തിരുവനന്തപുരം: നെടുമങ്ങാട് സ്റ്റാമ്പര് അനീഷ് എന്ന കുപ്രസിദ്ധ ഗുണ്ടയുടെ ആക്രമണത്തില് പൊലീസുകാര്ക്ക് പരിക്ക്. സിഐ, എസ്ഐ ഉള്പ്പെടെയുള്ള പൊലീസുകാര്ക്കാണ് പരിക്കേറ്റത്. അനീഷിന്റെ സഹോദരിയുടെ മകന്റെ പിറന്നാള് ആഘോഷങ്ങളുടെ ഭാഗമായി 20 ഓളം കുപ്രസിദ്ധ ഗുണ്ടകളെ ഉള്പ്പെടുത്തി ഇന്ന് പാര്ട്ടി നടത്തിയിരുന്നു. പിറന്നാള് പാര്ട്ടി പൊലീസ് ഇന്നലെ തന്നെ വിലക്കിയതാണ്. പിറന്നാള് ആഘോഷങ്ങള് നടക്കുന്നത് അറിഞ്ഞ് സ്ഥലത്തെത്തിയ പൊലീസിനെ ഗുണ്ടകള് ആക്രമിക്കുകയായിരുന്നു. പൊലീസുകാരുടെ പരിക്ക് ഗുരുതരമല്ല. സ്റ്റാമ്പര് അനീഷ് ഉള്പ്പെടെ എട്ടു പേരെ പൊലീസ് കസ്റ്റഡിയിലെടുത്തു.
63 Less than a minute