LATESTKERALA

കൊടകര കുഴൽപ്പണക്കേസ്; ബിജെപി മധ്യമേഖല സംഘടന സെക്രട്ടറിയെ ചോദ്യം ചെയ്ത് വിട്ടയച്ചു

കൊടകര കുഴൽപ്പണക്കേസിൽ ബിജെപി മധ്യമേഖല സംഘടന സെക്രട്ടറി എല്‍. പത്മകുമാറിനെ ചോദ്യം ചെയ്ത് വിട്ടയച്ചു. ധർമരാജന്റെ മൊഴിയുടെ അടിസ്ഥാനത്തിലാണ് ആർഎസ്എസ് നേതാവുകൂടിയായ എൽ പത്മകുമാറിനെ ചോദ്യം ചെയ്തത്. തൃശൂർ പൊലീസ് ക്ലബ്ബിലെ രണ്ട് മണിക്കൂർ ചോദ്യം ചെയ്യലിന് ശേഷം പുറത്തിറങ്ങിയ പത്മകുമാർ മാധ്യമങ്ങളോട് പ്രതികരിക്കാൻ തയ്യാറായില്ല.

നിലവിൽ ചോദ്യം ചെയ്ത് വിട്ടയച്ച ബിജെപി നേതാക്കളുടെ മൊഴികൾ അന്വേഷണസംഘം വിശ്വാസത്തിലെടുത്തിട്ടില്ല. ധർമരാജൻ നൽകിയ മൊഴിയും നേതാക്കളുടെ മൊഴികളും തമ്മിൽ പൊരുത്ത ക്കേടുകൾ ഉണ്ട്. മൊഴികളിലെ വൈരുധ്യമുൾപ്പടെ പരിശോധിക്കാൻ കൂടുതൽ ബിജെപി നേതാക്കളെ വിളിച്ചു വരുത്തി ചോദ്യം ചെയ്യുമെന്ന സൂചനകളാണ് അന്വേഷണസംഘത്തിൽ നിന്നും ലഭിക്കുന്നത്.

 

Related Articles

Back to top button

Adblock Detected

Please consider supporting us by disabling your ad blocker