ENTERTAINMENTTAMIL

പാപ്പരാസികള്‍ പോലും അറിഞ്ഞില്ല, അമ്മയായ സന്തോഷം പങ്കുവച്ച് ശ്രിയ ശരണ്‍

സിനിമാ താരങ്ങളുടെ കുടുംബ ജീവിതവുമായി ബന്ധപ്പെട്ട് ഒരു സൂചന കിട്ടിയാല്‍ തന്നെ ഗോസിപ്പുകള്‍ പടരുന്നത് സാധാരണമാണ്. താരങ്ങളുടെ പ്രണയവും വിവാഹവും ഗര്‍ഭകാലവുമെല്ലാം പാപ്പരാസികള്‍ ആഘോഷമാക്കാറുണ്ട്.ഇപ്പോഴിതാ മാധ്യമങ്ങളോ പാപ്പരാസികളോ ഒന്നും അറിയാതെ ഒരു കുഞ്ഞിന് ജന്മം നല്‍കിയിരിക്കുകയാണ് നടി ശ്രിയ ശരണ്‍.
തമിഴിലും തെലുങ്കിലും മലയാളത്തിലും ബോളിവുഡിലുമൊക്കെ നിറസാന്നിധ്യമായിരുന്ന നടി അമ്മയായ വിവരം ആരാധകര്‍ അറിഞ്ഞത് ഭര്‍ത്താവിനും കുഞ്ഞിനുമൊപ്പമുള്ള വീഡിയോ പുറത്ത് വിട്ടതിന് ശേഷമാണ്.
വിവാഹശേഷം ഇന്ത്യയില്‍ നിന്നും വിദേശത്തേക്ക് സ്ഥിരതാമസം ആക്കിയതായിരുന്നു നടി ശ്രിയ ശരണ്‍. ഭര്‍ത്താവിനൊപ്പമുള്ള യാത്രകളുടെ വീഡിയോസ് നിരന്തരം പങ്കുവെക്കാറുള്ള നടി എന്നാല്‍ ഗര്‍ഭിണിയായ വിവരം പങ്കുവച്ചിരുന്നില്ല. കുഞ്ഞിനെ എടുത്ത് തമാശ കാണിക്കുന്നൊരു വീഡിയോയാണ് ശ്രിയ സോഷ്യല്‍ മീഡിയയില്‍ പങ്കുവെച്ചത്. പാല്‍ കൊടുക്കുന്ന ഭര്‍ത്താവിനെയും വീഡിയോയില്‍ കാണാം.
”ഹലോ പ്രിയപ്പെട്ടവരേ, ഞങ്ങള്‍ക്ക് 2020 ലെ ക്വാറന്‍ൈന്‍ കുറച്ച് അമിതാവേശമുള്ളതായിരുന്നു. ലോകം വളരെ പ്രക്ഷുബ്ദമായ അവസ്ഥയിലൂടെ കടന്ന് പോകുന്നതിനൊപ്പം ഞങ്ങളുടെ ലോകം എന്നന്നേക്കുമായി മാറുകയായിരുന്നു. അവിടെ സാഹസികതയും ആവേശവും ചില പഠനങ്ങളും നിറഞ്ഞൊരു ലോകമാണ്. ഞങ്ങളുടെ ജീവിതത്തിലേക്ക് ഒരു മാലാഖ എത്തിയതില്‍ വളരെയധികം അനുഗ്രഹീതരാണ്. ഞങ്ങള്‍ ദൈവത്തോട് നന്ദിയുള്ളവരുമായിരിക്കും. എന്ന് കുറിച്ചുകൊണ്ടാണ് ശ്രിയ വീഡിയോ പങ്കുവച്ചിരിക്കുന്നത്.
ഏറെ കാലം നീണ്ട പ്രണയത്തിനൊടുവില്‍ 2018 ലായിരുന്നു ശ്രിയ ശരണും റഷ്യന്‍ പൗരനായ ആന്‍ഡ്രേയ് കൊഷ്ചിവും തമ്മില്‍ വിവാഹിതരാവുന്നത്. ഇന്ത്യയിലെ പരമ്പരാഗതമായ ചടങ്ങുകളിലൂടെയാണ് ശ്രിയയും ആന്‍ഡ്രോയും വിവാഹിതരായത്. കല്യാണശേഷമുള്ള ചിത്രങ്ങള്‍ പുറത്ത് വന്നപ്പോഴാണ് നടിയുടെ വിവാഹം കഴിഞ്ഞെന്ന കാര്യം ആരാധകര്‍ അറിയുന്നത്.

Related Articles

Back to top button

Adblock Detected

Please consider supporting us by disabling your ad blocker