കണ്ണൂര്: എഡിഎം നവീന് ബാബുവിന്റെ മരണത്തില് കണ്ണൂര് ജില്ലാ പഞ്ചായത്ത് പ്രസിഡന്റിനെതിരെ ആരോപണവുമായി കോണ്?ഗ്രസ്. അനുമതി അപേക്ഷ നല്കിയ പെട്രോള് പമ്പില് പി പി ദിവ്യയുടെ ഭര്ത്താവിന് പങ്കാളിത്തമെന്ന് കോണ്ഗ്രസ് ആരോപിച്ചു. പരാതിക്കാരനായ പ്രശാന്ത് വെറും ബിനാമിക്കാരനാണെന്നും സിപിഐഎമ്മിലെ ചില നേതാക്കള്ക്കും പെട്രോള് പമ്പില് പങ്കാളിത്തമുണ്ടെന്നും ഡിസിസി പ്രസിഡന്റ് മാര്ട്ടിന് ജോര്ജ് പറഞ്ഞു.
നവീന് ബാബുവിന്റെ മരണത്തില് സമഗ്ര അന്വേഷണം വേണമെന്ന് മാര്ട്ടിന് ജോര്ജ് ആവശ്യപ്പെട്ടു. സിപിഐഎമ്മിന്റെയും ഡിവൈഎഫ്ഐയുടെയും നേതാക്കള്ക്കും ജില്ലാ പഞ്ചായത്ത് പ്രസിഡന്റിനും പെട്രോള് പമ്പില് പങ്കുണ്ട്. എല്ലാവരും ചേര്ന്നുള്ള കൂട്ടുബിസിനസായിരുന്നു അത്. ഒരു പെട്രോള് പമ്പിന്റെ വിഷയത്തിന് ജില്ലാ പഞ്ചായത്ത് പ്രസിഡന്റ് എന്തിനാണ് ഇത്രയും വികാരം കൊള്ളുന്നതെന്ന് ഡിസിസി പ്രസിഡന്റ് ചോദിച്ചു.
ജില്ലാ പഞ്ചായത്ത് പ്രസിഡന്റിന്റെ താത്പര്യം പരിശോധിച്ചാല് പിപി ദിവ്യയുടെ ഭര്ത്താവും പരാതിക്കാരനായ പ്രശാന്തിനും ഒരേപോലെയുള്ളവരാണെന്ന് കാണാന് കഴിയുമെന്ന് മാര്ട്ടിന് ജോര്ജ് പറഞ്ഞു. സര്ക്കാര് ജീവനക്കാരനായ പ്രശാന്തിന് എങ്ങനെയാണ് പമ്പ് കൊടുക്കുകയെന്ന് അദ്ദേഹം ചോദിച്ചു. ഒരുപാട് മറിമായങ്ങള് നടക്കുന്നുണ്ടെന്ന് മാര്ട്ടിന് ജോര്ജ് ആരോപിച്ചു.
