BREAKING NEWSGULFNRI

ഫിഫ ലോകകപ്പ്; സന്ദര്‍ശകര്‍ക്ക് തനതു ശൈലി വീടുകള്‍ വാടകയ്ക്ക് ഒരുക്കി ഖത്തര്‍

ദോഹ: ഖത്തറില്‍ ലോകകപ്പ് കാണാനെത്തുന്നവര്‍ക്കും വിനോദ സഞ്ചാരികള്‍ക്കും ഖത്തരി വീടുകള്‍ വാടകയ്ക്ക് നല്‍കാന്‍ സംവിധാനം വരുന്നു. പ്രാദേശിക സംസ്‌ക്കാരവും ജീവിത രീതികളും അറിയാനും മനസ്സിലാക്കാനും സന്ദര്‍ശകര്‍ക്ക് അവസരമൊരുക്കുകയെന്ന ലക്ഷ്യത്തോടെയാണ് മുനിസിപ്പാലിറ്റി മന്ത്രാലയം ഇതിനായി പദ്ധതി ആവിഷ്‌ക്കരിക്കുന്നത്. ഇതുമായി ബന്ധപ്പെട്ട് ഖത്തര്‍ ടൂറിസവുമായി ചര്‍ച്ചകള്‍ ആരംഭിച്ചതായി മുനിസിപ്പല്‍ പരിസ്ഥിതി മന്ത്രാലയത്തിലെ അസിസ്റ്റന്റ് അണഅണ്ടര്‍ സെക്രട്ടറി മുന്‍സൂര്‍ അബ്ദുല്ല അല്‍ മഹ്മൂദ് അറിയിച്ചു.
രാജ്യത്തെത്തുന്ന വിദേശികള്‍ക്ക് നിശ്ചിത കാലയളവില്‍ ഖത്തരി വീടുകള്‍ വിട്ടുനല്‍കുന്ന കാര്യമാണ് ആലോചിക്കുന്നതെന്ന് അദ്ദേഹം പറഞ്ഞു. ഖത്തര്‍ നാഷനല്‍ കണ്‍വെന്‍ഷന്‍ സെന്ററില്‍ നടന്ന ബില്‍ഡ് യുവര്‍ ഹൗസ് 2021 എക്‌സിബിഷനോടനുബന്ധിച്ച് സംസാരിക്കുകയായിരുന്നു അദ്ദേഹം. പ്രത്യേകിച്ച് ലോകകപ്പ് വേളയില്‍ വീട് വിട്ടുനല്‍കാന്‍ താല്‍പര്യമുള്ള ഖത്തരികള്‍ക്ക് പദ്ധതിയുടെ ഭാഗമാവാന്‍ കഴിയും.
നിലവില്‍ ലോകകപ്പിനെത്തുന്ന സന്ദര്‍ശകര്‍ക്ക് താമസിക്കുന്നതിനായി ഹോട്ടുലുകള്‍, ക്രൂയിസ് കപ്പലുകള്‍, ആഢംബര കാംപ് സൈറ്റുകള്‍, ഹോളിഡോ ഹോമുകള്‍ എന്നിവിടങ്ങളിലായി വിപുലമായ താമസ സൗകര്യങ്ങളാണ് ഖത്തര്‍ ഒരുക്കിയിരിക്കുന്നത്. ഇതിന്റെ ഭാഗമായി നേരത്തേ ഹോളിഡേ ഹോം പദ്ധതിക്ക് ഖത്തര്‍ രൂപം നല്‍കിയിരുന്നു.
ടൂറിസ്റ്റ് കേന്ദ്രങ്ങളിലും മറ്റിടങ്ങളിലുമായി റെസിഡന്‍ഷ്യല്‍ അപ്പാര്‍ട്ട്‌മെന്റുകളും വില്ലകളും സ്വന്തമായി ഉള്ളവര്‍ക്ക് പരമാവധി 30 ദിവസത്തേക്ക് അവ വിദേശികള്‍ക്ക് വാടകയ്ക്ക് നല്‍കുന്ന പദ്ധതിയാണിത്. താല്‍പര്യമുള്ളവര്‍ക്ക് പദ്ധതിയില്‍ രജിസ്റ്റര്‍ ചെയ്യാമെന്ന് അധികൃതര്‍ നേരത്തേ നിര്‍ദ്ദേശം നല്‍കിയിരുന്നു.
ഫുട്‌ബോള്‍ കാണാനും വിനോദ സഞ്ചാരത്തിന്റെ ഭാഗവുമായി ഖത്തറിലെത്തുന്ന അതിഥികള്‍ക്ക് ഏറ്റവും മികച്ച താമസവും മറ്റു സൗകര്യങ്ങളും ഒരുക്കുകയെന്ന ലക്ഷ്യത്തോടെയാണ് ഖത്തരി വീടുകള്‍ സന്ദര്‍ശകര്‍ക്ക് വിട്ടുനല്‍കുന്ന പദ്ധതി ആവിഷ്‌ക്കരിക്കുന്നതെന്ന് മുന്‍സൂര്‍ അബ്ദുല്ല അല്‍ മഹ്മൂദ് പറഞ്ഞു.
ഖത്തരികള്‍ എങ്ങനെയാണ് ജീവിക്കുന്നതെന്നും അവരുടെ വീടുകള്‍ എങ്ങനെയാണെന്നും അറിയാനും അനുഭവിക്കാനും താല്‍പര്യമുള്ള ഒട്ടേറെ പേര്‍ സന്ദര്‍ശകരുടെ കൂട്ടത്തിലുണ്ടാവും. ഇവരെ മുന്നില്‍ കണ്ടാണ് സാംസ്‌ക്കാരിക ടൂറിസം പദ്ധതിയുടെ ഭാഗമായി ഇതേക്കുറിച്ച് ആലോചിക്കുന്നതെന്നും അദ്ദേഹം അറിയിച്ചു.

Related Articles

Back to top button

Adblock Detected

Please consider supporting us by disabling your ad blocker