LATESTNATIONAL

ഗോവയില്‍ പെണ്‍വാണിഭ സംഘം പിടിയില്‍; ടെലിവിഷന്‍ നടി ഉള്‍പ്പെടെ മൂന്നു യുവതികളെ രക്ഷപ്പെടുത്തി

പനജി: ഗോവയില്‍ പെണ്‍വാണിഭ സംഘത്തിന്റെ പിടിയില്‍നിന്ന് ടെലിവിഷന്‍ നടി ഉള്‍പെടെയുള്ള മൂന്നുപേരെ രക്ഷപ്പെടുത്തി. പനജിക്ക് സമീപമുള്ള സങ്കോള്‍ഡ ഗ്രാമത്തിലാണ് പെണ്‍വാണിഭ സംഘം പിടിയിലായത്. സംഭവത്തില്‍ ഹൈദരാബാദ് സ്വദേശിയായ ഒരാളെ ഗോവ ക്രൈംബ്രാഞ്ച് അറസ്റ്റ് ചെയ്തു.
ക്രൈംബ്രാഞ്ചിന്റെ രഹസ്യനീക്കത്തില്‍ 26കാരനായ ഹാഫിസ് സയിദ് ബിലാലാണ് അറസ്റ്റിലായത്. അന്വേഷണ സംഘം രക്ഷപ്പെടുത്തിയ സ്ത്രീകളില്‍ ടെലിവിഷന്‍ നടി ഉള്‍പ്പെടെ രണ്ടുപേര്‍ മുംബൈയ്ക്ക് സമീപമുള്ള വിരാര്‍ സ്വദേശിനികളാണ്. മറ്റൊരാള്‍ ഹൈദരാബാദ് സ്വദേശിനിയാണെന്നും ക്രൈംബ്രാഞ്ച് പുറത്തിറക്കിയ വാര്‍ത്താ കുറിപ്പില്‍ പറയുന്നു. 30-37 വയസിന് ഇടയില്‍ പ്രായമുള്ളവരാണ് രക്ഷപ്പെട്ട മൂന്നുപേരും.
പെണ്‍വാണിഭം സംബന്ധിച്ച് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ വ്യാഴാഴ്ച അന്വേഷണ സംഘം ഒരുക്കിയ കെണിയിലാണ് പ്രതി പിടിയിലായത്. ഇടപാടുകാരനാണെന്ന വ്യാജേന ഫോണില്‍ ബന്ധപ്പെട്ട് 50,000 രൂപയ്ക്ക് കരാര്‍ ഉറപ്പിച്ചതിന് പിന്നാലെ മൂന്ന് സ്ത്രീകളെയുമായി എത്തിയപ്പോഴാണ് പ്രതിയെ പിടികൂടിയതെന്നും ക്രൈംബ്രാഞ്ച് വ്യക്തമാക്കി.

Related Articles

Back to top button

Adblock Detected

Please consider supporting us by disabling your ad blocker