BREAKING NEWSLATESTNATIONAL

പെഗാസസ് സമിതി പരിഗണിക്കുന്നത് ഈ വിഷയങ്ങള്‍

ന്യൂഡല്‍ഹി: പെഗാസസ് വിഷയത്തില്‍ സുപ്രീം കോടതി വിധി കേന്ദ്ര സര്‍ക്കാരിന് വലിയ തിരിച്ചടി ആയിരിക്കുകയാണ്. പെഗാസസ് ചോര്‍ത്തല്‍ അന്വേഷിക്കാന്‍ സുപ്രീം കോടതി വിദഗ്ധ സമിതിക്ക് രൂപം നല്‍കിയാണ് ഉത്തരവിറക്കിയത്. പെഗാസസ് സ്‌പൈവെയര്‍ ഉപയോഗിച്ച് സ്വകാര്യ വ്യക്തികളുടെ വിവരങ്ങള്‍ കേന്ദ്രസര്‍ക്കാര്‍ ചോര്‍ത്തിയെന്ന ഹര്‍ജിയിലാണ് നടപടി.
സുപ്രീം കോടതിയുടെ മേല്‍നോട്ടത്തിലാണ് അന്വഷണം. ജസ്റ്റിസ് ആര്‍ വി രവീന്ദ്രന്‍ അധ്യക്ഷനായ വിദഗ്ധ സമിതിയില്‍ അലോക് ജോഷി (മുന്‍ റോ മേധാവി ) ഡോ: സന്ദീപ് ഒ*്‌റോയ് (കമ്പ്യൂട്ടര്‍ സുരക്ഷാ വിദഗ്ധന്‍) തുടങ്ങിയവരും ഉള്‍പ്പെടുന്നു. കൂടാതെ സാങ്കേതിക സമിതിയില്‍ ഡോ: നവീന്‍ കുമാര്‍ ചൗധരി ( നാഷണല്‍ ഫോറന്‍സിക് സയന്‍സ്) ഡോ . പി പ്രഭാകരന്‍ (അമൃത വിശ്വപീഠം കൊല്ലം) അശ്വിന്‍ അനില്‍ ഗുമസ്‌തേ (ഐ ഐ ടി മും*ൈ) എന്നിവരാണ് ഉള്ളത്.
പെഗാസസ് സമിതി ഏഴു വിഷയങ്ങളാകും പരിഗണിക്കുക. വിധി പ്രതീക്ഷ നല്‍കുന്നുവെന്ന് ശശി തരൂര്‍ എംപി. പൗരാവകാശവും, മാധ്യമ സ്വാതന്ത്ര്യവും സംരക്ഷിക്കുന്ന ഉത്തരവാണ് സുപ്രീം കോടതിയില്‍ നിന്നും ഉണ്ടായതെന്നും അദ്ദേഹം കൂട്ടിച്ചേര്‍ത്തു.

പെഗാസസ് സമിതി പരിഗണിക്കുന്ന വിഷയങ്ങള്‍.
* പെഗാസസ് ഫോണ്‍ ചോര്‍ത്തിയോ?
* എങ്കില്‍ ആരുടെയൊക്കെ ഫോണ്‍ ചോര്‍ത്തി ?
* 2019 ല്‍ ചോര്‍ത്തല്‍ ആരോപണം ഉയര്‍ന്നപ്പോള്‍ കേന്ദ്രം സ്വീകരിച്ച നടപടി.
* കേന്ദ്ര സംസ്ഥാന സര്‍ക്കാരുകളോ ഏജന്‍സികളോ പെഗാസസ് വാങ്ങിയോ ?
* പെഗാസസ് ഉപയോഗിച്ചത് ഏത് നിയമത്തിന്റെ മാര്‍ഗ രേഖ ഉപയോഗിച്ച് ?
* വ്യക്തികളോ സ്ഥാപനങ്ങളോ ഉപയോഗിച്ചെങ്കില്‍ അത് നിയമവിരുദ്ധമാണോ ?
* കമ്മിറ്റിക്ക് പ്രസക്തമെന്നു തോന്നുന്ന മറ്റ് വിഷയങ്ങള്‍.

Related Articles

Back to top button

Adblock Detected

Please consider supporting us by disabling your ad blocker