ENTERTAINMENTBOLLYWOOD

ട്രാന്‍സ്‌ജെന്‍ഡര്‍ മോഡല്‍ ദീപ്തി കല്യാണിയുടെ ബിക്കിനി ചിത്രങ്ങള്‍ വൈറല്‍

താര സുന്ദരിമാരുടെ ബിക്കിനി ഫോട്ടോഷൂട്ട് പലപ്പോഴും സോഷ്യല്‍ മീഡിയയില്‍ വൈറലാകാറുണ്ട്. എന്നാല്‍ ട്രാന്‍സ്‌ജെന്‍ഡര്‍മാരുടെ ബിക്കിനി ഫോട്ടോഷൂട്ട് വളരെ വിരളമായി മാത്രമേ കാണാറുള്ളൂ. ഇപ്പോള്‍ ഇതാ അത്തരത്തിലൊരു കിടിലന്‍ ബിക്കിനി ഫോട്ടോഷൂട്ടുമായി എത്തിയിരിക്കുകയാണ് ട്രാന്‍സ്‌ജെന്‍ഡര്‍ മോഡലായ ദീപ്തി കല്യാണി.
‘ഞാനൊരു പേടി സ്വപ്നമാണ്, ഒരു ദിവാസ്വപ്നം പോലെ വസ്ത്രം ധരിച്ചിരിയ്ക്കുന്നു’ എന്ന ക്യാപ്ഷനോടെയാണ് ദീപ്തി തന്റെ ചിത്രങ്ങള്‍ പങ്കുവച്ചിരിയ്ക്കുന്നത്.
ട്രാന്‍സ്‌ജെന്‍ഡറുകള്‍ ബിക്കിനി ഫോട്ടോ ഷൂട്ട് ചെയ്യുന്നത് മോശമാണെന്ന് പറയുന്നവര്‍ക്കും അച്ഛനും അമ്മയും ഇല്ലേ എന്നെല്ലാം വിമര്‍ശിക്കുന്നവര്‍ക്കുമുള്ള ഒരു മറുപടിയെന്ന രീതിയിലാണ് ദീപ്തി ചിത്രങ്ങള്‍ പോസ്റ്റ് ചെയ്തിരിക്കുന്നത്. ചിത്രങ്ങള്‍ക്ക് താഴെ നിരവധി കമന്റുകളാണ് എത്തുന്നത്.
ദീപ്തിയെ പ്രശംസിച്ചും വിമര്‍ശിച്ചുമുള്ള കമന്റുകളാണ് ചിത്രത്തിന് താഴെ നിറയുന്നത്. ദീപ്തിയുടെ മേക്കോവറിനെയും ധൈര്യത്തെയും പ്രശംസിച്ച് ഒരു വിഭാഗം ആളുകള്‍ എത്തുമ്പോള്‍ ഇതിന് വേണ്ടിയാണോ സ്ത്രീയായത് എന്ന രീതിയിലുള്ള വിമര്‍ശനങ്ങളുമുണ്ട്.
ദീപ്തിയെ ഫോട്ടോ ഷൂട്ടിന് വേണ്ടി ഒരുക്കിയത് മേക്കപ്പ് ആര്‍ട്ടിസ്റ്റ് സൂര്യ ഇഷാന്‍ ആണ്. പ്രമുഖ ഫോട്ടോഗ്രാഫറായ സോമു വേദയാണ് ചിത്രങ്ങള്‍ പകര്‍ത്തിയത്.
നേരത്തെ, ദീപ്തി പങ്കുവെച്ച സില്‍ക്ക് സ്മിത ഫോട്ടോഷൂട്ടും വൈറലായിരുന്നു. സ്ഫടികം സിനിമയിലെ ഏഴിമല പൂഞ്ചോല എന്ന ഗാനരംഗത്തില്‍ സില്‍ക് സ്മിത ധരിച്ച വസ്ത്രം ഇട്ടുകൊണ്ടായിരുന്നു ദീപ്തിയുടെ വരവ്.
വനിത മാഗസിന്റെ ആദ്യത്തെ ട്രാന്‍സ് കവര്‍ ഗേള്‍ ആയ മോഡലാണ് ദീപ്തി കല്യാണി. അതിലൂടെയാണ് ദീപ്തി മലയാളികള്‍ക്ക് സുപരിചിതയായത്.

Related Articles

Back to top button

Adblock Detected

Please consider supporting us by disabling your ad blocker