തൃശ്ശൂര് : തൃശ്ശൂര് പൂരം കലങ്ങിയില്ലെന്ന മുഖ്യമന്ത്രി പിണറായി വിജയന്റെ പ്രസ്താവനയെ തളളി സിപിഐ നേതാക്കള്. പൂരം കലങ്ങിയത് തന്നെയെന്നാവര്ത്തിച്ച് സിപിഐ സംസ്ഥാന സെക്രട്ടറി ബിനോയ് വിശ്വം രംഗത്തെത്തി. തൃശ്ശൂര് പൂരം നടക്കേണ്ട പോലെ നടന്നിട്ടില്ല. നടത്താന് ചിലര് സമ്മതിച്ചില്ല. മുഖ്യമന്ത്രിയുടെ പരാമര്ശം ഒരു വാക്കിന്റെ പ്രശ്നമല്ല. പൂര വിവാദവുമായി ബന്ധപ്പെട്ട എല്ലാ സത്യങ്ങളും പുറത്തുവരണമെന്നും ബിനോയ് വിശ്വം ആവശ്യപ്പെട്ടു.
പൂരം കലങ്ങിയതല്ല കലക്കിയത് തന്നെയാണെന്ന് സിപിഐ നേതാവ് വി എസ് സുനില് കുമാറും പ്രതികരിച്ചു. യാതൊരു സംശയവുമില്ലാത്ത കാര്യമാണതെന്നും സുനില് കുമാര് ഏഷ്യാനെറ്റ് ന്യൂസിനോട് പ്രതികരിച്ചു.
മുഖ്യമന്ത്രിയുടെ പ്രസ്താവനയില് വൈരുദ്ധ്യമില്ലെന്നും പൂരം കലക്കലുമായി ബന്ധപ്പെട്ട് മുഖ്യമന്ത്രി നേരത്തെ പറഞ്ഞതും ഇന്നലെ പറഞ്ഞതും ഒന്ന് തന്നെയാണെന്നുമായിരുന്നു റവന്യൂ മന്ത്രി കെ രാജന്റെ അഭിപ്രായം. ബന്ധപ്പെട്ട വിഷയത്തില് സഭയ്ക്ക് അകത്തും പുറത്തും ഞങ്ങള് ഞങ്ങളുടെ നിലപാട് പറഞ്ഞിട്ടുണ്ട്. അതില് മാറ്റമില്ലെന്നും കെ രാജന് വ്യക്തമാക്കി. വെടിക്കെട്ട് അല്പ്പം വൈകിയതിനാണോ തൃശൂര് പൂരം കലക്കി എന്ന് പ്രചരിപ്പിക്കുന്നതെന്ന് മുഖ്യമന്ത്രി കഴിഞ്ഞ ദിവസം ചോദിച്ചിരുന്നു. ഇതിനോടായിരുന്നു മന്ത്രിയുടെ പ്രതികരണം.
വെടിക്കെട്ട് അല്പ്പം വൈകിയതിനാണോ തൃശൂര് പൂരം കലക്കി എന്ന് പ്രചരിപ്പിക്കുന്നതെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസം ചോദിച്ചിരുന്നു. ഇതിനോടായിരുന്നു സിപിഐ നേതാക്കളുടെ പ്രതികരണം.
69 1 minute read