LATESTKERALAPOLITICS

പികെ ശശിയെ സ്ഥാനാർത്ഥി പട്ടികയിൽ നിന്നും ഒഴിവാക്കി സി പി എം സംസ്ഥാന നേതൃത്വം

പാലക്കാട്: ഷൊർണൂർ എം എൽ എ പി കെ ശശിയെ സ്ഥാനാർത്ഥി പട്ടികയിൽ നിന്നും സംസ്ഥാന നേതൃത്വം  ഒഴിവാക്കി. ഷൊർണൂരിൽ ഒരു മുതിർന്ന നേതാവിനെ മത്സരിപ്പിക്കാനാണ് ശശിയെ മാറ്റിയത് എന്നാണ് സൂചന. ഇതിന് പുറമേ ശശിയുമായി ബന്ധപ്പെട്ട വിവാദങ്ങളും കാരണമായിട്ടുണ്ട്. ഒറ്റപ്പാലം എം എൽ എ പി ഉണ്ണിയെയും പട്ടികയിൽ നിന്ന് ഒഴിവാക്കിയതായി സൂചനയുണ്ട്.

മ്യഖ്യമന്ത്രി പിണറായി വിജയൻ നേരിട്ട് ഇടപെട്ടാണ് പി കെ ശശിയെ ഷൊർണൂർ മണ്ഡലത്തിൽ മത്സരിപ്പിക്കുന്നതിൽ നിന്നും മാറ്റിയതെന്നാണ് സൂചന. രണ്ടാം ടേം മാത്രമായതിനാൽ ജില്ലാ സെക്രട്ടറിയേറ്റ് സമർപ്പിച്ച പട്ടികയിൽ ഷൊർണൂർ എം എൽ എ പി കെ ശശിയെയും ഒറ്റപ്പാലം എം എൽ എ പി ഉണ്ണിയെയും ഉൾപ്പെടുത്തിയിരുന്നു.

എന്നാൽ, ശശിയോട് മാറി നിൽക്കാൻ നേതൃത്വം ആവശ്യപ്പെടുകയായിരുന്നു. ഇവിടെ സംസ്ഥാന നേതൃത്വത്തിലെ ആരെങ്കിലും മത്സരിക്കും. ഒറ്റപ്പാലം എം എൽ എ പി ഉണ്ണിയേയും രണ്ടാം തവണ മത്സരിപ്പിക്കേണ്ട എന്ന നിലപാടാണ് നേതൃത്വം തീരുമാനിച്ചിട്ടുള്ളത്. എന്നാൽ, പകരം ആര് എന്നത് സംബന്ധിച്ച് അന്തിമ തീരുമാനമായിട്ടില്ല.

 

Related Articles

Back to top button