BREAKING NEWSKERALA

കേരളത്തിന് തമിഴ്‌നാടിന്റെ കത്ത്; മുല്ലപ്പെരിയാര്‍ അണക്കെട്ടിന് ബലക്ഷയമില്ല

തിരുവനന്തപുരം: മുല്ലപ്പെരിയാര്‍ ഡാമിന് ബലക്ഷയമില്ലെന്ന് തമിഴ്‌നാട്. ഇക്കാര്യം ചൂണ്ടിക്കാട്ടി തമിഴ്‌നാട് വീണ്ടും കേരളത്തിന് കത്ത് നല്‍കി. ഘടനാപരമായോ ഭൂമിശാസ്ത്രപരമായോ ഡാമിന് ബലക്ഷയമില്ലെന്നും സുപ്രീം കോടതിയുടെ നിര്‍ദ്ദേശങ്ങള്‍ കര്‍ശനമായി നടപ്പാക്കിയിട്ടുണ്ടെന്നും തമിഴ്‌നാട് അറിയിച്ചു.
മുല്ലപ്പെരിയാര്‍ അണക്കെട്ടുമായി ബന്ധപ്പെട്ട പുതിയ വിശദാംശങ്ങള്‍ അടങ്ങിയ കത്താണ് തമിഴ്‌നാട് കേരളത്തിന് നല്‍കിയിരിക്കുന്നത്. കേരള ചീഫ് സെക്രട്ടറി വി.പി.ജോയിക്ക് തമിഴ്‌നാട് ചീഫ് സെക്രട്ടറി വി.ഇരൈഅന്‍പാണ് കത്തയച്ചത്. റൂള്‍ കര്‍വ് അനുസരിച്ചുള്ള വെള്ളം മാത്രമേ സംഭരിക്കുകയുള്ളൂവെന്നും ഡാമിന്റെ താഴെ താമസിക്കുന്നവര്‍ ആശങ്കപ്പെടേണ്ടതില്ലെന്നും തമിഴ്‌നാട് അറിയിച്ചു.
റൂള്‍ കര്‍വ്വ് അനുസരിച്ച് ഈ മാസം 20 വരെ ഡാമിലെ ജലനിരപ്പ് 141 അടിയാക്കി നിലനിര്‍ത്താന്‍ തമിഴ്‌നാടിന് സുപ്രീം കോടതി നിര്‍ദ്ദേശം നല്‍കിയിരുന്നു. നിലവില്‍ 140.60 അടിയാണ് ഡാമിലെ ജലനിരപ്പ്. സെക്കന്‍ഡില്‍ 23,000 ഘനയടി വെള്ളം തമിഴ്‌നാട് വൈഗ അണക്കെട്ടിലേക്ക് കൊണ്ടുപോകുന്നുണ്ട്.

Related Articles

Back to top button

Adblock Detected

Please consider supporting us by disabling your ad blocker