BREAKING NEWSWORLD

ഭാര്യയെയും നാല് കുട്ടികളെയും കഴുത്തു ഞെരിച്ചു കൊന്നു, യെമന്‍ സ്വദേശിയുടെ വധശിക്ഷ സൗദിയില്‍ നടപ്പാക്കി

ജിദ്ദ: ഭാര്യയെയും നാലു കുട്ടികളെയും കഴുത്തു ഞെരിച്ചു കൊന്ന കേസില്‍ യെമന്‍ സ്വദേശിയുടെ വധശിക്ഷ നടപ്പാക്കി. കുട്ടിയെ തട്ടിക്കൊണ്ടുപോയി പ്രകൃതി വിരുദ്ധ പീഡനത്തിനിരയാക്കുകയും വധശഭീഷണി മുഴക്കുകയും ചെയ്ത സ്വദേശിക്കും സൗദി ആഭ്യന്തര മന്ത്രാലയം വധശിക്ഷ നല്‍കി.
സ്വദേശിനി ഫാത്തിമ ബിന്‍ത് മുബാറക് അല്‍ കര്‍ബിയെയും നാല് ആണ്‍മക്കളെയും കഴുത്ത് ഞെരിച്ച് കൊലപ്പെടുത്തിയതിനാണ് യെമന്‍ പൗരനായ സാലിഹ് അബ്ദുല്ല അലി അല്‍ ഔബ്താനിക്ക് വധശിക്ഷ നടപ്പാക്കിയത്. സൗദി പൗരനായ തുര്‍ക്കി ബിന് മുഹമ്മദ് ബിന്‍ മുഫ്രെജ് അല്‍ മുളൈബിരി അല്‍ റാഷിദിയെ ഒരു കുട്ടിയെ തട്ടിക്കൊണ്ടുപോയി പ്രകൃതി വിരുദ്ധ പീഡനത്തിന് ഇരയാക്കുകയും കൊല്ലാന്‍ ശ്രമിക്കുകയും ചെയ്തതിനാണ് വധശിക്ഷയ്ക്ക് വിധിച്ചത്.
സൗദിയില്‍ ഗര്‍ഭിണിയായ ഭാര്യയെയും ഗര്‍ഭസ്ഥ ശിശുവിനെയും കൊലപ്പെടുത്തിയ പൗരന്റെ വധശിക്ഷ കഴിഞ്ഞ ദിവസം നടപ്പാക്കി. അബ്ദുല്ല ബിന്‍ സാബിന്‍ ബിന്‍ മൂസിം അല്‍ മുതൈരിയുടെ വധശിക്ഷയാണ് നടപ്പാക്കിയത്. ഭാര്യ സിറിയന്‍ സ്വദേശിയായ ഖിതാം മുഹമ്മദ് അല്‍ ബുസൈരിയെയാണ് മുതൈരി കത്തികൊണ്ട് കുത്തിക്കൊന്നത്. നിരവധി തവണ ഇയാള്‍ ഭാര്യയെ കുത്തി. തുടര്‍ന്ന്, യുവതിയും ഗര്‍ഭസ്ഥശിശുവും മരിച്ചു. അല്‍ ഖസീം മേഖലയിലെ ഉനൈസ ഗവര്‍ണറേറ്റിലാണ് ഇരുവരും താമസിച്ചിരുന്നത്. പ്രതിയെ അറസ്റ്റ് ചെയ്ത സുരക്ഷാസേന തെളിവുകള്‍ കണ്ടെത്തുകയും കോടതിയില്‍ ഇത് തെളിയിക്കുകയും ചെയ്തു.
കഴിഞ്ഞ ദിവസങ്ങളിലായി സൗദിയില്‍ നിരവധി പേരുടെ വധശിക്ഷ നടപ്പാക്കിയിരുന്നു. ഉറങ്ങിക്കിടക്കുമ്പോള്‍ മാതാവിനെ പെട്രോള്‍ ഒഴിച്ച് തീകൊളുത്തി കൊലപ്പെടുത്തിയ കേസില്‍ പ്രതിയുടെ വധശിക്ഷ നടപ്പാക്കി. സ്വദേശി പൗരനായ സുല്‍ത്താന്‍ ബിന്‍ അഹമ്മദ് ബിന്‍ സുബൈതാന്‍ ഉല്‍യാന്‍ ഷാമാന്‍ എന്നയാളുടെ ശിക്ഷയാണ് തബൂക്കില്‍ നടപ്പാക്കിയത്. ഗുരുതരമായി പൊള്ളലേറ്റ മാതാവ് മരണത്തിന് കീഴടങ്ങുകയായിരുന്നു.
ഭാര്യയെ കഴുത്തറുത്ത് കൊലപ്പെടുത്തിയ പ്രതിയുടെ വധശിക്ഷ മദീനയില്‍ നടപ്പാക്കി. സൗദി പൗരനായ അബ്ദുല്ല ബിന്‍ ഈദ് ബിന്‍ ബഖീത് അല്‍ ഹുസൈനി ഭാര്യ നജാഹി ബിന്‍ത് ബഖിതാന്‍ ബിന്‍ ബഖിത് അല്‍ സെയ്ദിയെ കത്തികൊണ്ട് കഴുത്തറുത്ത് കൊലപ്പെടുത്തിയ കേസിലാണ് വധശിക്ഷയ്ക്ക് വിധേയനാക്കിയത്.
സംഭവത്തില്‍ പ്രതി കുറ്റം സമ്മതിക്കുകയും ക്രിമിനല്‍ കോടതിയിലേക്ക് റഫര്‍ ചെയ്ത ശേഷം കോടതി വധശിക്ഷയ്ക്ക് വിധിക്കുകയുമായിരുന്നു. ഈ വിധിയെ അപ്പീല്‍ കോടതിയും സുപ്രിം കോടതിയും പിന്തുണയ്ക്കുകയും ശിക്ഷ നടപ്പാക്കാന്‍ രാജകീയ ഉത്തരവ് ലഭിക്കുകയും ചെയ്തു.
പ്രായപൂര്‍ത്തിയാകാത്ത ആണ്‍കുട്ടിയെ തട്ടിക്കൊണ്ടുപോയി പ്രകൃതി വിരുദ്ധ പീഡനം നടത്തിയ പൗരന്മാരെ സൗദിയില്‍ വധശിക്ഷയ്ക്ക് വിധേയരാക്കി. അബ്ദുല്‍ മജീദ് ബിന്‍ മര്‍സൂഖ് സുബ്ഹി, ഈദ് ബിന്‍ ബഖീത് അസുബ് ഹി എന്നിവര്‍ക്കാണ് ശിക്ഷ നടപ്പാക്കിയത്.
മദീന പ്രവിശ്യയിലെ യാമ്പുവിലാണ് ശിക്ഷ നടപ്പാക്കിയത്. പ്രായപൂര്‍ത്തിയാകാത്ത കുട്ടിയെ പ്രതികള്‍ ചേര്‍ന്ന് നഗരപ്രദേശത്തിന് പുറത്തേയ്ക്ക് തട്ടിക്കൊണ്ടു പോയി മര്‍ദിക്കുകയും മുറിവേല്‍പ്പിക്കുകയും ചെയ്തു. തുടര്‍ന്ന്, ബലപ്രയോഗത്തിലൂടെ പ്രകൃതി വിരുദ്ധ പീഡനം നടത്തുകയും കൊലപ്പെടുത്തുമെന്ന് ഭീഷണിപ്പെടുത്തുകയും ചെയ്‌തെന്ന് ആഭ്യന്തര മന്ത്രാലയം അറിയിച്ചു.
സുരക്ഷാ വിഭാഗം പ്രതികളെ അറസ്റ്റ് ചെയ്യുകയും അന്വേഷണത്തില്‍ കുറ്റക്കാരാണെന്ന് തെളിയുകയും ചെയ്തു. വിധി അപ്പീല്‍ കോടതിയും സുപ്രിം കോടതിയും ശരിവെച്ചതിനെ തുടര്‍ന്നാണ് വധശിക്ഷയ്ക്ക് വിധേയരാക്കിയത്.

Related Articles

Back to top button

Adblock Detected

Please consider supporting us by disabling your ad blocker