LATESTKERALALOCAL NEWS

ചെങ്ങന്നൂരില്‍ തന്നെ ഒഴിവാക്കിയത് ബോധപൂര്‍വം: ബിജെപി നേതൃത്വത്തിന് എതിരെ ആര്‍ ബാലശങ്കര്‍

ബിജെപി സംസ്ഥാന നേതൃത്വത്തെ രൂക്ഷമായി വിമര്‍ശിച്ച് മുതിര്‍ന്ന നേതാവ് ആര്‍ ബാലശങ്കര്‍. ചെങ്ങന്നൂരില്‍ നിന്ന് തന്നെ ബോധപൂര്‍വമാണ് ഒഴിവാക്കിയത്. ജയസാധ്യതയുള്ള മണ്ഡലമാണ് ചെങ്ങന്നൂര്‍. സീറ്റ് നിഷേധിച്ചത് ബിജെപി- സിപിഐഎം ധാരണയെ തുടര്‍ന്നാണ്. സംസ്ഥാന നേതൃത്വത്തില്‍ ജനാധിപത്യമില്ലെന്നും ആര്‍ ബാലശങ്കര്‍ പറഞ്ഞു. നേതൃത്വത്തിന് മാഫിയ സ്വഭാവമാണെന്നും അദ്ദേഹം ആരോപിച്ചു.

ആറന്മുളയിലും ചെങ്ങന്നൂരിലും സിപിഐഎം വിജയം ഉറപ്പാക്കുന്നതിനുള്ള പ്രത്യുപകാരം കോന്നിയില്‍ എന്നതായിരിക്കാം ബിജെപിയുമായുള്ള ധാരണയെന്നും ആര്‍ ബാലശങ്കര്‍. നേതൃത്വത്തിന് വികലമായ കാഴ്ചപ്പാടാണുള്ളത്. ഈ നേതൃത്വത്തിനൊപ്പം മുന്നോട്ടുപോയാല്‍ 30 വര്‍ഷത്തേക്ക് ബിജെപിക്ക് സംസ്ഥാനത്ത് വിജയസാധ്യതയുണ്ടാകില്ല. രണ്ട് മണ്ഡലങ്ങളിലേക്കുള്ള അധ്യക്ഷന്‍ കെ സുരേന്ദ്രന്റെ സ്ഥാനാര്‍ത്ഥിത്വത്തെയും ആര്‍ ബാലശങ്കര്‍ പരിഹസിച്ചു. കെ സുരേന്ദ്രന്‍ മോദിയൊന്നും അല്ലല്ലോ എന്നായിരുന്നു പരാമര്‍ശം.

 

Related Articles

Back to top button

Adblock Detected

Please consider supporting us by disabling your ad blocker