവാഹ ദിവസവുമെല്ലാം സൗദിയിലെ പരമ്പരാഗത ശിരോവസ്ത്രം ധരിച്ചിരുന്നതിനാല്‍ ഭര്‍ത്താവിന് കഷണ്ടിയുണ്ടെന്ന് അറിഞ്ഞിരുന്നില്ല. ഇദ്ദേഹമാവട്ടെ തനിക്ക് കഷണ്ടിയുണ്ടെന്ന കാര്യം തന്നോട് പറഞ്ഞുമില്ല. അതൊരു വലിയ രഹസ്യമായി അദ്ദേഹം കാത്തുസൂക്ഷിക്കുകയായിരുന്നുവെന്നും യുവതി പരാതിയില്‍ വ്യക്തമാക്കി.
വിവാഹത്തിന് മുമ്പ് തല പൂര്‍ണമായും മറയ്ക്കുന്ന രീതിയില്‍ വസ്ത്രം ധരിച്ചിരുന്നതിനാല്‍ ഭര്‍ത്താവിന് കഷണ്ടിയുണ്ടെന്ന് താന്‍ അറിഞ്ഞിരുന്നില്ല. എന്നാല്‍ വിവാഹ ശേഷം രണ്ടാം ദിവസമാണ് ഭര്‍ത്താവിന് തലമുടി തീരെ ഇല്ലെന്നും പൂര്‍ണ കഷണ്ടിയാണെന്നും താന്‍ തിരിച്ചറിഞ്ഞത്. ഇത് തന്നില്‍ വലിയ അമ്പരപ്പുണ്ടാക്കി. തന്നില്‍ നിന്നും ഇക്കാര്യം മറച്ചുവെച്ച് ഭര്‍ത്താവ് വഞ്ചിക്കുകയായിരുന്നുവെന്ന തോന്നലാണ് അപ്പോള്‍ ഉണ്ടായത്. സുഹൃത്തുക്കളുടെയും ബന്ധുക്കളുടെയും മുമ്പില്‍ താന്‍ അപമാനിതയായി. തങ്ങളുടെ മക്കള്‍ക്കും കഷണ്ടി ഉണ്ടാകുമോയെന്ന് ആശങ്കയുണ്ട്. ഇനി അദ്ദേഹത്തിനൊപ്പം ജീവിതം മുന്നോട്ടുകൊണ്ടുപോവാന്‍ ഒരു കാരണവശാലും കഴിയില്ലെന്നും യുവതി കോടതിയില്‍ വ്യക്തമാക്കി.
എന്നാല്‍ സൗദി നിയമപ്രകാരം കോടതി നടപടിയുടെ ഭാഗമായി നടത്തിയ കൗണ്‍സിലിംഗില്‍ യുവതിയെ പരാതിയില്‍ നിന്ന് പിന്‍മാറാന്‍ക്കാന്‍ പ്രേരിപ്പിച്ചെങ്കിലും കൂട്ടാക്കിയില്ല. ഇരുവര്‍ക്കും രണ്ടാം റൗണ്ട് കൗണ്‍സിലിംഗിന് ഹാജരാകാനുള്ള തീയതി നല്‍കിയിരിക്കുകയാണ് കോടതി.

Related Articles

Back to top button

Adblock Detected

Please consider supporting us by disabling your ad blocker