BREAKING NEWSKERALA

ട്യൂഷന്‍ എടുക്കുന്ന അദ്ധ്യാപകര്‍ക്ക് പൂട്ടിട്ട് സര്‍ക്കാര്‍

സംസ്ഥാനത്തെ കോളജ് അദ്ധ്യാപകരുടെ സ്വകാര്യ ട്യൂഷന് വിലക്കേര്‍പ്പെടുത്തി സംസ്ഥാന സര്‍ക്കാര്‍. കോളേജ് വിദ്യാഭ്യാസ ഡയറക്ടര്‍ ആണ് സര്‍ക്കുലര്‍ പുറപ്പെടുവിച്ചത്. സംസ്ഥാനത്ത് കോളേജ് അധ്യാപകര്‍ സ്വകാര്യ ട്യൂഷന്‍ നടത്തുന്നുണ്ടെന്ന് തരത്തില്‍ നിരന്തരം പരാതി ഉയര്‍ന്നതിനെ തുടര്‍ന്നാണ് നടപടി.
സ്വകാര്യ ട്യൂഷന്‍ നടത്തിപ്പ് സ്ഥാപനങ്ങളുടെ ഭാഗമായി നടന്ന വിജിലന്‍സ് അന്വഷണത്തില്‍ കണ്ടെത്തിയ കണ്ണൂര്‍ സര്‍വകലാശാല സിന്‍ഡിക്കേറ്റ് അംഗവും തലശ്ശേരി ബ്രണ്ണന്‍ കോളേജ് അധ്യാപകനുമായ കെ ടി ചന്ദ്രമോഹനെതിരെ അച്ചടക്ക നടപടി സ്വീകരിച്ചിരുന്നു. മലപ്പുറം വനിതാ കോളേജിലേക്ക് സ്ഥലം മാറ്റിക്കൊണ്ടായിരുന്നു അധ്യാപകനെതിരെ നടപടി സ്വീകരിച്ചത്. ഇതിനു പിന്നാലെയാണ് സര്‍ക്കുലറുമായി സംസ്ഥാന സര്‍ക്കാര്‍ എത്തിയത്.
സംസ്ഥാനത്ത് സര്‍ക്കാര്‍ അധ്യാപകര്‍ നടത്തുന്ന എല്ലാ ട്യൂഷന്‍ സെന്ററുകളെയും പിടിമുറുക്കാന്‍ തയ്യാറെടുക്കുകയാണ് ഈ സര്‍ക്കുലറിലൂടെ. കോളേജ് അധ്യാപകരുടെ ട്യൂഷന് വിലക്കേര്‍പ്പെടുത്തിയും സര്‍ക്കാര്‍ എയ്ഡഡ് കോളേജുകളിലെ പ്രിന്‍സിപ്പാള്‍മാര്‍ക്ക് ഇത് നിരീക്ഷിക്കുന്നതിനും നിര്‍ദേശം നല്‍കിയുമാണ് സര്‍ക്കാര്‍ സര്‍ക്കുലര്‍ പുറപ്പെടുവിച്ചിരിക്കുന്നത്. കോളേജ് അദ്ധ്യാപകര്‍ സ്വകാര്യ ട്യൂഷന്‍ സെന്ററുകളില്‍ ട്യൂഷന്‍ എടുക്കുന്നുണ്ടോ എന്ന് പ്രിന്‍സിപ്പാള്‍മാര്‍ എല്ലാ മാസവും പരിശോധിച്ച് റിപ്പോര്‍ട്ട് നല്‍കണമെന്നും സര്‍ക്കുലറില്‍ പറയുന്നു.

Related Articles

Back to top button

Adblock Detected

Please consider supporting us by disabling your ad blocker