LATESTKERALA

ബിനീഷ് കോടിയേരി കേസില്‍ വെള്ളാപ്പള്ളിയും പ്രതിയാകും; സുഭാഷ് വാസു

ആലപ്പുഴ: ബിനീഷ് കോടിയേരിക്ക് എതിരായ ലഹരി മരുന്ന് കേസില്‍ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശനും കുടുംബവും ഉള്‍പ്പെടുമെന്ന് സുഭാഷ് വാസു. നിക്ഷേപം നടത്തിയത് പാലാ സ്വദേശി ടോമി മാളിയേക്കല്‍ വഴി ആണ്. ഇയാളുടെ വീട്ടിലാണ് എന്‍ഫോഴ്‌സ്‌മെന്റ് കഴിഞ്ഞ ദിവസം പരിശോധന നടത്തിയത്.
കേരളത്തില്‍ നാലാം മുന്നണി നിലവില്‍ വരും.

തന്റെ നേതൃത്വത്തില്‍ ഉള്ള ബിഡിജെഎസ് നാലാം മുന്നണിക്ക് നേതൃത്വം കൊടുക്കുമെന്ന് സുഭാഷ് വാസു പറഞ്ഞു. കേന്ദ്ര ബിജെപിയുടെയും കേരളത്തിലെ ആര്‍എസ്എസ് നേതൃത്വത്തിന്റെയും പിന്തുണ തന്റെ ബിഡിജെഎസിന് ഉണ്ട്. ഇതിന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്റെ പിന്തുണ ആവശ്യമില്ല. കേരളത്തില്‍ പ്രവര്‍ത്തിക്കാന്‍ സുരേന്ദ്രന്റെ ഔദാര്യം വേണ്ടെന്നും അദ്ദേഹം കൂട്ടിച്ചേര്‍ത്തു.

കള്ളപ്പണ കേസില്‍ നിന്ന് രക്ഷതേടി തുഷാര്‍ വെള്ളാപ്പള്ളി കേന്ദ്ര ബിജെപി നേതാക്കളുടെ കാല് പിടിച്ചുവെന്നും സുഭാഷ് വാസു ആരോപിച്ചു. സംവരണ വിഷയത്തില്‍ ധാര്‍മ്മിക പരിഹാരം കാണാന്‍ ഇതുവരെ ആര്‍ക്കും സാധിച്ചിട്ടില്ല. സംവരണം നേടിക്കൊടുക്കുന്നതില്‍ വെള്ളാപ്പള്ളി നടേശന് ആര്‍ജ്ജവക്കുറവാണ്. എല്‍ഡിഎഫിനും യുഡിഎഫിനും എതിരെ സമരം ബിഡിജെഎസ് സമരം ചെയ്യും.വെള്ളാപ്പള്ളിക്ക് ധൈര്യം ഉണ്ടെങ്കില്‍ എന്‍ഡിഎ തള്ളി പറയണം. അങ്ങനെ പറഞ്ഞാല്‍ ജയിലില്‍ പോകേണ്ടി വരുമെന്നും അദ്ദേഹം കൂട്ടിച്ചേര്‍ത്തു.

Related Articles

Back to top button

Adblock Detected

Please consider supporting us by disabling your ad blocker