BREAKING NEWSWORLD

കൂട്ടുകാരികള്‍ നാല്‍വരും ഒരേ സമയം ഗര്‍ഭിണിയായി, അതും രണ്ട് വട്ടം; അനുഭവം പറഞ്ഞ് യുവതി

ന്യൂ യോര്‍ക്ക്: ഒരേ പ്രായക്കാരായ സുഹൃത്തുക്കള്‍ ഒരേ കാലത്ത് വിവാഹം ചെയ്യുന്നതും കുഞ്ഞിനെ ഗര്‍ഭം ധരിക്കുന്നതും ഒന്നും അത്ര പുതിയ വാര്‍ത്തയല്ല. നമ്മുടെ പരിചയത്തില്‍ തന്നെ പലരും അങ്ങനെയുണ്ടാകും. എന്നാല്‍ ഉറ്റ ചങ്ങാതിമാരായ നാല് യുവതികള്‍ ഓരേ സമയം ഗര്‍ഭിണിയായ കഥ കേട്ടിട്ടുണ്ടോ? അതും ഒരിക്കലല്ല, രണ്ട് വട്ടം. ആ അനുഭവം തുറന്നു പറയുകയാണ് ടിക് ടോക് താരവും ഇന്‍ഫ്‌ലൂവെന്‍സറഉമായ മാഡി കാസ്റ്റലേനോ.
മാഡിയും മൂന്ന് കൂട്ടുകാരികളും ഒരേ സമയം ഗര്‍ഭിണിയായെന്ന് അറിയിച്ച മാഡി ഇന്‍സ്റ്റഗ്രാമിലൂടെയാണ് വീഡിയോ പങ്കുവെച്ചത്. ആദ്യ തവണ ഇങ്ങനെ സംഭവിച്ചെങ്കിലും രണ്ടാം വട്ടവും ഒരേ സമയത്തുള്ള ഗര്‍ഭധാരണം നടന്നതോടെ വീഡിയോ വൈറലാകുകയായിരുന്നു. കൂട്ടുകാരികളായ റാന്‍ഡി പാര്‍ക്‌സ്, ബ്രിട്‌നി കെന്റ്, ലോ ബീസ്റ്റണ്‍ എന്നിവര്‍ക്കൊപ്പമുള്ള ചിത്രമാണ് മാഡി പങ്കുവെച്ചതെന്ന് ന്യൂ യോര്‍ക്ക് പോസ്റ്റ് റിപ്പോര്‍ട്ട് ചെയ്യുന്നു.
ഒരേ സമയത്ത് തന്നെ താനും സുഹൃത്തുക്കളും എങ്ങനെയാണ് ഗര്‍ഭിണിയായതെന്ന കാര്യം ചിലര്‍ക്കെങ്കിലും അറിയാമായിരിക്കും എന്നു പറഞ്ഞു കൊണ്ടാണ് മാഡി വീഡിയോയും ചിത്രങ്ങളും പങ്കുവെച്ചിട്ടുള്ളത്. ആഴ്ചകളുടെ മാത്രം വ്യത്യാസത്തിലാണ് തങ്ങളുടെ കുഞ്ഞുങ്ങള്‍ പിറന്നതെന്നും ഗര്‍ഭകാലം മുതല്‍ തന്നെ അവര്‍ സുഹൃത്തുക്കളായിരുന്നുവെന്നും മാഡി കുറിച്ചു. എന്നാല്‍ അത്ഭുതങ്ങള്‍ അതു കൊണ്ടും തീര്‍ന്നില്ല.
ഞങ്ങള്‍ വീണ്ടും ഗര്‍ഭിണികളാണെന്നും ഏതാനും മാസത്തിനുള്ളില്‍ രണ്ടാമത്തെ കുഞ്ഞുങ്ങള്‍ക്ക് ജന്മം നല്‍കുമെന്നും ഒരു വര്‍ഷത്തിനു ശേഷം തന്നെ തങ്ങള്‍ കണ്ടെത്തിയെന്ന് മാഡി പറഞ്ഞു. തങ്ങളുടെ കുഞ്ഞുങ്ങളെല്ലാം ജീവിതകാലം മുഴുവന്‍ സുഹൃത്തുക്കലായിരിക്കുമെന്നും മാഡി കൂട്ടി്‌ചേര്‍ത്തു. കൂട്ടുകാരികളായ നാലു പേരും അവരുടെ കുഞ്ഞുങ്ങളുമൊത്തുള്ള ചിത്രങ്ങളും മാഡി പങ്കുവെച്ചിട്ടുണ്ട്.
വീഡിയോ പങ്കുവെച്ചത് 2021 ഓഗസ്റ്റിലാണെങ്കിലും ഇപ്പോഴാണ് ഇത് വൈറലാകുന്നത്. ഇതിനോടകം തന്നെ 7.5 മില്യണ്‍ വ്യൂവും ആയിരക്കണക്കിന് കമന്റുകളുമാണ് ഈ വീഡിയോ നേടിയത്. അവിചാരിതമായി ഉണ്ടായ സംഭവമാണെങ്കിലും ക്യൂട്ട് ആണെന്നാണ് പല പ്രതികരണങ്ങളും. നാലുപേരും തമ്മില്‍ വളരെ അടുപ്പത്തിലാണെന്നും അവരുടെ ആര്‍ത്തവമല്ല, ഗര്‍ഭമാണ് ഒരേ താളത്തില്‍ ആയതെന്നുമാണ് ഒരാളുടെ കമന്റ്.
അതേസമയം, കുട്ടികളെ ഇവര്‍ക്ക് പരസ്പരം മാറിപ്പോകില്ലേ എന്നാണ് ഒരാളുടെ ചോദ്യം. കുഞ്ഞുങ്ങളില്‍ രണ്ട് പേര്‍ ആണ്‍കുട്ടികളും രണ്ട് പേര്‍ പെണ്‍കുട്ടികളുമാണ് എന്നതും അതിശയിപ്പിക്കുന്നതാണെന്നും മറ്റൊരാള്‍ പറഞ്ഞു. എന്നാല്‍ ഇത് തന്റെയും സുഹൃത്തുക്കളുടെയും സ്വപ്നമാണെന്നാണ് മറ്റൊരു യുവതി പറഞ്ഞത്.

Related Articles

Back to top button

Adblock Detected

Please consider supporting us by disabling your ad blocker