BREAKING NEWSKERALANEWS

കേരളത്തിന് മുന്നറിയിപ്പ്; പ്രളയം ഈ വര്‍ഷവും ആവര്‍ത്തിക്കും

തിരുവനന്തപുരം: 2020 ലും കേരളത്തില്‍ പ്രളയം. കഴിഞ്ഞ രണ്ട് വര്‍ഷങ്ങളിലേതിന് സമാനമായ പ്രളയം ഈ വര്‍ഷവും ഉണ്ടാകുമെന്നാണ് ദേശീയ ജല കമ്മീഷന്റെ മുന്നറിയിപ്പ്. 2018, 2019 വര്‍ഷങ്ങളില്‍ കേരളത്തിലെ പ്രളയത്തില്‍ വന്‍ നാശനഷ്ടങ്ങളാണ് ഉണ്ടായത്. കേരളം ഉള്‍പ്പെടെ ആറ് സംസ്ഥാനങ്ങള്‍ക്കാണ് മുന്നറിയിപ്പ് നല്‍കിയിരിക്കുന്നത്. അതേസമയം, സംസ്ഥാനത്ത് ചൊവ്വാഴ്ച വരെ കനത്ത മഴ തുടരുമെന്ന് കാലാവസ്ഥാ വകുപ്പ് മുന്നറിയിപ്പ് നല്‍കിയിരിക്കെ രണ്ടാമതൊരു ന്യൂനമര്‍ദം ബംഗാള്‍ ഉള്‍ക്കടലില്‍ രൂപം കൊള്ളുമെന്ന് റിപ്പോര്‍ട്ടുകള്‍.
സംസ്ഥാനത്ത് കനത്ത മഴ തുടരുന്ന സാഹചര്യത്തില്‍ ഇടുക്കി, ഇടമലയാര്‍ ഡാമുകളില്‍ വന്‍ തോതില്‍ ജലനിരപ്പ് ഉയരാന്‍ സാധ്യത ഉണ്ട്. ഈ പശ്ചാത്തലത്തിലാണ് വീണ്ടും ഒരു പ്രളയ സാധ്യതയ്ക്കുള്ള മുന്നറിയിപ്പ് നല്‍കിയിരിക്കുന്നത്. പാലക്കാട് ഭവാനിയില്‍ ജലനിരപ്പ് അപകടകരമാം വിധം ഉയരാന്‍ സാധ്യത ഉണ്ടെന്നും ദേശീയ ജല കമ്മീഷന്‍ പുറത്തിറക്കിയ പ്രത്യേക ഫഌ് അഡൈ്വസറിയില്‍ പറയുന്നു.
കേരളം ഉള്‍പ്പെടെയുള്ള ആറ് സംസ്ഥാനങ്ങള്‍ക്ക് പ്രളയ സാധ്യത മുന്നറിയിപ്പ് നല്‍കി ദേശീയ ജല കമ്മീഷന്‍. നാല് ദിവസം കൂടി മഴ തുടരുമെന്നതിനാല്‍ ജാഗ്രത പാലിക്കണമെന്നും നിര്‍ദേശമുണ്ട്. കേരളത്തില്‍ പെരിയാര്‍ തടത്തില്‍ ശക്തമായി മഴ ലഭിക്കും. 2018 ലും 2019 ലും ഓഗസ്റ്റ് മാസത്തിലാണ് പ്രളയം ഉണ്ടായിട്ടുള്ളത്. ശരാശരിയേക്കാള്‍ അധികമഴ ലഭിച്ചതിനാല്‍ രണ്ടു വര്‍ഷവും സംസ്ഥാനത്ത് പ്രളയം ഉണ്ടായി.
കേരളം ഉള്‍പ്പെടെ ആറ് സംസ്ഥാനങ്ങള്‍ക്കാണ് ദേശീയ ജല കമ്മീഷന്‍ പ്രളയ സാധ്യതാ മുന്നറിയിപ്പ് നല്‍കിയിരിക്കുന്നത്. മഹാരാഷ്ട്ര, ഗുജറാത്ത്, ഗോവ, കര്‍ണാടക, തമിഴ്‌നാട് എന്നീ സംസ്ഥാനങ്ങളാണ് മുന്നറിയിപ്പ് ലഭിച്ച മറ്റ് സംസ്ഥാനങ്ങള്‍. തമിഴ്‌നാട്ടിലെ നീലഗിരി ജില്ലയില്‍ ശക്തമായ മഴ തുടരുന്നതിനാല്‍ പാലക്കാട് ജില്ലയിലെ ഭവാനി നദിയില്‍ ജലനിരപ്പ് അപകടകരമാം വിധം ഉയരും. കര്‍ണാടകയില്‍ മഴ തീവ്രമായ സാഹചര്യത്തില്‍ വയനാട്ടിലെ കബനി നദിയിലും ജലനിരപ്പ് ഉയരാന്‍ സാധ്യതയുണ്ട്.
ഓഗസ്റ്റ് മാസത്തിന്റെ തുടക്കത്തില്‍ രൂപംകൊണ്ട ന്യൂനമര്‍ദത്തിനു പിന്നാലെ രണ്ടാമതൊരു ന്യൂനമര്‍ദവും രൂപപ്പെടാന്‍ സാധ്യത ഉള്ളതായി കേന്ദ്ര കാലാവസ്ഥാ വകുപ്പ് അറിയിച്ചു. പടിഞ്ഞാറന്‍ ബംഗാള്‍ ഉള്‍ക്കടലില്‍ രൂപപ്പെട്ട ന്യൂനമര്‍ദം മധ്യ ഇന്ത്യയിലേക്ക് നീങ്ങുകയാണ്. രണ്ട് ദിവസത്തിനുള്ളില്‍ ദുര്‍ബലമാകും. ഓഗസ്റ്റ് ഒമ്പതോടെ ബംഗാള്‍ ഉള്‍ക്കടലില്‍ രണ്ടാം ന്യൂനമര്‍ദം രൂപപ്പെടാന്‍ സാധ്യതയുണ്ട്.
അടുത്ത അഞ്ച് ദിവസവും കേരളത്തില്‍ കനത്ത മഴ ലഭിക്കും. മധ്യ കേരളത്തിലും വടക്കന്‍ കേരളത്തിലും ശക്തമായ മഴ പെയ്യും. ചില ജില്ലകളില്‍ അതിതീവ്ര മഴയ്ക്ക് സാധ്യതയുണ്ടെന്ന് മുന്നറിയിപ്പ് നല്‍കി. ശക്തമായ മഴ തുടരുന്ന ഇടുക്കി, വയനാട് ജില്ലകളിലെ ദുരന്ത സാധ്യതാ മേഖലകളില്‍ താമസിക്കുന്നവരെ മുന്‍കരുതലിന്റെ ഭാഗമായി ക്യാംപുകളിലേക്ക് മാറ്റാന്‍ സംസ്ഥാന ദുരന്തനിവാരണ അതോറിറ്റി നിര്‍ദേശം നല്‍കി.

Tags

Related Articles

Back to top button
Close